ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ

- AGL banner - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ

- F waste 300x225 - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ ກົມຊັບພະຍາກອນນໍ້າ ແລະ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມນະຄອນຫລວງວຽງຈັນໄດ້ຮ່ວມກັນປຶກສາຫາລືກ່ຽວກັບວິທີການແກ້ໄຂບັນຫານໍ້າເປື້ອນ ແລະ ສິ່ງເສດເຫລືອໃນຕົວເມືອງ, ພາຍຫລັງເຫັນວ່າບັນຫາດັ່ງກ່າວມີລັກສະນະຮ້າຍແຮງເພີ່ມຂຶ້ນທຸກມື້, ອັນໄດ້ສົ່ງຜົນກະທົບບໍ່ດີຕໍ່ສະພາບແວດລ້ອມ ແລະ ສັງຄົມ.

ກອງປະຊຸມໄດ້ຍົກໃຫ້ເຫັນຄວາມສໍາຄັນຂອງແມ່ນໍ້າທີ່ເປັນປັດໄຈພື້ນຖານຕໍ່ການດຳລົງຊິວິດຂອງມວນມະນຸດ, ລະບົບນິເວດວິທະຍາ, ສິ່ງທີ່ມີຊີວິດ ກໍຄືການພັດທະນາເສດຖະກິດ-ສັງຄົມຂອງປະເທດ. ສປປ ລາວ ກໍເປັນປະເທດໜຶ່ງທີ່ມີຄວາມອຸດົມສົມບູນທາງດ້ານຊັບພະຍາກອນນ້ຳ, ອັນໄດ້ສ້າງເງື່ອນໄຂສະດວກໃຫ້ແກ່ການດຳລົງຊິວິດຂອງປະຊາຊົນບັນດາເຜົ່າ ແລະ ເປັນທ່າແຮງສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ. ແຕ່ແນວໃດກໍຕາມ, ປັດຈຸບັນການພັດທະນາເສດຖະກິດ-ສັງຄົມໄດ້ມີການຂະຫຍາຍຕົວໄປຄຽງຄູ່ກັບການເພີ່ມຂຶ້ນຂອງປະຊາກອນ, ເຮັດໃຫ້ຄວາມຕ້ອງການຊົມໃຊ້ນ້ຳນັບມື້ສູງຂຶ້ນເລື້ອຍໆ, ສະນັ້ນຫາກບໍ່ມີມາດຕະການຄຸ້ມຄອງ ແລະ ແກ້ໄຂຢ່າງເໝາະສົມອາດຈະສົ່ງຜົນກະທົບທີ່ບໍ່ດີຕໍ່ແຫລ່ງນ້ຳ ເຊັ່ນ: ຄຸນນະພາບນ້ຳເຊື່ອມໂຊມ, ບັນຫາຂາດແຄນນ້ຳໃນລະດູແລ້ງ, ເກີດໄພນ້ຳຖ້ວມຮ້າຍແຮງໃນລະດູຝົນ, ເກີດມີນ້ຳເປື້ອນອັ່ງຂັງຕາມຫ້ວຍຮ່ອງຄອງບຶງຕ່າງໆ. ດັ່ງນັ້ນຖ້າບໍ່ມີລະບົບລະບາຍນ້ຳທີ່ດີແລ້ວ, ສິ່ງດັ່ງກ່າວຈະສົ່ງຜົນກະທົບຕໍ່ການພັ
ດທະນາເສດຖະກິດ-ສັງຄົມ ແລະ ສິ່ງແວດລ້ອມໄດ້.

ປັດຈຸບັນ, ນະຄອນຫລວງວຽງຈັນມີປະຊາກອນອາໃສ່ຢູ່ປະມານ 8 ແສນກວ່າຄົນ, ເຊິ່ງເຫັນວ່າມີຄວາມສ່ຽງເຮັດໃຫ້ຂາດເຂີນນໍ້າກິນນໍ້າໃຊ້ໃນລະດູແລ້ງໃນບາງເຂດ, ຂະນະດຽວກັນບັນຫານໍ້າເປື້ອນ ແລະ ສິ່ງເສດເຫລືອໃນຕົວເມືອງແມ່ນມີປະລິມານເພີ່ມຂຶ້ນ, ເຊິ່ງມັນຮຽກຮ້ອງໃຫ້ມີມາດຕະການແກ້ໄຂຮີບດ່ວນທັງສະເພາະໜ້າ ແລະ ຍາວນານ.

- Wave100S AD to Website 2020 0 - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ

ກອງປະຊຸມປຶກສາຫາລືດັ່ງກ່າວຈັດຂຶ້ນໃນວັນທີ 28 ມີນານີ້ຢູ່ຫ້ອງວ່າການນະຄອນຫລວງວຽງຈັນ, ໂດຍມີທ່ານ ອານຸພາບ ຕຸນາລົມ ຮອງເຈົ້າຄອງ,ປະທານສະພາປະຊາຊົນນະຄອນຫລວງວຽງຈັນ, ທ່ານນາງ ມອນມະນີ ຍອຍບົວກອງ ຮອງລັດຖະມົນຕີກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ພ້ອມດ້ວຍພາກສ່ວນກ່ຽວຂ້ອງຕ່າງໆເຂົ້າຮ່ວມເປັນຈໍານວນຫລາຍ.

- WhatsApp Image 2020 05 27 at 5 - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ
- WhatsApp Image 2020 05 27 at 5 - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ
- WhatsApp Image 2020 05 27 at 5 - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ
- WhatsApp Image 2020 05 27 at 5 - ນະຄອນຫລວງວຽງຈັນຫາລືການແກ້ໄຂບັນຫານໍ້າເປື້ອນໃນຕົວເມືອງ
error: Alert: Content is protected !!