ເຈົ້າໜ້າທີ່ປາບປາມປາມການລັກລອບພາສີ ຢຶດລົດ Camry ບໍ່ມີເອກະສານຢັ້ງຢືນ

ເຈົ້າໜ້າທີ່ພາສີພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ລາຍງານວ່າ:  ເວລາ 08:30 ໂມງຂອງວັນທີ 23 ມິຖຸນາ 2023 ຜ່ານມານີ້ ໄດ້ກວດກາ ຢຶດລົດ TOYOTA Camry  ສີດຳ, ບໍ່ຕິດປ້າຍທະບຽນ, ກຳລັງແລ່ນມາຕາມເສັ້ນທາງແຕ່ເມືອງສັງທອງ ຫາ ເມືອງສີໂຄດຕະບອງ (ເສັ້ນທາງແຄມຂອງ).

ຜ່ານການສືບສວນ-ສອບສວນເບື້ອງຕົ້ນເຫັນວ່າ: ບໍ່ມີເອກະສານຢັ້ງຢືນຕ່າງໆ…ຈຶ່ງໄດ້ນໍາລົດຄັນດັ່ງກ່າວມາມອບໃຫ້ຂະແໜງກວດກາ ແລະ ສືບສວນສອບສວນຂອງພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ທີ່ບ້ານໜອງບອນ ເມືອງໄຊເສດຖາ ນະຄອນຫຼວງວຽງຈັນ, ເພື່ອດຳເນີນການຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ.