ອັບເດດ ຈຳນວນຜູ້ເສຍຊີວິດ ເຫດແຜ່ນດິນໄຫວ ທີ່ປະເທດອິນໂດເນເຊຍ ເພີ່ມຂຶ້ນ 318 ຄົນ ແລະ ບາດເຈັບ 7,729 ຄົນ
November 28, 2022 - 10:57 AM
ຈຳນວນຜູ້ເສຍຊີວິດ ຈາກເຫດການແຜ່ນດິນໄຫວ 5,6 ຣິກເຕີ ຢູ່ຊຽນເຈີ ເຂດ ຊາວາ ຕາເວັນຕົກຂອງອິນໂດເນເຊຍ ວັນທີ 21 ພະຈິກ 2022 ທີ່ຜ່ານມາ
ມາຮອດວັນທີ 27 ພະຈິກ 2022 ນີ້ ກູ້ໄພພົບຮ່າງຜູ້ເສຍຊີວິດເພີ່ມອີກ 8 ຄົນ ເຮັດໃຫ້ຈຳນວນຜູ້ເສຍຊີວິດລວມມີ 318 ຄົນ ບາດເຈັບ 7,729 ຄົນ ທຳລາຍບ້ານເຮືອນ 58,049 ຫລັງ ແລະ ເຮັດໃຫ້ບໍ່ມີທີ່ຢູ່ອາໄສຫລາຍເຖິງ 73,693 ຄົນ.
ໂຄສົກສຳນັກງານຄົ້ນຫາ ແລະ ກູ້ໄພໃຫ້ຮູ້ວ່າ: ເນື່ອງຈາກຝົນຕົກໜັກເຮັດໃຫ້ພາລະກິດການຄົ້ນຫາ ແລະ ຊ່ວຍເຫລືອຜູ້ທີ່ຖືກກະທົບ ມີຄວາມຫຍຸ້ງຍາກຂັດສົນ ຂະນະທີ່ໜ່ວຍງານອຸຕຸນິຍົມວິທະຍາ ຄາດວ່າ ຈະມີຝົນຕົກໃນອີກ 3 ວັນຂ້າງໜ້າ.
