ກະຊວງສາທາລະນະສຸກປຶກສາຫາລືວຽກງານຄຸ້ມຄອງການເງິນ

- advert banner 728 90 728x90 - ກະຊວງສາທາລະນະສຸກປຶກສາຫາລືວຽກງານຄຸ້ມຄອງການເງິນ

ໃນວັນທີ 29-30 ສິງຫານີ້, ກະຊວງສາທາລະນະສຸກໄດ້ຈັດກອງປະຊຸມປຶກສາຫາລືວຽກງານຄຸ້ມຄອງການເງິນຂະແໜງສາທາລະນະສຸກ ຂຶ້ນທີ່ຫໍປະຊຸມແຫ່ງຊາດ, ໂດຍການເປັນປະທານຂອງທ່ານ ສົມພອນ ຜາງມະນີໄຊ ຫົວຫນ້າກົມການເງິນກະຊວງສາທາລະນະສຸກ ແລະ ຜູ້ຕາງໜ້າສາທາລະນະສຸກແຂວງຕ່າງໆເຂົ້າຮ່ວມຢ່າງພ້ອມພຽງ.

- new3 - ກະຊວງສາທາລະນະສຸກປຶກສາຫາລືວຽກງານຄຸ້ມຄອງການເງິນ

ໃນກອງປະຊຸມທ່ານ ສຸພາບ ປັນຍາແກ້ວ ຮອງກົມການເງິນກະຊວງສາທາລະນະສຸກ ໃຫ້ຮູ້ວ່າ: ການປະຕິຮູບການເງິນສາທາລະນະສຸກແມ່ນໄດ້ເລີ່ມຈັດຕັ້ງປະຕິບັດມາແຕ່ປີ 2013 ແລະ ຈະດໍາເນີນໄປຮອດປີ 2025 ເພື່ອຮັບປະກັນໃຫ້ລະດັບການລົງທຶນຂອງລັດເຂົ້າໃນຂະແໜງສາທາລະນະສຸກ, ໂດຍສະເພາະຈາກແຫລ່ງທຶນພາຍໃນໃຫ້ຮັບປະກັນແນ່ໃສ່ຕອບສະໜອງການບໍລິການສາທາລະນະສຸກຂັ້ນພື້ນຖານ, ໄດ້ເຂົ້າເຖິງປະຊາຊົນ ໂດຍສະເພາະຈະສຸມໃສ່ສຸຂະພາບແມ່ ແລະ ເດັກ, ໂພສະນາການຢູ່ໃນເຂດຫ່າງໄກສອກຫລີກ, ປັບປຸງຂອດການປະສານງານການໄຫລວຽນແຫລ່ງທຶນໃນຂະແໜງການສາທະລະນະສຸກ ແລະ ຍົກສູງຄວາມຮັບຜິດຊອບຕໍ່ວຽກງານຄຸ້ມຄອງການເງິນ, ການເກັບກໍາຂໍ້ມູນດ້ານການເງິນ ແລະ ຮັບຮອງເອົາກົນໄກການຈ່າຍເງິນໃຫ້ແກ່ຜູ້ສະໜອງບໍລິການໄດ້ທົ່ວເຖິງ ພ້ອມທັງພັດທະນາການປົກປ້ອງສັງຄົມດ້ານສຸຂະພາບໃນຂົງເຂດການບໍລິການສາທາລະນະສຸກຂັ້ນພື້ນຖານດີຂຶ້ນ.

- lattana 1 - ກະຊວງສາທາລະນະສຸກປຶກສາຫາລືວຽກງານຄຸ້ມຄອງການເງິນ

ທ່ານໃຫ້ຮູ້ອີກວ່າ: ເປົ້າໝາຍບູລິມະສິດສໍາລັບການປະຕິຮູບການເງິນສາທາລະນະສຸກແຕ່ປີ 2016-2020 ຈະສູ້ຊົນໃຫ້ລາຍຈ່າຍດ້ານສາທາລະນະສຸກທົ່ວປະເທດສະເລ່ຍຢູ່ໃນລະດັບດຽວກັນກັບບັນດາປະເທດພາກພື້ນ (ໂດຍສະເພາະກຸ່ມອາຊຽນ) ແລະ ອັດຕາການປົກຄຸມປະກັນສຸຂະພາບໃຫ້ໄດ້ 80% ຂຶ້ນໄປຂອງປະຊາກອນພາຍໃນປະເທດ, ຕິດຕັ້ງ ແລະ ນໍາໃຊ້ລະບົບຄຸ້ມຄອງການເງິນທີ່ມີປະສິດທະພາບ ແລະ ປະສິດທິຜົນ ສໍາລັບທຸກຫົວໜ່ວຍງົບປະມານຢູ່ໃນຂະແໜງສາທາລະນະສຸກ ແລະ ສັດສ່ວນການເບີກຈ່າຍຈາກພາກສ່ວນຄົວເຮືອນສໍາລັບການປິ່ນປົວສຸຂະພາບຕ້ອງຢູ່ໃນລະດັບ 35% ຂອງລາຍຈ່າຍສາທາລະນະສຸກທັງໝົດ.

error: Content is protected !!