ນາຍົກລັດຖະມົນຕີແນະນໍາ 4 ແຂວງພາກໃຕ້ເບີກຈ່າຍເງິນເດືອນພະນັກງານເປັນປົກກະຕິ ແລະ ທັນເວລາ.

- advert banner 728 90 728x90 - ນາຍົກລັດຖະມົນຕີແນະນໍາ 4 ແຂວງພາກໃຕ້ເບີກຈ່າຍເງິນເດືອນພະນັກງານເປັນປົກກະຕິ ແລະ ທັນເວລາ.

ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະໄດ້ຢ້ຽມຢາມ 4 ແຂວງພາກໃຕ້ຄື: ແຂວງຈຳປາສັກ, ອັດຕະປື, ເຊກອງ ແລະ ແຂວງສາລະວັນລະຫວ່າງວັນທີ 19-21 ສິງຫາຜ່ານມານີ້ເພື່ອຮັບຟັງລາຍງານສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງທ້ອງຖິ່ນໃນໄລຍະ 6 ເດືອນຜ່ານມາ ແລະ ໃນໂອກາດນີ້, ທ່ານນາຍົກລັດຖະມົນຕີ ໄດ້ໃຫ້ກຽດໂອ້ລົມການນຳ ແລະ ພະນັກງານຫລັກແຫລ່ງຂອງແຂວງດັ່ງກ່າວເພື່ອໃຫ້ທິດຊີ້ນຳກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງທ້ອງຖິ່ນ,  ໂດຍສະເພາະແມ່ນການຈັດເກັບລາຍຮັບງົບປະມານ, ການຄຸ້ມຄອງລາຍຈ່າຍບໍ່ໃຫ້ງົບປະມານຕົກເຮ່ຍເສຍຫາຍ ແລະ ຮັບປະກັນໃຫ້ການເບີກຈ່າຍເງິນເດືອນ ຂອງພະນັກງານລັດຖະກອນທັນກັບກຳນົດເວລາ ແລະ ເປັນປົກກະຕິ, ພ້ອມນັ້ນ, ທ່ານນາຍົກຍັງໄດ້ເນັ້ນໃຫ້ຮູ້ນຳໃຊ້ທ່າແຮງບົ່ມຊ້ອນຂອງທ້ອງຖິ່ນທີ່ມີຢູ່ເພື່ອຊຸກຍູ້ການຜະລິດແກ້ໄຂຊີວິດການເປັນຢູ່ກໍຄືຄວາມທຸກຍາກຂອງປະຊາຊົນໃຫ້ ໝົດໄປ ແລະ ເອົາໃຈໃສ່ດຶງດູດການລົງທຶນຂອງຕ່າງປະເທດເຂົ້າໃນຂະແໜງ ຕ່າງໆໃຫ້ຫລາຍຂຶ້ນ ແລະ ສ້າງສີມືແຮງງານໃຫ້ມີຄຸນນະພາບ ແລະ ທຽບເທົ່າກັບສາກົນ ແລະ ພ້ອມນັ້ນກໍໄດ້ແນະນໍາໃຫ້ພະນັກງານການນໍາຂອງແຂວງລົງໃກ້ຊິດຕິດແທດກັບຮາກຖານປະຊາຊົນປະຕິບັດຕາມທິດ 3 ສ້າງໃຫ້ມີຜົນສໍາເລັດ, ສືບຕໍ່ຮັກສາ ແລະ ເສີມຂະຫຍາຍມູນເຊື່ອປະຕິວັດ, ຄວາມເສຍສະຫລະ ແລະ ຄວາມສາມັກຄີອັນແໜ້ນແກ່ນລະຫວ່າງລັດ ແລະ ປະຊາຊົນ, ປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ເຕີບໃຫຍ່ຂະຫຍາຍຕົວ, ພະນັກງານສະມາຊິກພັກຕ້ອງເປັນເປັນແບບຢ່າງນຳໜ້າຮອບ, ເປັນຈິດໜຶ່ງໃຈດຽວກັນ ແລະ ມີຄວາມຕັດສິນໃຈກ້າຄິດ, ກ້າເຮັດ ແລະ ກ້າຮັບຜິດຊອບ, ປະຕິບັດຫລັກການລວມສູນປະຊາທິປະໄຕ, ມີຄວາມໂປ່ງໃສ ແລະ ເຂັ້ມແຂງ, ພ້ອມເອົາໃຈໃສ່ກໍ່ສ້າງພະນັກງານ, ພັດທະນາຊັບພະຍາກອນມະນຸດ ທີ່ເປັນປັດໃຈຕັດສິນຜົນສຳເລັດຂອງການພັດທະນາທ້ອງຖິ່ນໃຫ້ມີປະສິດທິຜົນ ແລະ ຕ້ອງຮູ້ວ່າທ່າແຮງທາງດ້ານກະສິກຳ, ອຸດສາຫະ ກຳ, ທ່ອງທ່ຽວ ແລະ ພູມປັນຍາຂອງແຕ່ລະທ້ອງຖິ່ນແມ່ນເປັນທ່າແຮງຕົ້ນຕໍ ແລະ ພວກເຮົາຕ້ອງຮູ້ນໍາໃຊ້ຢ່າງມີປະສິດທິຜົນ, ພ້ອມນັ້ນກໍຕ້ອງຮູ້ຍາດແຍ່ງ ເອົາການລົງທຶນທັງພາຍໃນ ແລະ ຕ່າງປະເທດໃຫ້ຫລາຍຂຶ້ນ ແລະ ຮູ້ນໍາພາປະຊາຊົນຜະລິດເປັນສິນຄ້າ ແລະ ສ້າງເປັນຄອບຄົວຕົວແບບ, ສືບຕໍ່ສູ້ຊົນປະຕິບັດແຜນພັດທະນາເສດຖະກິດ-ສັງຄົມປີ 2017 ໃຫ້ໄດ້ຕາມຄາດໝາຍແລະ ສືບຕໍ່ເອົາໃຈໃສ່ປະຕິບັດຄຳສັ່ງເລກທີ 15/ນຍ ຢ່າງເຄັ່ງຄັດ, ເດັດຂາດບໍ່ໃຫ້ມີການລັກລອບ ແລະ ຝ່າຝືນ, ພ້ອມທັງໃຊ້ມາດຕະການເດັດຂາດຕໍ່ຜູ້ທີ່ລະເມີດ, ພ້ອມນັ້ນກໍເອົາໃຈໃສ່ການຄຸ້ມຄອງນຳໃຊ້ງົບປະມານໃຫ້ຖືກເປົ້າໝາຍ, ປະຢັດມັດທະຍັດຕາມຄຳສັ່ງ 09/ນຍ ວ່າດ້ວຍການປະຢັດລາຍຈ່າຍງົບປະມານຂອງລັດ, ເອົາໃຈໃສ່ປະຕິບັດນະໂຍບາຍຕໍ່ພະນັກງານອາວຸໂສບຳນານ, ທະຫານ, ຕຳຫລວດ ແລະ ພະນັກງານລັດຖະກອນຜູ້ທີ່ມີຄຸນງາມຄວາມດີໃຫ້ແທດເຖິງ ແລະ ໃນໂອກາດນີ້, ທ່ານນາຍົກລັດຖະມົນຕີ ຍັງໄດ້ໄປຢ້ຽມຢາມພື້ນຖານການຜະລິດຈຳນວນໜຶ່ງຂອງແຂວງ ແລະ ຢ້ຽມຢາມກອງພົນທີ 5 ຢູ່ແຂວງຈຳປາສັກເພື່ອຢື້ຢາມຖາມຂ່າວ, ຄວາມທຸກສຸກ ແລະ ຊີວິດການເປັນຢູ່ຂອງບັນດານາຍ ແລະ ພົນທະຫານໃຫ້ໄດ້ຮັບການປັບປຸງດີຂຶ້ນ.

- new3 - ນາຍົກລັດຖະມົນຕີແນະນໍາ 4 ແຂວງພາກໃຕ້ເບີກຈ່າຍເງິນເດືອນພະນັກງານເປັນປົກກະຕິ ແລະ ທັນເວລາ.

 

 

 

 

 

 

 

 

 

 

- lattana 1 - ນາຍົກລັດຖະມົນຕີແນະນໍາ 4 ແຂວງພາກໃຕ້ເບີກຈ່າຍເງິນເດືອນພະນັກງານເປັນປົກກະຕິ ແລະ ທັນເວລາ.

 

 

 

 

 

 

 

 

error: Content is protected !!