ອັງກິດ ຈະເປັນສະມາຊິກໃໝ່ ສັນຍາຄູ່ຮ່ວມມື ຮອບດ້ານ-ກ້າວໜ້າຂ້າມ ປາຊີຟິກ

ຕາມຂ່າວຈາກ ວິທະຍຸ ສາກົນ ຫວຽດນາມ, ວັນທີ 31 ມີນາ 2023, ທ່ານ ຣີຊີ ສຸນັກ (Rishi Sunak), ນາຍົກ ລັດຖະມົນຕີ ອັງກິດ ໄດ້ແຈ້ງ ໃຫ້ຊາບວ່າ: ອັງກິດ ຈະເຂົ້າຮ່ວມ ສັນຍາ ຄູ່ຮ່ວມ ມື ຮອບດ້ານ ແລະ ກ້າວໜ້າຂ້າມ ປາຊີຟິກ (CPTPP) ຊຶ່ງ​ເປັນ ຂໍ້ຕົກລົງ ການຄ້າໃຫຍ່ສຸດ ຂອງອັງກິດ ເຂົ້າຮ່ວມ ພາຍຫລັງ ອອກຈາກ ສະຫະພາບ ເອີຣົບ (ອີຢູ). ອັງກິດ ຈະເປັນ ສະມາຊິກໃໝ່ ທຳ ອິດ ນັບແຕ່ ເມື່ອສັນຍາ ໄດ້ລົງນາມ ໃນປີ 2018 ແລະ ແມ່ນປະເທດ ເອີຣົບ ທຳອິດ ໃນກຸ່ມນີ້.

ແຈ້ງການ ຂອງຫ້ອງວ່າ ການນາຍົກ ລັດຖະມົນຕີ ອັງກິດ ຊີ້ແຈ້ງວ່າ: ພາຍຫລັງ 21 ເດືອນ“ເຈລະຈາ ຢ່າງເຄັ່ງຕຶງ”, ອັງກິດ ຈະແມ່ນ “ໃຈກາງ ຂອງກຸ່ມ 1 ລວມມີ ບັນດາ ພື້ນຖານເສດ ຖະກິດ ຂະຫຍັນ ຂັນເຄື່ອນ” ແລະ ແມ່ນພະຍານ ຫລັກຖານ ຂອງເລື່ອງ “ກຳແໜ້ນ ກາລະໂອກາດ ຂອງການ ຄ້າເສລີໃໝ່ ພາຍຫລັງ ບຣິກຊິດ (Brexit).