Turkey ປະກາດປ່ຽນຊື່ປະເທດເປັນ Türkiye ມີຜົນທັນທີຫລັງ UN ຮັບຮອງ

ອົງການສະຫະປະຊາຊາດ (UN) ອະນຸມັດຄຳຂໍຂອງ Turkey ໃນການປ່ຽນຊື່ປະເທດເປັນ Türkiye ຫລັງຈາກລັດຖະບານ Turkey ເລີ່ມຕົ້ນຂະບວນການປ່ຽນຊື່ປະເທດມາແຕ່ເດືອນທັນວາ ແລະ ຍື່ນຄຳຂໍຢ່າງເປັນທາງການໃນວັນທີ 1 ມິຖຸນາຜ່ານມາ.

ໃນວັນທີ 1 ມິຖຸນາຜ່ານມາ, ທ່ານ ສເຕຟານ ດູຈາຣິກ ໂຄສົກປະຈຳຕົວທ່ານ ອັນໂຕນິໂອ ກູເຕີເຣສ ເລຂາທິການສະຫະປະຊາຊາດ (UN) ຖະແຫລງຂ່າວວ່າ: ສະຫະປະຊາຊາດອະນຸມັດການຍື່ນຂໍປ່ຽນຊື່ປະເທດຂອງ Turkey ເປັນ Türkiye ແລ້ວ.

ທ່ານ ດູຈາຣິກ ລະບຸວ່າ: ການປ່ຽນຊື່ປະເທດຄັ້ງນີ້ ມີຜົນບັງຄັບໃຊ້ທັນທີທີ່ສະຫະປະຊາຊາດໄດ້ຮັບຈົດໝາຍຈາກທ່ານ ເມຟລຸດ ຈາວູໂຊລູ ລັດຖະມົນຕີກະຊວງການຕ່າງປະເທດ Turkey ເຊິ່ງສົ່ງເຖິງທ່ານ ກູເຕີເຣສ ພ້ອມຄຳຮ້ອງຂໍປ່ຽນຊື່ປະເທດ.

ທ່ານ ຈາວູໂຊລູ ເຜີຍວ່າ: ການປ່ຽນຕົວສະກົດຊື່ປະເທດເປັນສ່ວນໜຶ່ງຂອງການດຳເນີນງານທີ່ມີຈຸດປະສົງເພີ່ມກຽດຂອງ Turkey ໃນເວທີໂລກ.

ອ້າງອີງ:

https://edition.cnn.com/2022/06/02/europe/turkey-trkiye-united-nations-scli-intl/index.html