ຮາຄິມ ຊິເຢກ ອົດຍ້າຍທີມ ໄປ ເປແອສເຊ ແບບຢືມໂຕ ເນື່ອງຈາກ ເຊວຊີ ສົ່ງເອກະສານລ່າຊ້າ
ໃນຂະນະທີ່ນັກເຕະຫລາຍຄົນໄດ້ສໍາເລັດຂໍ້ຕົກລົງການຍ້າຍທີມໃນມື້ສຸດທ້າຍຂອງຕະຫລາດຊື້ຂາຍປີໃຫມ່, ແຕ່ເບິ່ງຄືວ່າ ຮາຄິມ ຊິເຢກ ກອງກາງຂອງຊາວ ໂມຣັອກໂກ ອາດຈະປະເຊີນກັບຄວາມຜິດຫວັງທີ່ບໍ່ສາມາດອອກຈາກ ເຊວຊີ ໄດ້ເນື່ອງຈາກບັນຫາເອກະສານລ່າຊ້າ.
ໃນມື້ສຸດທ້າຍຂອງຕະຫລາດຊື້ຂາຍເດືອນມັງກອນ, ທີມງານຂອງ ເຊວຊີ ໄດ້ປິດຂໍ້ຕົກລົງກັບຕາງຫນ້າຂອງ ປາຣີ ແຊງ-ແຊກແມັງ ເພື່ອປ່ອຍໂຕ ຊິເຢກ ໄປຫລິ້ນກັບທີມຊັ້ນນໍາໃນລີກເອີງ ດ້ວຍສັນຍາຢືມຕົວໄປຈົນຮອດທ້າຍລະດູການ. ໃນຂະນະທີ່ນັກເຕະໄດ້ບິນໄປເຖິງປາຣີ, ປະເທດຝຣັ່ງແລ້ວ.
ແຕ່ເກີດຈຸດຫັກມຸມເມື່ອ ຊິເຢກ ທີ່ກຳລັງເຂົ້າຮັບການກວດຮ່າງກາຍ ແຕ່ກັບບໍ່ສາມາດເຂົ້າຮ່ວມ ເປແອສເຊ ໄດ້ເນື່ອງຈາກມີບັນຫາເລື່ອງເອກະສານການຍົກຍ້າຍຈາກ “ສິງບຣູ” ທີ່ຊັກຊ້າກ່ອນຕະຫລາດປິດ.
ລາຍງານເປີດເຜີຍວ່າທີມງານ ເຊວຊີ ເຮັດເອກະສານຜິດພາດຫລາຍຄັ້ງໃນຊົ່ວໂມງສຸດທ້າຍກ່ອນເສັ້ນຕາຍຕະຫລາດປິດ ເຮັດໃຫ້ໃນທີ່ສຸດກໍ່ບໍ່ທັນກຳນົດ ເຊິ່ງ ເປແອສເຊ ກຽມຍື່ນຄຳຮ້ອງຕໍ່ຄະນະກຳມາທິການບານເຕະຝຣັ່ງ ເພື່ອໃຫ້ ເຊວຊີ ຍື່ນເອກະສານທີ່ຖືກຕ້ອງ ແລະ ໄດ້ຮັບການອະນຸມັດມາຫລິ້ນຢູ່ທີ່ ເປແອສເຊ ໄດ້.
