ຟີລິບປິນ ຫ້າມນຳເຂົ້າສັດປີກຈາກຝຣັ່ງ ແລະ ເບລຢຽມຢ່າງບໍ່ມີກຳນົດ

ຂ່າວຕ່າງປະເທດລາຍງານ ວັນທີ 9 ມັງກອນ 2024 ນີ້, ກົມກະສິກຳຂອງຟີລິບປິນ ໄດ້ຫ້າມນຳເຂົ້າສັດປີກ ແລະ ຜະລິດຕະພັນສັດປີກປະເພດອື່ນໆຈາກຝຣັ່ງ ແລະ ເບລຢຽມ ຢ່າງບໍ່ມີກຳນົດ ຍ້ອນພະຍາດໄຂ້ຫວັດສັດປີກລະບາດຢູ່ໃນບັນດາປະເທດໃນເອີຣົບ.

ທ່ານ ຟຣານຊິສໂກ ລໍໂຣ ລັດຖະມົນຕີກະຊວງກະສິກຳຟີລິບປິນ ກ່າວວ່າ: ການຫ້າມນຳເຂົ້າສັດປີກຈະເປັນການຢຸດຢັ້ງນົກປ່າຈາກເບລຢຽມ ແລະ ຝຣັ່ງບໍ່ໃຫ້ເຂົ້າມາຟີລິບປິນ ການຫ້າມນຳເຂົ້າທີ່ບໍ່ມີກຳນົດຍັງເປັນການປົກປ້ອງຜູ້ຄ້າທີ່ນຳເອົາຜະລິດຕະພັນສັດປີກຈາກຝຣັ່ງ ແລະ ເບລຢຽມເຂົ້າປະເທດ ຊຶ່ງລວມທັງຊີ້ນສັດປີກ, ໄຂ່ທີ່ນຳເອົາມາຟັກ, ຜະລິດຕະພັນສັດປີກທີ່ມີອາຍຸໜ້ອຍກວ່າ 72 ຊົ່ວໂມງ, ນ້ຳເຊື້ອສັດປີກ  ຊຶ່ງເລີ່ມແຕ່ວັນທີ 8 ມັງກອນ 2024ນີ້ ເປັນຕົ້ນໄປ, ພວກເຮົາກຳລັງປົກປ້ອງປະຊາກອນສັດປີກເຊັ່ນດຽວກັບກຳມະກອນທີ່ເຮັດວຽກກ່ຽວກັບສັດປີກ ແລະ ຜູ້ບໍລິໂພກ ຕັ້ງແຕ່ເກີດການລະບາດຂອງເຊື້ອໄວຣັສ H5N1 ທີ່ສາມາດຕິດຕໍ່ໃສ່ຄົນໄດ້ໂດຍຜ່ານການຕິດເຊື້ອຈາກສັດ.