ທ່ານ ດູເຕີເຕ ວິຈານນະໂຍບາຍ ການຄ້າອາເມລິກາໃນເວທີອາຊຽນ

- advert banner 728 90 728x90 - ທ່ານ ດູເຕີເຕ ວິຈານນະໂຍບາຍ ການຄ້າອາເມລິກາໃນເວທີອາຊຽນ

- DGjc6 QXUAA0 6Y - ທ່ານ ດູເຕີເຕ ວິຈານນະໂຍບາຍ ການຄ້າອາເມລິກາໃນເວທີອາຊຽນ

- new3 - ທ່ານ ດູເຕີເຕ ວິຈານນະໂຍບາຍ ການຄ້າອາເມລິກາໃນເວທີອາຊຽນ

ປະທານາທິບໍດີ​ຟີ​ລິບ​ປິ​ນວິຈານ​ກໍລະນີ​ທີ່​ອາ​ເມ​ລິ​ກາ​ຖອນ​ຕົວ​ຈາກ​ຂໍ້​ຕົກລົງ​ການ​ຄ້າ TPP ຍິ່ງ​ກະ​ຕຸ້ນ​ໃຫ້​ອາ​ຊຽນຕ້ອງ​ຮ່ວມ​ກັນ​ຜະ​ເຊີນ ​ແລະ ຕໍ່ສູ້​ກັບ​ການ​ປົກ​ປ້ອງ​ທາງ​ການ​ຄ້າ​ຫລາຍ​ຂຶ້ນ ​ເພື່ອ​ຮັກສາ​ຜົນ​ປະ​ໂຫຍ​ດຂອງ​ພາກພື້ນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 8 ສິງຫາ​ວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ກ່າວ​ຄຳ​ຖະ​ແຫລ​ງ​ໃນ​ພິທີ​ປິດ​ກອງ​ປະຊຸມ​ສຸດ​ຍອດ​ລັດຖະມົນຕີ​ຕ່າງປະ​ເທດ​ສະມາຄົມ​ປະຊາ​ຊາດ​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ຄັ້ງທີ 50 ​ເຊິ່ງກົງ​ກັບ​ວາລະ​ຄົບຮອບ 50 ປີ ການ​ສະຖາປະນາ​ອາ​ຊຽນ ​ໃນ​ນະຄອນຫລວງ​ມະນິລາ ມີ​​ເນື້ອ​ໃນ​ສຳຄັນ​ຕອນ​ໜຶ່ງ​ເປັນ​ການສະ​ແດງ​ຄວາມ​ສະໜັບສະໜູນ​ຂອງ​ລັດຖະບານ​ມະນິລາ​ຕໍ່​ຂໍ້​ຕົກລົງ​ພັນທະ​ມິດ​ທາງ​ການ​ຄ້າ​ລະດັບ​ພາກພື້ນ ຫລື ອາ​​​ເຊບ ທີ່​ຈີນ​ເປັນ​ຜູ້​ຊຸກ​ດັນ ​ເນື່ອງ​ຈາກ​ເປັນ​ຂໍ້​ຕົກລົງ​ການ​ຄ້າ​ທີ່​ອາດ​ຈະ​ຊຸກ​ດັນ ​ແລະ ສະໜັບສະໜູນ​ຄວາມ​ພະຍາ​ຍາມ​ຂອງ​ອາ​ຊຽນ ​ໃນ​ການ​ຕໍ່ຕ້ານ​ການ​ປົກ​ປ້ອງ​ທາງ​ການ​ຄ້າ​ໄດ້​ເປັນ​ຢ່າງ​ດີ.

- mnxofz2m - ທ່ານ ດູເຕີເຕ ວິຈານນະໂຍບາຍ ການຄ້າອາເມລິກາໃນເວທີອາຊຽນ

- lattana 1 - ທ່ານ ດູເຕີເຕ ວິຈານນະໂຍບາຍ ການຄ້າອາເມລິກາໃນເວທີອາຊຽນ

ຜູ້ນຳ​ຟີ​ລິບ​ປິນກ່າວ​ອີກ​ວ່າ: ອາ​ຊຽນ​ເປັນ​ພາກພື້ນທີ່​ມີ​ສ່ວນ​ໄດ້​ສ່ວນ​ເສຍ​ຫລາຍ​ກວ່າ​ພາກພື້ນອື່ນ​ໃນ​ໂລກ ​ໃນ​ການ​ຜະ​ເຊີນ ​ແລະ ຕໍ່ສູ້​ກັບ​ການ​ປົກ​ປ້ອງ​ທາງ​ການ​ຄ້າ ​ແລະ ຮັກສາ​ກົດ​ລະບຽບ​ດ້ານ​ການ​ຄ້າ​ລະຫວ່າງ​ປະ​ເທດ ​ເພື່ອ​ປົກ​ປ້ອງ​ຜົນ​ປະ​ໂຫຍ​ດຂອງ​ພາກພື້ນ. ດ້ວຍ​ເຫດ​ນີ້ ທ່ານ​ຈຶ່ງ​ຫວັງ​ວ່າການ​ເຈລະຈາ​ເລື່ອງ​ອາ​ເຊບຈະ​ມີ​ຄວາມ​ຄືບ​ໜ້າ​ຢ່າງ​ວ່ອງ​ໄວ ​ແລະ ສ້າງສັນ​ກວ່າ​ນີ້, ຫລັງ​ມີ​ການ​ເຈລະຈາ​ຢ່າງ​ເປ​ັນທາງ​ການ​ນັບ​ແຕ່​ເດືອນ​ພະຈິກ 2012 ​ໂດຍ​ມີ​ຄູ່​ເຈລະຈາ 16 ປະ​ເທດ ຄື​ສະມາຊິກ​ອາ​ຊຽນທັງ 10 ປະ​ເທດ, ຈີນ, ຍີ່ປຸ່ນ, ສ.​ເກົາຫລີ, ອິນ​ເດຍ, ອົດ​ສະຕຣາລີ ​ແລະ ນູ​ແວນ​ເຊ​ລັງ.

ນອກຈາກ​ນີ້, ທ່ານ ດູ​ເຕີ​ເຕ ຍັງ​ກ່າວ​ເຖິງ​ຂໍ້​ຕົກລົງ​ຫຸ້ນ​ສ່ວນ​ຍຸ​ດທະ​ສາດ​ເສດຖະກິດ​ອາຊີ-ປາຊີ​ຟິກ (TPP) ທີ່​ຢຸດ​ສະ​ງັກທັນທີ ຫລັງ​ອາ​ເມ​ລິ​ກາ​ປະກາດ​ຖອນ​ຕົວ​ຫລັງ​ປະທານາທິບໍດີ ​ໂດ​ນັນ ທຣຳ ​ຮັບ​ຕຳ​ແໜ່​ງ​ໃນ​ທ້າຍ​ເດືອນ​ມັງກອນ​ຜ່ານ​ມາ​ວ່າ: ທ່ານ​ເຄີຍ​ກ່າວ​ໄວ້​ກ່ອນ​ໜ້າ​ນີ້​ແລ້ວ​ວ່າ: TPP ຈະ​ກາຍ​ເປັນ​ພຽງ​ຄວາມ​ຝັນ. ທັງ​ນີ້ ມີ​ການ​ວິ​ເຄາະ​ມາ​ຕະຫລອດ​ວ່າ: ການຈັດຕັ້ງ TPP ​ເປັນຄວາມ​ພະຍາຍາມ​ຂອງ​ອາ​ເມ​ລິ​ກາ​ໃນ​ການ​ຫາ​ທາງ​ຄັດຄ້ານ​ອຳນາດ​ກັບ​ອິດ​ທິພົນ​ທາງ​ການ​ຄ້າ​ຂອງ​ຈີນ ​ເຊິ່ງບໍ່​ໄດ້​ເປັນ​ໜຶ່ງ​ໃນ​ຄູ່​ເຈລະຈາ TPP. ຂະນະ​ທີ່​ອາ​ເມ​ລິ​ກາ​ບໍ່​ຢູ່​ໃນ​ຄູ່​ເຈລະຈາ​ຂອງ​ອາ​ເຊບ​ເຊັ່ນ​ກັນ.

error: Content is protected !!