ເກີດເຫດເຮືອໂດຍສານຫລົ່ມກາງທະເລສາບ ໃນຟີລິບປິນ ເສຍຊີວິດຫລາຍກວ່າ 30 ຄົນ

ສຳນັກຂ່າວ ຕ່າງປະເທດ ລາຍງານຈາກ ນະຄອນຫລວງມະນິລາ ປະເທດຟີລິບປິນ ໃນວັນທີ 28 ກໍລະກົດ 2023 ວ່າ: ເກີດເຫດເຮືອໂດຍສານຫລົ່ມກາງທະເລສາບ ເມືອງບິນັງໂກນັນ ໃນແຂວງຣີຊັລ ຢູ່ທາງພາກກາງ ຂອງເກາະລູຊອນ ລາຍງານພົບຜູ້ ເສຍຊີວິດ ຢ່າງໜ້ອຍ 26 ຄົນ ແລະ ຊ່ວຍເຫືລອ ຜູ້ປະສົບໄພໄດ້ປະມານ 40 ຄົນ, ແຕ່ຍັງມີ ຜູ້ສູນຫາຍອີກ 3 ຄົນ

ຈາກອຸບັດເຫດ ເຮືອໄມ້ໂດຍສານ ຂ້າມຟາກ ຂະໜາດນ້ອຍ ຫລົ້ມກາງທະເລສາບ ລາກູນາ ໃກ້ກັບນະຄອນຫລວງ ມະນິລາ. ເຖິງຢ່າງໃດກໍ່ຕາມ, ນໍ້າໜັກການ ບັນຈຸຜູ້ໂດຍສານ ສູງສຸດ ຂອງເຮືອລຳນີ້ ຢູ່ທີ່ 40 ຄົນ ແລະ ເຫດການດັ່ງກ່າວ ເກີດຂຶ້ນໃນໄລຍະ ທີ່ພາຍຸໄຕ້ຝຸ່ນ ທົກຊູຣີ ພັດຜ່ານເກາະລູຊອນ ຊຶ່ງ ເປັນເກາະ ຂະໜາດໃຫຍ່ທີ່ສຸດ ຂອງຟີລິບປິນ. ຂະນະທີ່ ສາເຫດຕົ້ນຕໍ ຂອງອຸບັດເຫດ ທີ່ເກີດຂຶ້ນ ໃນຄັ້ງນີ້ ພວມຢູ່ໃນລະຫວ່າງ ການສືບສວນ, ສອບສວນ ຂອງເຈົ້າ ໜ້າທີ່ກ່ຽວຂ້ອງ.