ໂຣນັລໂດ ຕ້ອງການຢູ່ແມນຢູຕໍ່ ຢືນຢັນມີຄວາມສຸກດີຂໍພາທີມຄວ້າແຊ໊ມໃຫ້ໄດ້

ຄຣິສຕຽນໂນ ໂຣນັລໂດ ເປີດເຜີຍວ່າຕ້ອງການຢູ່ກັບແມນເຊສເຕີ ຢູໄນເຕັດ ຕໍ່ໄປໃນລະດູການຫນ້າ ໂດຍຢືນຢັນມີຄວາມ ສຸກດີກັບຕົ້ນສັງກັດ ແລະ ຈະພະຍາຍາມນຳທີມຄວ້າແຊ໊ມໃຫ້ໄດ້.

ລະດູການ 2021-22 ຫາກໍຈົບລົງໄປ ແມນເຊສເຕີ ຢູໄນເຕັດ ຕ້ອງປະເຊີນກັບຄວາມຜິດຫວັງຢ່າງໃຫຍ່ຫລວງ ເນື່ອງຈາກບໍ່ມີ ແຊ໊ມຕິດມືແມ່ນແຕ່ລາຍການດຽວ ແລະໃນພຣີເມຍລີກຍັງຈົບອັນດັບທີ 6 ໄດ້ໄປຫລິ້ນພຽງຢູຟາ ຢູໂຣປາ ລີກ ໃນລະດູການຫນ້າ.

ຂະນະທີ່ ໂຣນັລໂດ ດາວຍິງອາຍຸ 37 ປີ ຕົກເປັນຂ່າວກ່ຽວກັບອະນາຄົດທັງເລືື່ອງອາດຕັດສິນໃຈຍ້າຍໄປທີມອື່ນ ຫລື ອາດຢຸດຕິອາ ຊີບນັກເຕະໄວ້ພຽງເທົ່ານີ້ ແຕ່ຫລ້າສຸດດາວເຕະປະສົບການຫລາຍທີ່ລົງຫລິ້ນໃຫ້ທີມລວມທຸກລາຍການ 38 ນັດ ຍິງໄປ 24 ປະຕູໃນລະດູການຫລ້າສຸດ ເປີດເຜີຍໃນທ່າທີວ່າຈະຢູ່ຊ່ວຍທີມຕໍ່ໄປ.

ໂຣນັລໂດ ກ່າວວ່າ : ‘‘ ແນ່ນອນວ່າຂ້ອຍມີຄວາມສຸກທີ່ໄດ້ກັບມາຫລິ້ນໃຫ້ສະໂມສອນນີ້ອີກເທື່ອຫນຶ່ງ ເຊິ່ງຂ້ອຍຍັງຄົງມີ ຄວາມ ສຸກກັບຢູ່ນີ້ເປັນຢ່າງຫລາຍ ແຕ່ສິ່ງສຳຄັນທີ່ສຸດສຳລັບຂ້ອຍຄືການຊະນະເກມ ແລະ ພະຍາຍາມຄວ້າແຊ໊ມບາງລາຍການ ຂ້ອຍເຊື່ອວ່າ ແມນຢູ ຈະກັບໄປຍັງຈຸດທີ່ສະໂມສອນເຄີຍຢູ່ອີກເທື່ອຫນຶ່ງ ’’.