ທະນາຄານແຫ່ງປະເທດໄທ ປັບຂຶ້ນດອກເບ້ຍນະໂຍບາຍ 0,25% ຈາກ 2,25% ມາເປັນ 2.50% ຕໍ່ປີ

September 28, 2023 - 2:29 PM

ທະນາຄານແຫ່ງປະເທດໄທ ປັບຂຶ້ນດອກເບ້ຍນະໂຍບາຍ 0,25% ຈາກ 2,25% ມາເປັນ 2.50% ຕໍ່ປີ - kitchen vibe - ທະນາຄານແຫ່ງປະເທດໄທ ປັບຂຶ້ນດອກເບ້ຍນະໂຍບາຍ 0,25% ຈາກ 2,25% ມາເປັນ 2.50% ຕໍ່ປີ

ສຳນັກຂ່າວໄທ PBS ລາຍງານ ວັນທີ 27 ກັນຍາ 2023, ທ່ານ ປິຕິ ດິດສະຍາທັດ ເລຂານຸການ ຄະນະກຳມະການນະໂຍບາຍການເງິນຂອງທະນາຄານແຫ່ງປະເທດໄທ ມີມະຕິເປັນເອກະພາບໃຫ້ເພີ່ມອັດຕາດອກເບ້ຍນະໂຍບາຍຂຶ້ນອີກ 0,25% ຕໍ່ປີ ຈາກປະຈຸບັນ 2,25% ມາເປັນ 2.50% ຕໍ່ປີ

ການປັບຂຶ້ນອັດຕາດອກເບ້ຍ ຂອງທະນາຄານແຫ່ງປະເທດໄທ ແມ່ນເພື່ອຄວບຄຸມ ອັດຕາເງິນເຟີ້ໃຫ້ຢູ່ໃນຂອບເຂດເປົ້າໝາຍ ແລະ ຊ່ວຍເພີ່ມທະວີຄວາມໝັ້ນຄົງດ້ານເສດຖະກິດ. ຄາດວ່າເສດຖະກິດໄທຈະເຕີບໂຕ 2,8% ແລະ 4,4% ໃນປີ 2023 ແລະ 2024 ຕາມລຳດັບ, ແຮງຂັບເຄື່ອນຕົ້ນຕໍແມ່ນມາຈາກການບໍລິໂພກ ພາກເອກະຊົນ.
ຕາມຂໍ້ມູນໃຫ້ຮູ້ວ່າອັດຕາການຂະຫຍາຍໂຕຂອງເສດຖະກິດໄທຈະສູງຂຶ້ນໃນປີ 2024 ເນື່ອງຈາກການທ່ອງທ່ຽວມີການຟື້ນໂຕຢ່າງຕໍ່ເນື່ອງ ແລະ ພາກການສົ່ງອອກກໍກັບມາຂະຫຍາຍໂຕ. ນອກຈາກນັ້ນຍັງໄດ້ຮັບການສົ່ງເສີມຢ່າງເຕັມທີ່ຈາກທາງພາກລັດ.