ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ

ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ - 337147040 894179108514215 2879389497768043111 n - ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ
ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ - kitchen vibe - ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ

ຂ່າວຈາກວິທະຍຸສາກົນແຫ່ງ ສປ ຈີນ ລາຍງານວັນທີ 21 ມີນາ 2023 ນີ້ວ່າ:  ທ່ານ ສີ ຈິ້ນຜິງ ປະທານປະເທດ ສປ ຈີນ ໄດ້ພົບປະກັບທ່ານ ວາລາດີເມຍ ປູຕີນ ປະທານາທິບໍດີຣັດເຊຍ ຢູ່ວັງແກຣມແລັງ ຕາມການນັດໝາຍ. ​

ໃນ​ໂອກາດ​ນີ້ ທ່ານ ສີ ຈິ້ນຜິງ ໄດ້ຍົກໃຫ້ເຫັນວ່າ: ສປ ຈີນ ໄດ້ປະຕິບັດນະໂຍບາຍທາງການທູດທີ່ເປັນເອກະລາດ ແລະ ເປັນເຈົ້າຕົນເອງມາໂດຍຕະຫລອດ. ການປັບປຸງ ແລະ ຂະຫຍາຍການພົວພັນລະຫວ່າງ ສປ ຈີນ-ຣັດເຊຍ ໃຫ້ດີເປັນການຄັດເລືອກເສັ້ນທາງຍຸດທະສາດຂອງ ສປ ຈີນ ຈາກດ້ານຜົນປະໂຫຍດທີ່ເປັນກົກຮາກຂອງຕົນ ແລະ ທ່ວງທ່າ ຂະຫຍາຍຕົວຂອງໂລກ.

ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ - Visit Laos Visit SALANA BOUTIQUE HOTEL - ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ

ສປ ຈີນ ແລະ ຣັດເຊຍ ລ້ວນແຕ່ອອກແຮງພັດທະນາປະເທດໃຫ້ຈະເລີນຮຸ່ງເຮືອງ, ລ້ວນແຕ່ສະໜັບສະໜູນໃຫ້ໂລກມີຫລາຍຂົ້ວ, ລ້ວນແຕ່ຊຸກຍູ້ໃຫ້ການພົວພັນສາກົນເປັນແບບປະຊາທິປະໄຕ. ​ໂດຍສອງຝ່າຍຕ້ອງລົງເລິກການຮ່ວມມື ທີ່ຕິດແທດຕົວຈິງໃນຂົງເຂດຕ່າງໆຕື່ມອີກ, ເພີ່ມທະວີການປະສານສົມທົບກັນໃນຫລາຍເວທີຄືອົງການສະຫະປະຊາຊາດ ເປັນຕົ້ນ, ຊ່ວຍໃຫ້ປະເທດຕົນພັດທະນາ ແລະ ຈະເລີນຂຶ້ນຕື່ມ, ເປັນເສົາຄ້ຳແຫ່ງສັນຕິພາບ ແລະ ສະຖຽນລະພາບຂອງໂລກ.

ຈາກ​ນັ້ນ ທ່ານ ວາ​ລາ​ດີ​ເມຍ ປູຕີນ ​ໄດ້ກ່າວວ່າ: ຕະຫລອດ ​ໄລຍະ 10 ປີຜ່ານມາ, ການພັດທະນາໃນທຸກດ້ານຂອງ ສປ ຈີນລ້ວນແຕ່ໄດ້ຮັບໝາກຜົນອັນຍິ່ງໃຫຍ່ທີ່ເຫັນໄດ້ຢ່າງປະຈັກຕາຂອງຊາວໂລກ, ຍ້ອນມີການນຳພາອັນພົ້ນເດັ່ນຂອງ ທ່ານ ສີ ຈິ້ນຜິງ, ພ້ອມທັງຢັ້ງຢືນໃຫ້ເຫັນເຖິງລັກສະນະດີເດັ່ນຂອງລະບອບແຫ່ງຊາດ ແລະ ລະບົບຄຸ້ມຄອງຂອງ ສປ ຈີນ.

ຂະນະ​ທີ່ຣັດເຊຍ ຍິນດີຮ່ວມກັບ ສປ ຈີນ ສືບຕໍ່ລົງເລິກການຮ່ວມມືສອງຝ່າຍທີ່ຕິດແທດຕົວຈິງ, ເພີ່ມທະວີການແລກປ່ຽນ ແລະ ປະສານສົມທົບກັນ ໃນວຽກງານສາກົນ, ຊຸກຍູ້ຂະບວນການຫັນເປັນໂລກທີ່ມີຫລາຍຂົ້ວ ແລະ ການພົວພັນສາກົນແບບປະຊາທິປະໄຕ.

ຂ່າວ: ຂປລ

 

ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ - 4 - ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ
ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ - 3 - ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ
ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ - 5 - ສປ ຈີນ-ຣັດເຊຍ ຮັດແໜ້ນຄວາມສຳພັນການຮ່ວມມືຫລາຍດ້ານ