ມາກ ມາເກຊ ຖອນໂຕ ບໍ່ແຂ່ງ MotoGP ທີ່ຊັດເຊ່ນຣິງ ຫລັງລົ້ມຄັ້ງທີ່ 5 ໃນຮອບ ອາທິດຈົນນິ້ວຫັກ
ຊັດເຊ່ນຣິງ ປະເທດເຢຍລະມັນ ເປັນສະໜາມແຂ່ງ MotoGP ທີ່ປຽບດັ່ງສະໜາມບ້ານຂອງ ມາກ ມາເກຊ, ແຊ້ມໂລກ 8 ສະໄໝຂອງທີມ Repsol Honda, ຈາກສະຖິຕິ ແຂ່ງທັງໝົດ 11 ຄັ້ງ, ລວມທຸກຄັ້ງ ຊະນະທຸກຄັ້ງ, ໂດຍເປັນໃນລຸ້ນ MotoGP ເຖິງ 8 ຄັ້ງ.
ແຕ່ໃນປີ 2023, ຊັດເຊ່ນຣິງ ກາຍເປັນສະຫນາມຝັນຮ້າຍສົມບູນ. ເມື່ອລາວໄດ້ລົ້ມຕະຫລອດໃນຮອບທ້າຍອາທິດແຂ່ງຂັນເຖິງ 5 ຄັ້ງ, ຄັ້ງທຳອິດໃນຮອບຝຶກຊ້ອມ 2 , ຄັ້ງທີ 2 ໃນຮອບຄັດເລືອກ 1, ຄັ້ງທີ 3 ແລະ 4 ໃນຮອບຄັດເລືອກ 2 ແລະ ຄັ້ງທີ 5 ເປັນການອຸ່ນເຄື່ອງກ່ອນການແຂ່ງຂັນຈິງ.
ແລະ ຄັ້ງຫລ້າສຸດ ໜັກກວ່າເກົ່າ ເນື່ອງຈາກວ່ານິ້ວຊ້າຍເກີດຮອຍແຕກລ້າວ. ເຖິງແມ່ນວ່າທ່ານຫມໍຢູ່ສູນການແພດຂອງການແຂ່ງຂັນໄດ້ກວດສອບອາການແລ້ວ ພົບວ່າມັນເປັນພຽງແຕ່ຮອຍແຕກເລັກນ້ອຍເທົ່ານັ້ນ, ຈຶ່ງອະນຸຍາດໃຫ້ສາມາດລົງແຂ່ງຂັນໃນການແຂ່ງຂັນຕົວຈິງ. ເຊິ່ງຈະຈັດຂຶ້ນໃນມື້ນີ້ (ວັນອາທິດທີ 18 ມິຖຸນາ) ເວລາ 19:00 ໂມງ. ແຕ່ ມາກ ມາເກຊ ໄດ້ຕັດສິນໃຈຖອນຕົວອອກຈາກການແຂ່ງຂັນແລ້ວ.
