ອີກ 90 ແມັດ ຈະຮອດສະໜາມບິນ ເຄື່ອງບິນແທນຊາເນຍ ຕົກທະເລສາບ ເສຍຊີວິດແລ້ວ 3 ຄົນ

ສຳນັກຂ່າວຕ່າງປະເທດ ລາຍງານວ່າ: ວັນທີ 6 ພະຈິກ 2022 ເກີດອຸບັດເຫດທາງອາກາດຄັ້ງໃຫຍ່ເຄື່ອງບິນໂດຍສານຂອງສາຍການບິນ ພຣີຊີຊັ່ນ ແອ ໃນປະເທດ ແທນຊາເນຍ ຖ້ຽວບິນ PW 494 ຈາກເມືອງດາເອສຊາລາມ ປາຍທາງເມືອງບູໂດບາ ບັນທຸກຄົນ 43 ຄົນ ເຊິ່ງປະກອບດ້ວຍຜູ້ໂດຍສານ 39 ຄົນ ນັກບິນ 2 ຄົນ ແລະ ພະນັກງານຕ້ອນຮັບ 2 ຄົນ ເກີດອຸບັດເຫດຕົກທະເລສາບວິກຕໍເຣຍ ທ່າມກາງສະພາບອາກາດແປປວນ ມີລົມພາຍຸ, ຝົນຟ້າຄະນອງ ພົບຜູ້ເສຍຊີວິດແລ້ວຢ່າງໜ້ອຍ 3 ຄົນ

ໂດຍກ່ອນໜ້ານີ້ເຈົ້າໜ້າທີ່ທ້ອງຖິ່ນເປີດເຜີຍວ່າ ສາມາດຊ່ວຍຊີວິດໄດ້ແລ້ວ 26 ຄົນ ຂະນະທີ່ເຫລືອໄລຍະທາງອີກ 90 ແມັດ ເຄື່ອງບິນໂດຍສານລຳດັ່ງກ່າວຈະຮອດສະໜາມບິນເມືອງບູໂຄບາເພື່ອກຽມລົງຈອດແລ້ວ.