ສະເປີ ກຽມປົດ ຄອນເຕ ພົ້ນຜູ້ຈັດການທີມໄລຍະຢຸດທີມຊາດ ພ້ອມຕັ້ງ ເມສັນ ຄຸມທີມຈົນລະດູການ
ທັອດແນມ ຮັອດສະເປີ ກຽມປົດ ອັນໂຕນີໂອ ຄອນເດຕ ອອກຈາກຕຳແໜ່ງຜູ້ຈັດການທີມ ຫລັງເກີດບັນຫາເລື່ອງໂຈມຕີລູກທີມ ພ້ອມຕັ້ງ ໄຣອັນ ເມສັນ ຄຸມທີມຈົນຈົບລະດູການນີ້.
ໂດຍ ຄອນເຕ ຫາກໍອອກມາວິຈານລູກທີມຜ່ານສື່ວ່າມີບາງຄົນຫລິ້ນແບບບໍ່ເປັນມືອາຊີບ ລວມເຖິງມີຄວາມເຫັນແກ່ຕົວ ຫລັງເກມທີ່ສະເປີ ບຸກສະເຫມີ ເຊົາແຮມຕັນ 3-3 ທັງທີ່ຍິງປະຕູຂຶ້ນນຳກ່ອນເຖິງ 3-1 ໃນພຣີເມຍລີກ ອັງກິດ ເມື່ອວັນທີ 17 ມີນາທີ່ຜ່ານມາ.
ດ້ວຍຄວາມຂັດແຍ່ງດັ່ງກ່າວເຮັດໃຫ້ກ່ອນໜ້ານີ້ມີລາຍງານວ່ານັກເຕະຂອງສະເປີ ຫລາຍຄົນຕ້ອງການໃຫ້ ດານຽລ ເລວີ ປົດ ຄອນເຕ ອອກຈາກຕຳແໜ່ງທັນທີ.
ຈົນຫລ້າສຸດ ເດລີ ເມລ ສື່ໃນອັງກິດລະບຸວ່າ ດານຽລ ເລວີ ປະທານສະໂມສອນສະເປີ ກຽມສັ່ງປົດ ຜູ້ຈັດການທີມອາຍຸ 53 ປີອອກຈາກຕຳແໜ່ງໃນລະດູການພັກທີມຊາດນີ້ ຂະນະທີ່ລາວໄດ້ເດີນທາງກັບໄປທີ່ອິຕາລີເພື່ອພັກຜ່ອນກັບຄອບຄົວ.
ສ່ວນ ເທເລກຣາຟ ສື່ໃນອັງກິດອີກສຳນັກຫນຶ່ງເປີດເຜີຍວ່າ ສະເປີ ກຽມຕົກລົງໃນການແຍກທາງກັບ ຄອນເຕ ໃນອາທິດນີ້ ໂດຍ ໄຣອັນ ເມສັນ ອະດີດນັກເຕະ ແລະ ຄູຝຶກທີມຊຸດໃຫຍ່ ອາຍຸ 31 ປີ ໜ້າຈະຄຸມທີມຈົນຈົບລະດູການ.
