ຢ່າໃຫ້ຂະບວນການຍຸຕິທຳຖືກສວຍໃຊ້

- advert banner 728 90 728x90 - ຢ່າໃຫ້ຂະບວນການຍຸຕິທຳຖືກສວຍໃຊ້

ໂດຍ: ທ່ຽງ​ທຳ

- new3 - ຢ່າໃຫ້ຂະບວນການຍຸຕິທຳຖືກສວຍໃຊ້

​ເພື່ອນ​ຜູ້​ອ່ານ​ທີ່​ຮັກ​ແພງ ​​ໃຜໆ​ກໍ​ອາດ​ຈະ​ຮູ້​ດີ​ແລ້ວ​ວ່າ: ຖ້າ​ປະ​ເທດ​ໃດ​ໜຶ່ງ​ຫາກ​ບໍ່​ມີ​ລະບຽບ​ກົດໝາຍ​ແລ້ວ​ຈະ​ເປັນ​ແນວ​ໃດ ? ​ໂດຍ​ສະ​ເພາະ​ແມ່ນ​ຂະ​ບວນຍຸຕິ​ທຳ ​ເພື່ອ​ເຮັດ​ແນວ​ໃດ​ໃຫ້ການ​ຈັດຕັ້ງປະຕິບັດ​ລະບຽບ​ກົດໝາຍ​ມີ​ຜົນ​ສັກສິດ ຄື​ເຈົ້າໜ້າ​ທີ່​ຕຳຫລວດ​ກໍ​ຈະ​ເປັນ​ຜູ້​ປົກ​ປ້ອງ​ກົດໝາຍ ຖ້າ​ໃຜ​ລະ​ເມີດ​ກໍ​ຈະ​ນຳ​ມາ​ດຳ​ເນີນ​ຄະດີ ​ເພື່ອ​ສົ່ງ​ຟ້ອງ​ໄອ​ຍະ​ການ​ປະຊາຊົນ ​ເພື່ອ​ເປັນ​ການ​ພິຈາລະນາ​ເຖິງ​ຂະ​ບວນການ​ດຳ​ເນີນ​ຄະດີ​ຂອງ​ເຈົ້າໜ້າ​ທີ່, ມັນ​ຖືກຕ້ອງ​ຮັດກຸມ ​ແລະ ມີ​ຫລັກ​ຖານ​ພິຍານ​ຊັດ​ເຈນ​ແລ້ວ ຫລື ຍັງ ​ເພື່ອ​ສົ່ງ​ສານ​ມີ​ຄຳ​ພິພາກສາ​ຕັດສິນ​ລົງ​ໂທດ​ໃຫ້​ຖືກຕ້ອງ​ຕາມ​ສະຖານ​ຄວາມ​ຜິດ​ທີ່​ກົດໝາຍ​ໄດ້​ລະບຸ​ໄວ້ ​ເພື່ອ​ຄຸ້ມ​ຄອງ​ສັງຄົມ​ມີ​ຄວາມ​ສະຫງົບ​ປອດ​ໄພ ​ແລະ ຄວາມ​ເປັນ​ລະບຽບ​ຮຽບຮ້ອຍ ​ແລະ ຍຸຕິ​ທຳ ​ແລະ ​ໃນ​ຜ່ານ​ມາ ກໍ​ນັບ​ວ່າ​ເປັນ​ການ​ຍ້ອງຍໍ​ຊົມ​ເຊີຍ​ທີ່​ຂະ​ແໜງ​ການ​ດັ່ງກ່າວ​ໄດ້​ມີ​ຄວາມ​ຕັ້ງໜ້າ​ເຮັດ​ໜ້າ​ທີ່​ວຽກ​ງານ​ຂອງ​ຕົນ​ຢ່າງ​ມີ​ຜົນສຳ​ເລັດ, ​ແຕ່​ຄຽງ​ຄູ່​ກັນນັ້ນ ກໍ​ມີ​ຫາງ​ສຽງ​ສັງຄົມ​ສະ​ແດງ​ຄວາມ​ເປັນ​ຫ່ວງ​ຂໍ​ຢ່າ​ໃຫ້​ຂະ​ບວນການ​ຍຸຕິ​ທຳ​ເຫລົ່ານັ້ນຖືກ​ສວຍ​ໃຊ້​ໃນ​ລັກສະນະ​ເຫັນ​ແກ່​ຜົນ​ປະ​ໂຫຍ​ດສ່ວນ​ຕົວ. ດັ່ງ​ມີ​ຄຳ​ເຍາະ​ເຍີ​ຍວ່າ: “ຜູ້​ຮັ່ງ​ບໍ່​ໄດ້​ເຂົ້າຄຸກ ຜູ້​ທຸກ​ບໍ່​ໄດ້​ເຂົ້າ​ໂຮງໝໍ”. ສິ່ງ​ນີ້​ກໍ​ເປັນຕາ​ໜ້າ​ຄິດ, ​ເຖິງ​ວ່າ​ໃນ​ຜ່ານ​ມາ​ກໍ​ຍັງ​ບໍ່​ທັນ​ເຫັນ​ເປັນ​ຕົນ​ເປັນ​ໂຕ, ​ແຕ່​ກໍ​ເຄີຍ​ໄດ້​ອ່ານ​ໄດ້​ງິນຈາກ​ບົດ​ສະຫລຸບ​ຕີ​ລາຄາ​ວຽກ​ງານ​ຂອງ​ອົງການ​ກ່ຽວຂ້ອງ​ດັ່ງກ່າວ​ຕະຫລອດ​ມາ​ວ່າ: ຈະ​ເລັ່ງຍົກ​ສູງ​ຄວາມ​ຮູ້​ຄວາມ​ສາມາດ​ພະນັກງານ​ວິຊາການ​ໃນ​ສານ, ​ໄອ​ຍະ​ການ ຫລື ​ເຈົ້າໜ້າ​ທີ່​ສືບສວນ-ສອບ​ສວນ​ໃຫ້​ດີ ​ແລະ ​ເຂັ້ມ​ແຂງ. ພ້ອມ​ນັ້ນ ກໍ​ຈະ​ເລັ່ງປັບປຸງ​ໃນ​ຄວາມ​ໂປ່​ງ​ໃສ່​ຖືກຕ້ອງ​ໃນ​ການ​ດຳ​ເນີນ​ຄະດີ ​ແລະ ການ​ພິຈາລະນາ​ຕັດສິນ​ຄະດີ​ຕ່າງໆ​ໃຫ້​ມີ​ຄວາມ​ຍຸຕິ​ທຳ, ບໍ່​ໃຫ້​ຄົນ​ບໍ່​ຫວັງ​ດີ​ເຂົ້າມາ​ສວຍ​ໃຊ້.

- lattana 1 - ຢ່າໃຫ້ຂະບວນການຍຸຕິທຳຖືກສວຍໃຊ້
error: Content is protected !!