ເດີ ປາຍ ສະເໜ່ແຮງ ທີມດັງ ເຊເຣຍ ອາ ກຽມດຶງຕົວໄປຮ່ວມທີມ

‘‘ ກັດເຊຕຕາ ເດລໂລ ສະປອດ ’’ ສື່ຊື່ດັງໃນອິຕາລີລາຍງານວ່າ ຢູເວນຕຸສ ສະໂມສອນໃຫຍ່ຂອງ ເຊເຣຍ ອາ ກຽມວາງແຜນດຶງ ເມມຟິສ ເດີ ປາຍ ກອງໜ້າທີມຊາດເນເທີແລນ ຂອງບາເຊໂລນາ ທີມດັງໃນ ລາ ລີກາ ສະເປນ ມາຮ່ວມທີມ.

ຢູເວນຕຸສ ຍັງຄົງເດີນໜ້າເສີມທີມເພື່ອທວງແຊ໊ມ ເຊເຣຍ ອາ ໃນລະດູການນີ້ ຫລັງຈາກທີ່ລະດູການກ່ອນ ແຊ໊ມຕົກເປັນຂອງ ເອຊີ ມິລານ ໂດຍກ່ອນໜ້ານີ້ພວກເຂົາໄດ້ຄວ້າຕົວຜູ້ຫລິ້ນກອງໜ້າຢ່າງ ອັງເຄລ ດີ ມາເຣຍ ມາຮ່ວມທີມຮຽບຮ້ອຍແລ້ວ.

ແນວໃດກໍຕາມຫລ້າສຸດມີການເປີດເຜີຍວ່າ ຢູເວນຕຸສ ຍັງຕ້ອງການຈະເພີ່ມຕົວເລືອກໃນແດນໜ້າຂອງທີມອີກໂດຍເບິ່ງໄປທີ່ ເມມຟິສ ເດີ ປາຍ ກອງໜ້າຂອງບາເຊໂລນາ ທີ່ມີການເປີດເຜີຍວ່າລາວອາດຍົກເລີກສັນຍາໃນຖິ່ນຄຳນູ ເພື່ອໃຫ້ສາມາດຍ້າຍ ທີມໄດ້ແບບບໍ່ມີຄ່າຕົວ.

ແນວໃດກໍຕາມມີການເປີດເຜີຍວ່ານອກຈາກ ຢູເວນຕຸສ ແລ້ວ ຍັງມີອີກ 2 ທີມ ຈາກພຣີເມຍລີກ ອັງກິດ ທັງ ເຊລຊີ ແລະ ສະເປີ ທີ່ພວມໃຫ້ຄວາມສົນໃຈກອງໜ້າຊາວເນເທີແລນຢູ່ເຊັ່ນດຽວກັນ ໂດຍ ເດີ ປາຍ ເຄີຍຫລິ້ນໃນພຣີເມຍລີກ ອັງກິດ ມາແລ້ວ ກັບ ແມນເຊສເຕີ ຢູໄນເຕັດ.