ແມນຊິຕີ ກຽມຈັບ ໂຟເດັນ ຕໍ່ສັນຍາໃຫມ່

ແມນເຊສເຕີ ຊິຕີ ກຽມຈັບ ຟິລ ໂຟເດັນ ກອງກາງພອນສະຫວັນ ຕໍ່ສັນຍາໃຫມ່ ພ້ອມເພີ່ມຄ່າເມື່ອຍໃຫ້ຢ່າງຈຸໃຈເຖິງ 200,000 ປອນ/ອາທິດ.

‘‘ Daily mail’’ ສື່ໃນອັງກິດລາຍງານວ່າ ໂຟເດັນ ເຊິ່ງເຫລືອສັນຍາອີກ 2 ປີ ບັນລຸຂໍ້ຕົກລົງເລື່ອງສັນຍາສະບັບໃຫມ່ກັບ ແມນເຊສເຕີ ຊິຕີ ດ້ວຍວາຈາຮຽບຮ້ອຍແລ້ວ ເຊິ່ງຈະເຮັດໃຫ້ລາວໄດ້ຮັບຄ່າຈ້າງເພີ່ມຈາກ 65,000 ປອນ/ອາທິດ ເປັນ 200,000 ປອນ/ອາທິດ.

ນອກຈາກ ໂຟເດັນ ແລ້ວ ເປບ ກວາດີໂອລາ ຜູ້ຈັດການທີມ ຍັງກຽມຈະຈັບ ໂຣດຣີ ເອີນານເດສ ກອງກາງທີມຊາດສະເປນ ທີີ່ເຫລືອສັນຍາອີກ 2 ປີ ຕໍ່ສັນຍາສະບັບໃຫມ່ອອກໄປເຊ່ັນກັນ ຫລັງດາວເຕະອາຍຸ 26 ປີ ກ້າວຂຶ້ນມາເປັນແກນຫລັກຂອງ ແມນຊິຕີ ໄດ້ຢ່າງເຕັມຕົວໂດຍລົງຫລິ້ນໄປເຖິງ 46 ນັດລວມທຸກລາຍການໃນລະດູການທີ່ຜ່ານມາ.