ຍີ່ປຸ່ນ ໃຫ້ທຶນຊ່ວຍເຫລືອ ໂຮງຮຽນມັດທະຍົມຕອນຕົ້ນມົກໂຊ ແຂວງບໍ່ແກ້ວ ມູນຄ່າ 71.500 ໂດລາສະຫະລັດ
September 28, 2023 - 4:41 PM
ວັນທີ 28 ກັນຍາ 2023, ທ່ານ ທູດ ໂຄບະຢະຊິ ເຄັນອິຈິ, ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ ໄດ້ລົງນາມເຊັນສັນຍາໃຫ້ການຊ່ວຍເຫລືອໃນໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP) ຮ່ວມກັບ ຕາງໜ້າຈາກແຂວງບໍ່ແກ້ວ ໂດຍມີ ທ່ານ ຄຳຜະຫຍາ ພົມປັນຍາ, ຮອງເຈົ້າແຂວງບໍ່ແກ້ວ ໃຫ້ກຽດເຂົ້າຮ່ວມເປັນສັກຂີພະຍານ.
ພາຍໃຕ້ໂຄງການດັ່ງກ່າວ, ລັດຖະບານຍີ່ປຸ່ນຈະໃຫ້ການຊ່ວຍເຫລືອເປັນທຶນຮອນປະມານ 71.500 ໂດລາສະຫະລັດ ເພື່ອສະໜັບສະໜູນໂຄງການດ້ານການສຶກສາ ເພື່ອນຳໃຊ້ໃນການປັບປຸງສະພາບແວດລ້ອມການສຶກສາຂອງໂຮງຮຽນມັດທະຍົມຕອນຕົ້ນມົກໂຊ ເມືອງຜາອຸດົມ ແຂວງບໍ່ແກ້ວ.
