ສ.ເກົາຫລີ ແລະ ຍີ່ປຸ່ນ ເຫັນພ້ອມຟື້ນຂໍ້ຕົກລົງ ແຊຣຂໍ້ມູນຂ່າວທາງທະຫານອີກ

ທາງການ ສ.ເກົາຫລີ ຕັດສິນໃຈຈະຮື້ຟື້ນຂໍ້ຕົກລົງ General Security of Military Information Agreement (GSOMIA) ຢ່າງເຕັມຮູບແບບ ເພື່ອແລກປ່ຽນຂໍ້ມູນຂ່າວທາງທະຫານນໍາຍີ່ປຸ່ນອີກ ແລະ ໄດ້ມີການສົ່ງຈົດໝາຍເພື່ອແຈ້ງຈຸດປະສົງດັ່ງກ່າວຕໍ່ຝ່າຍຍີ່ປຸ່ນຢ່າງເປັນທາງການແລ້ວ.

ຂະນະດຽວກັນ, ປະທານາທິບໍດີ ຢຸນຊອກຢໍ ຂອງ ສ.ເກົາຫລີ ຍັງໄດ້ສັ່ງໃຫ້ເຈົ້າໜ້າທີ່ນໍາເອົາຍີ່ປຸ່ນກັບມາຢູ່ໃນ White List ອີກ ຫລື ເປັນບັນຊີຂອງປະເທດຄູ່ຄ້າທີ່ໄດ້ຮັບສິດພິເສດດ້ານການສົ່ງອອກ ຫລັງຈາກ ສ.ເກົາຫລີ ໄດ້ຖອດຍີ່ປຸ່ນອອກຈາກບັນຊີດັ່ງກ່າວໃນປີ 2019 ໃນໄລຍະການພົວພັນລະຫວ່າງສອງປະເທດຫລຸດຖອຍຢ່າງໜັກ.

ທັງນີ້, ການເຄື່ອນໄຫວທີ່ເກີດຂຶ້ນສະທ້ອນໃຫ້ເຫັນວ່າທ່ານ ຢຸນຊອກຢໍ ຕັ້ງໃຈຈະພັດທະນາການພົວພັນກັບຍີ່ປຸ່ນຢ່າງຈິງຈັງ ຫລັງຈາກທ່ານສ້າງປະຫວັດສາດ ໂດຍການເດີນທາງເຂົ້າພົບທ່ານ ຟູມິໂອະ ຄິຊິດະ ນາຍົກລັດຖະມົນຕີຍີ່ປຸ່ນ ໃນອາທິດຜ່ານມາ ໂດຍເປັນຄັ້ງທໍາອິດທີ່ຜູ້ນໍາຂອງ ສ.ເກົາຫລີ ທາງເດີນຢ້ຽມຢາມຍີ່ປຸ່ນ ເພື່ອເຈລະຈາກັບຜູ້ນໍາ ຫລັງຈາກທັງສອງປະເທດໂຈະພາລະກິດເດີນທາງຢ້ຽມຢາມເຊິ່ງກັນ ແລະ ກັນເຖິງ 12 ເຖິງ.

ອ້າງອີງ:

https://www.japantimes.co.jp/…/gsomia-south-korea…/…

https://en.yna.co.kr/view/AEN20230321004751325