ສິ້ນສຸດການລໍຖ້າ! ເຊວຊີ ເປີດໂຕ ເອັນໂຊ ເຟີນັລເດສ ຮ່ວມທີມເປັນທາງການ

ເຊວຊີ ເປີດໂຕ ເອັນໂຊ ເຟີນັລເດສ ກອງກາງຈອມເກັ່ງຈາກ ເບນຟິກາ ຢ່າງເປັນທາງການ.

ທັບ ສິງບຣູ ໄລ່ລ່າ ກອງກາງທີມຊາດອາເຈນຕິນາ ຊູດຄວ້າແຊ້ມບານໂລກ 2022 ມາຕະຫລອດເດືອນມັງກອນ ແລະ ພະຍາຍາມຍື່ນຂໍ້ສະເໜີຫລາຍຄັ້ງເພື່ອໃຫ້ພິຈາລະນາ, ແຕ່ໄດ້ຖືກປະຕິເສດ.

ກ່ອນທີ່ໃນຊ່ວງໂຄ້ງສຸດທ້າຍຂອງຕະຫລາດຊື້ຂາຍເດືອນມັງກອນ, ທັງສອງສະໂມສອນໄດ້ຫາຂໍ້ສະຫລຸບນີ້ໄດ້ສໍາເລັດ ດ້ວຍມູນຄ່າລວມຫລາຍກວ່າ 121 ລ້ານເອີໂຣ, ໂດຍທີ່ ລິເວີເພຣສ ອະດີດຕົ້ນສັງກັດເກົ່າຂອງ ເອັນໂຊ ຍັງໄດ້ຮັບ 25% ຂອງຄ່າໂຕອີກດ້ວຍ.

ໂດຍສັນຍາຂອງ ເອັນໂຊ ເຟີນັລເດສ ເຊັນສັນຍາໄລຍະຍາວກັບ ເຊວຊີ ຈົນເຖິງລະດູຮ້ອນຂອງປີ 2031 ແລະ ຈະໃສ່ເບີ 5 ລົງສະໜາມໃນລະດູການນີ້.