ເກມຈົບຄົນບໍ່ຈົບ, ນັກເຕະ ແອັດ ມາດຣິດ-ແມນ ຊິຕີ ປະທະກັນຕໍ່ໃນອຸໂມງຫລັງເກມ UCL

ນັກເຕະ ແອັດເລຕີໂກ ມາດຣິດ ແລະ ແມນເຊສເຕີ ຊິຕີ ມີການເປີດສາກປະທະເດືອດກັນຕໍ່ໃນອຸໂມງຫ້ອງແຕ່ງຕົວ ຫລັງເກມຢູຊີແອລ ຮອບ 8 ທີມສຸດທ້າຍນັດສອງ.

ເຫດການດັ່ງກ່າວເກີດຂຶ້ນຫລັງເກມທີ່ ແມນເຊສເຕີ ຊິຕີ ບຸກໄປສະເຫມີ ແອັດເລຕີໂກ ມາດຣິດ 0-0 ໃນການແຂ່ງຂັນບານເຕະຢູຟາ ແຊ໊ມປຽນລີກ ຮອບກ່ອນຮອງຊະນະເລີດ ນັດທີສອງ ເມື່ອວັນທີ 13 ເມສາທີ່ຜ່ານມາ.

ໂດຍຕົ້ນເຫດນັ້ນເກີດຂຶ້ນຕັ້ງແຕ່ໃນໄລຍະທ້າຍເກມຫລັງນັກເຕະ 2 ທີມ ເກີດເຫດກະທົບກະທັ້ງກັນຈົນ ຟີລິບເປ ກອງຫລັງຂອງ ແອັດ ມາດຣິດ ໄປເຕະໃສ່ ຟິລ ໂພ ເດັນ ຈົນຖືກໃບເຫລືອງທີ 2 ເປັນໃບແດງໄລ່ອອກ ກ່ອນສຸດທ້າຍ ແມນເຊສເຕີ ຊິຕີ ຈະເປັນຝ່າຍເຂົ້າຮອບຕັດເຊືອກດ້ວຍປະຕູລວມ 1-0.

ຫລັງຈົບເກມ ນັກເຕະທັງສອງຝ່າຍໄດ້ຍ່າງກັບໄປສູ່ອຸໂມງຫ້ອງແຕ່ຕົວ ກ່ອນມີພາບທີ່ ສະເຕຟານ ຊາວິດ ຈະຮ້ອງດ່າກັບ ແຈັກ ກຣີລິສ ແລະ ຫລັງຈາກນັ້ນ ຊິເມ ເວີຊັລໂກ ກໍແລ່ນເຂົ້າມາໃສ່ ໄຄ ວອກເກີ ຈົນຫມູ່ຮ່ວມທີມຕ້ອງຫ້າມເອົາໄວ້ ກ່ອນຕຳຫລວດຈະເຂົ້າມາລະງັບເຫດ.