ກິລາທີ່ຊ່ວຍເພີ່ມຄວາມສູງໄດ້.

ກິລາແຕ່ລະຊະນິດລ້ວນແລ້ວແຕ່ໃຫ້ປະໂຫຍດແກ່ຮ່າງກາຍຄືກັນໝົດ, ແຕ່ສຳລັບໃຜທີ່ຮູ້ສຶກວ່າຢາກໃຫ້ຕົນເອງມີຄວາມສູງທີ່ຫລາຍຂຶ້ນກ່ວາເກົ່າ ການເລືອກຫລິ້ນກິລາທີ່ຊ່ວຍເພີ່ມຄວາມສູງໃຫ້ແກ່ຮ່າງກາຍ ກໍເປັນອີກໜຶ່ງທາງເລືອກທີ່ຊ່ວຍທ່ານໄດ້ ແລະ ຕໍ່ໄປນີ້ແມ່ນປະເພດກິລາທີ່ສາມາດຊ່ວຍເພີ່ມຄວາມສູງໄດ້.

1. ກິລາບານບ້ວງ : ກິລາພື້ນຖານທີ່ຝຶກຫລິ້ນໄດ້ບໍ່ຍາກ ສິ່ງສຳຄັນແມ່ນຫາຫລິ້ນໄດ້ງ່າຍ ເປັນການປະສານລະຫ່ວາງການແລ່ນ, ການໂດດ ແລະ ການຍືດກ້າມຊີ້ນໜ້າເອິກ ມີຜົນດີໃນເລື່ອງການກະຕຸ້ນຄວາມສູງ, ແຕ່ອາດກໍ່ໃຫ້ເກີດອັນຕະລາຍໄດ້ ສະນັ້ນຕ້ອງຫລິ້ນດ້ວຍຄວາມລະມັດລະວັງ.
2. ກິລາລອຍນຳ້ : ໂດຍສະເພາະທ່າຟຣີສະໄຕ ຈະມີລັກສະນະເປັນການຍືດກ້າມຊີ້ນພາກສ່ວນເລົາຄີງຄືກັບການຫລິ້ນໂຢຄະທ່າງູ, ແຕ່ການລອຍນຳ້ຈະໄດ້ອັດຕາສ່ວນຕ່າງໆຂອງຮ່າງກາຍຫລາຍກ່ວາ ເຮັດໃຫ້ນອກຈາກຈະໄດ້ຍືດຄວາມສູງແລ້ວ ຍັງໄດ້ອອກກຳລັງກາຍພາກສ່ວນອື່ນຮ່ວມນຳ.
3. ໂຢຄະ : ຕ້ອງເລືອກຫລິ້ນທ່າທີ່ຊ່ວຍໃນການຍືດກ້າມຊີ້ນທີ່ເອີ້ນວ່າທ່າງູ ມີການຍືດເລົາຄີງຂຶ້ນມາຈາກພື້ນ, ມີການນອນຂວຳ້ໃຫ້ເລົາຄີງກັບໜ້າເອິກຂະໜານກັບພື້ນ ໃຊ້ແຂນສອງເບື້ອງດັນພື້ນແລ້ວຍົກໂຕຂຶ້ນມາຄ້າງໄວ້ ຈະຊ່ວຍຍືດກ້າມຊີ້ນໜ້າເອິກໄດ້ເປັນຢ່າງດີ.
4. ໂດດເຊືອກ : ເປັນກິລາທີ່ອອກກຳລັງກາຍໃນແບບຄາດີໂອ ທີ່ຊ່ວຍຫລັ່ງຮໍໂມນໃນດ້ານການຈະເລີນເຕີບໃຫຍ່. ນອກຈາກນີ້, ຍັງສາມາດຊ່ວຍກະຕຸ້ນຄວາມສູງຈາກແຮງກະແທກທີ່ສົ່ງຈາກຝາຕີນໂດຍກົງນຳອີກ ເຮັດໃຫ້ສູງຂຶ້ນໄດ້ງ່າຍ.