ອີຣິກເຊນ ຄວງ ມາຕີເນສ ສອງນັກເຕະໃຫມ່ແມນຢູ ເດີນທາງເຖິງສະຫນາມຊ້ອມ

ເອີ້ນໄດ້ວ່າມາກັນແບບເປັນຄູ່ ເມື່ອ ຄຣິສຕຽນ ອີຣິກເຊັນ ກອງຫນ້າທີມຊາດເດນມາກ  ແລະ ລີຊານໂດຣ ມາຕີເນສ ກອງຫລັງຊາວອາເຈນຕີນາ  2 ນັກເຕະໃຫມ່ຂອງ ແມນເຊສເຕີ ຢູໄນເຕັດ ເດີນທາງມາເຖິງສະຫນາມຊ້ອມຂອງສະໂມສອນເປັນທີ່ຮຽບຮ້ອຍແລ້ວ ເພື່ອຕາມສົມທົບຝຶກຊ້ອມກັບຫມູ່ຮ່ວມທີມຕໍ່ໄປ.

ເປັນທີ່ເຂົ້າໃຈກັນວ່າ ຄຣິສຕຽນ ອີຣິກເຊັນ ຍ້າຍມາສູ່ຊາຍຄາ ໂອນ ແທຣ໊ຟຟອດ ແບບບໍ່ມີຄ່າຕົວ ຫລັງຫມົດສັນຍາກັບ ເບຣນຟອດ ສ່ວນ ລີຊານໂດຣ ມາຕີເນສ ຍ້າຍມາຈາກ ອາແຈັກ ອຳເຕີດຳ ດ້ວຍຄ່າຕົວລວມກັບຕົວເລືອກທີ່ 55 ລ້ານປອນ ເຊິ່ງທັງຄູ່ຕ່າງຖືກຄາດຫມາຍວ່າຈະເຂົ້າມາຍົກລະດັບທີມໃຫ້ດີຂຶ້ນກວ່າເກ່ົາໃນລະດູການໃຫມ່.

ສຳລັບ ແມນເຊສເຕີ ຢູໄນເຕັດ ມີຕາຕະລາງອຸ່ນເຄື່ອງອີກ 2 ນັດ ດ້ວຍການພົບກັັບ ແອດເລຕີໂກ ມາດຣິດ ວັນທີ 30 ກໍລະກົດນີ້ ແລະ ພົບກັບ ຣາໂຢ ບາເຢກາໂນ ໃນອີກ 1 ມື້ຕໍ່ມາ.