ປະທານບາເຊໂລນາ ຍັງຫວັງໃຫ້ ເມສຊີ ຫວນຄືນສູ່ອີກເທື່ອໜຶ່ງ

ໂຈນ ລາປໍຕາ ປະທານສະໂມສອນ ບາເຊໂລນາ ທີມໃຫຍ່ແຫ່ງ ລາ ລີກາ ສະເປນ ອອກມາເປີດເຜີຍວ່າ ເລື່ອງລາວຂອງ ລີໂອເນລ ເມສຊີ ຍອດດາວຍິງຊາວອາເຈນຕີນາ ແລະສະໂມສອນແຫ່ງນີ້ ຍັງບໍ່ຈົບລົງ ເຖິງວ່າປັດຈຸບັນລາວຈະເປັນນັກເຕະຂອງເປແອສເຊ.

ເມສຊີ ອາຍຸ 35 ປີ ຍ້າຍຈາກບາເຊໂລນາ ໄປຢູ່ກັບ ເປແອສເຊ ທີມໃຫຍ່ໃນ ລີກ ເອິງ ຝຣັ່ງ ເມື່ອອາທິດຜ່ານມາ ຫລັງຫມົດສັນ ຍາກັບທີມດັງແຫ່ງແຄວ້ນກາຕາຣັນ ແນວໃດກໍຕາມ ລາປໍຕາ ປະທານສະໂມສອນບາເຊໂລນາ ອອກມາໃຫ້ສຳພາດກັບ ອີເອສພີເອັນ ເລື່ອງລາວຂອງດາວຍິງຄົນນີ້ກັບສະໂມສອນຂອງລາວຍັງບໍ່ສິ້ນສຸດລົງ.

‘‘ ຂ້ອຍບໍ່ເຊື່ອວ່າເລື່ອງລາວຂອງ ເມສຊີ ທີ່ບາເຊໂລນາ ຈະຈົບລົງແລ້ວ’ ແລະ ຂ້ອຍເຊື່ອວ່າມັນເປັນຄວາມຮັບຜິດຊອບ ລາວທີ່ຕອບເຮັດໃຫ້ແຫ່ນໃຈວ່າເລື່ອງຫນ້າຈະຍັງຄົງເປີດກວ້າງຢູ່ ແລະ ມັນຍັງບໍ່ໄດ້ຖືກປິດລົງ ເພື່ອທີ່ຈະມີເວລາທີີ່ເຮັດ ໃນແບບທີ່ຄວນຈະເປັນ ເພື່ອໃຫ້ລາວມີຈຸດຈົບທີ່ສວຍງາມຫລາຍກວ່າທີ່ລາວເຄີຍໄດ້ ’’ .

ສຳລັບ ເມສຊີ ຖືເປັນນັກເຕະຄົນສຳຄັນໃນປະຫວັດສາດຂອງສະໂມສອນບາເຊໂລນາ, ເພາະລາວມີສ່ວນຮ່ວມໃນການກວາດແຊ໊ມ ລາ ລີກາ ສະເປນ ເຖິງ 10 ສະໄຫມ, ແຊ໊ມໂກປາ ເລເຣ  1 ສະໄຫມ, ລວມເຖິງແຊ໊ມຢູຟາ ແຊ໊ມປຽນລີກ ອີກ 4 ສະໄຫມ.