ສ.ເກົາຫລີ ຍົກເລີກກວດ PCR ນັກເດີນທາງຂາເຂົ້າ ເລີ່ມ 1 ຕຸລານີ້

-           7 - ສ.ເກົາຫລີ ຍົກເລີກກວດ PCR ນັກເດີນທາງຂາເຂົ້າ ເລີ່ມ 1 ຕຸລານີ້
- 16583075379783 - ສ.ເກົາຫລີ ຍົກເລີກກວດ PCR ນັກເດີນທາງຂາເຂົ້າ ເລີ່ມ 1 ຕຸລານີ້

ສ.ເກົາຫລີ ຍົກເລີກຂໍ້ບັງຄັບ ກວດໂຄວິດ-19 ດ້ວຍວິທີ PCR ສຳລັບນັກເດີນທາງຂາເຂົ້າປະເທດ ເລີ່ມແຕ່ວັນທີ 1 ຕຸລາ ເປັນຕົ້ນໄປ.

ສຳນັກຂ່າວຢອນຮັບລາຍງານວ່າ: ສຳນັກງານຄວບຄຸມ ແລະ ປ້ອງກັນພະຍາດຂອງ ສ.ເກົາຫລີ (KDCA) ໄດ້ຕັດສິນໃຈຍົກເລີກຂໍ້ກຳນົດໃຫ້ນັກເດີນທາງຂາເຂົ້າປະເທດຕ້ອງກວດໂຄວິດ-19 ດ້ວຍວິທີ PCR ພາຍໃນ 24 ຊົ່ວໂມງທີ່ເດີນທາງເຖິງ ສ.ເກົາຫລີ ຫລັງການແພ່ລະບາດຂອງໄວຣັສເລີ່ມບັນເທົາລົງ ໂດຍມາດຕະການດັ່ງກ່າວຈະມີຜົນນັບແຕ່ວັນທີ 1 ຕຸລານີ້.

ການເຄື່ອນໄຫວຫລ້າສຸດນີ້ຖືເປັນການຍົກເລີກຂໍ້ກຳນົດຄຸມໂຄວິດ-19 ທັງໝົດກ່ຽວກັບນັກເດີນທາງຂາເຂົ້າ ຫລັງໃນເດືອນກັນຍາຜ່ານມາ ສ.ເກົາຫລີ ໄດ້ຍົກເລີກຂໍ້ກຳນົດໃຫ້ນັກເດີນທາງທີ່ຈະເດີນທາງມາ ສ.ເກົາຫລີ ຕ້ອງກວດຫາເຊື້ອໂຄວິດ-19 ກ່ອນເດີນທາງອອກຈາກປະເທດຕົ້ນທາງ ແລະ ສະແດງຜົນກວດເມື່ອເດີນທາງມາເຖິງ.

KDCA ໃຫ້ເຫດຜົນໃນການຫລຸດຜ່ອນມາດຕະການຄັ້ງນີ້ວ່າ: ເນື່ອງຈາກຈຳນວນຜູ້ຕິດເຊື້ອໂຄວິດ-19 ໃນ ສ.ເກົາຫລີ ຫລຸດລົງຢ່າງຕໍ່ເນື່ອງ ໂດຍໃນວັນທີ 30 ກັນຍາ ສ.ເກົາຫລີ ພົບຜູ້ຕິດເຊື້ອ 28.497 ຄົນ ຫລຸດລົງຈາກວັນທີ 23 ກັນຍາ ເຊິ່ງມີຜູ້ຕິດເຊື້ອ 29.097 ຄົນ. ຂະນະທີ່ອັດຕາສ່ວນການຕິດເຊື້ອຈາກຕ່າງປະເທດຫລຸດລົງເຊັ່ນກັນ ຈາກ 1,3% ໃນເດືອນສິງຫາ ເຫລືອພຽງ 0,9% ໃນເດືອນກັນຍາ.

ນອກຈາກນີ້, KDCA ຍັງລະບຸອີກວ່າ: ອັດຕາການເສຍຊີວິດຈາກການຕິດເຊື້ອໂຄວິດ-19 ສາຍພັນໂອມິຄຣອນ ສາຍພັນຍ່ອຍ BA.5 ອ່າວຕໍ່າເມື່ອທຽບໃສ່ໄວຣັສສາຍພັນກ່ອນໜ້າ ເຊິ່ງປັດໄຈທັງໝົດນີ້ເຮັດໃຫ້ KDCA ຕັດສິນໃຈຫລຸດຜ່ອນມາດຕະການຄວບຄຸມການລະບາດ.

ອ້າງອີງ:

https://en.yna.co.kr/view/AEN20220930001400320

https://www.channelnewsasia.com/asia/south-korea-removes-covid-19-pcr-testing-inbound-travellers-2976251

-    AD conten website - ສ.ເກົາຫລີ ຍົກເລີກກວດ PCR ນັກເດີນທາງຂາເຂົ້າ ເລີ່ມ 1 ຕຸລານີ້
- lattana banner 1 - ສ.ເກົາຫລີ ຍົກເລີກກວດ PCR ນັກເດີນທາງຂາເຂົ້າ ເລີ່ມ 1 ຕຸລານີ້
- lattana banner - ສ.ເກົາຫລີ ຍົກເລີກກວດ PCR ນັກເດີນທາງຂາເຂົ້າ ເລີ່ມ 1 ຕຸລານີ້
error: Alert: ເນື້ອຫາຂ່າວມີລິຂະສິດ !!