ດາວິນ ນູເນສ ດາວຍິງຂອງລິເວີພູລ ຈະຖືກແບນ ຢ່າງໜ້ອຍ 3 ເກມຈາກບັດແດງກັບ ພາເລດ ເປັນການສະແດງພຶດຕິດກຳທີ່ຮຸນແຮງ

- Screenshot 2022 08 15 at 22 - ດາວິນ ນູເນສ ດາວຍິງຂອງລິເວີພູລ ຈະຖືກແບນ ຢ່າງໜ້ອຍ 3 ເກມຈາກບັດແດງກັບ ພາເລດ ເປັນການສະແດງພຶດຕິດກຳທີ່ຮຸນແຮງ
- 16583075379783 - ດາວິນ ນູເນສ ດາວຍິງຂອງລິເວີພູລ ຈະຖືກແບນ ຢ່າງໜ້ອຍ 3 ເກມຈາກບັດແດງກັບ ພາເລດ ເປັນການສະແດງພຶດຕິດກຳທີ່ຮຸນແຮງ

ກາຍເປັນການເປີດຕົວຕໍ່ໜ້າແຟນເດະຄັອບແບບບໍ່ໜ້າຈົດຈຳ ສໍາລັບ ດາວິນ ນູເນສ ກອງຫນ້າ ລິເວີພູລ ຄົນໃຫມ່. ຫລັງຈາກທີ່ບໍ່ສາມາດຄວບຄຸມອາລົມໄດ້ຈົນຖືກໄລ່ອອກຈາກສະຫນາມ. ໃນເກມເປີດບ້ານສະເໝີ ຄຣິສຕັນ ພາເລດ 1-1.

ກອງໜ້າທີມຊາດ ອູຣູກວາຍ ໄດ້ລົງຫລິ້ນເປັນຕົວຈິງ. ຫລັງຈາກລົງໄປເປັນຊຸບເປີຊັບຍິງປະຕູຊ່ວຍທີມໃຫ້ສະເໝີ ຟູແລັມ 2-2 ເມື່ອອາທິດທີ່ຜ່ານມາ. ແຕ່ໃນເກມນີ້ບໍ່ສາມາດປ່ຽນໂອກາດ 6 ຄັ້ງໃຫ້ເປັນປະຕູໄດ້ ແລະ ຍັງເຮັດໃຫ້ທີມຕົກຢູ່ໃນສະຖານະການທີ່ຫຍຸ້ງຍາກ. ເພາະວ່າຖືກບັດແດງໄລ່ອອກຈາກສະຫນາມ

ເຫດການດັ່ງກ່າວເກີດຂຶ້ນໃນນາທີ 57 ທີ່ ນູເນສ ໄປຫລົງຫລຽມຂອງ ໂຈອາຄິມ ແອນເດີຊັນ ເພາະຖືກອີກຝ່າຍເຂົ້າມາທ້າທາຍ ຈຶ່ງໄດ້ຕອບໂຕ້ໂດຍການເອົາຫົວຕຳໃສ່ໜ້າຂອງ ແອນເດີຊັນ, ຜູ້ຕັດສິນໃນເກມນີ້ຈຶ່ງໄດ້ໃຫ້ບັດແດງໂດຍກົງໄລ່ອອກຈາກສະໜາມທັນທີ.

ໜຶ່ງໃນຄຳຖາມທີ່ແຟນບານຢາກຮູ້ຄື ຫົວຫອກໄວ 23 ປີ ຈະຖືກຫ້າມລົງຈັກເກມ? ຕາມກົດລະບຽບຂອງ ພຣີເມຍລີກ ການລົງໂທດບັດສີແດງຈະຖືກແບນບໍ່ເທົ່າກັນ. ຂຶ້ນກັບເງື່ອນໄຂຂອງການຖືກໄລ່ ເຊິ່ງທາງລີກໄດ້ລະບຸໄວ້ດັ່ງນີ້:

– ຜູ້ໄດ້ຮັບບັດສີແດງ ຈາກ​ການ​ເຮັດຟາວແບບມືອາຊີບ ຫລື ​ໄດ້​ໃບ​ເຫລືອງ​ທີ​ສອງ, ຈະ​ຖືກ​ຫ້າມ 1 ເກມ.

– ຜູ້ໄດ້ຮັບບັດສີແດງ ຈາກການເຂົ້າໄປປະທ້ວງຜູ້ຕັດສິນຈະຖືກຫ້າມ 2 ເກມ.

– ຜູ້ໄດ້ຮັບບັດສີແດງ ຈາກການເຂົ້າບານອັນຕະລາຍ ຫລື ສະແດງພຶດຕິກໍາທີ່ຮຸນແຮງຈະຖືກຫ້າມ 3 ເກມ ແລະ ໃນກໍລະນີຮ້າຍແຮງ ມີສິດຖືກຫ້າມເກມເພີ່ມເປັນ 4 ຫລືຫລາຍກວ່ານັ້ນ.

– ຜູ້ໄດ້ຮັບບັດສີແດງ ຈາກການຖົ່ມນໍ້າລາຍໃສ່ຄູ່ແຂ່ງ, ຈະຖືກຫ້າມ 6 ເກມ.

ດັ່ງນັ້ນ, ດາວິນ ນູເນສ ຈະຖືກຫ້າມຢ່າງຫນ້ອຍ 3 ເກມ. ເພາະ​ບັດ​ແດງ​ຂອງເຂົາ​​ຖື​ວ່າ​ເປັນ​ພຶດຕິກຳ​ທີ່​ຮຸນແຮງ. ແຕ່​ວ່າ​ຈະ​ຖືກ​ຫ້າມ​ເພີ່ມອີກຫລືບໍ່ນັ້ນ​ ຂຶ້ນກັບການຕັດສິນໃຈຂອງຄະນະກໍາມະການດ້ານວິໄນຂອງສະມາຄົມບານເຕະອັງກິດ.

- lattana banner 1 - ດາວິນ ນູເນສ ດາວຍິງຂອງລິເວີພູລ ຈະຖືກແບນ ຢ່າງໜ້ອຍ 3 ເກມຈາກບັດແດງກັບ ພາເລດ ເປັນການສະແດງພຶດຕິດກຳທີ່ຮຸນແຮງ
-    AD conten website - ດາວິນ ນູເນສ ດາວຍິງຂອງລິເວີພູລ ຈະຖືກແບນ ຢ່າງໜ້ອຍ 3 ເກມຈາກບັດແດງກັບ ພາເລດ ເປັນການສະແດງພຶດຕິດກຳທີ່ຮຸນແຮງ
- lattana banner - ດາວິນ ນູເນສ ດາວຍິງຂອງລິເວີພູລ ຈະຖືກແບນ ຢ່າງໜ້ອຍ 3 ເກມຈາກບັດແດງກັບ ພາເລດ ເປັນການສະແດງພຶດຕິດກຳທີ່ຮຸນແຮງ
error: Alert: ເນື້ອຫາຂ່າວມີລິຂະສິດ !!