ຮອງນາຍົກ ປະດັບຫລຽນໄຊແຮງງານຊັ້ນ I ໃຫ້ກະຊວງ ຮສສ

ກອງປະຊຸມວຽກແຮງງານ ແລະ ສະຫວັດດີການສັງຄົມທົ່ວປະເທດປະຈຳປີ 2023 ແລະ ການປະດັບຫລຽນໄຊແຮງງານຊັ້ນ I ໃຫ້ ກະຊວງ ແຮງງານ ສະຫວັດດີການ ແລະ ສັງຄົມ ດຳເນີນໄປໃນວັນທີ 26 ມັງກອນ 2024 ທີ່ ເຮືອນຮັບແຂກກະຊວງແຮງງານ ແລະ ສະຫວັດດີການສັງຄົມ (ຮສສ), ໂດຍການເຂົ້າຮ່ວມ ແລະປະດັບຫຼຽນໄຊ ຂອງທ່ານ ພົນເອກ ຈັນສະໝອນ ຈັນຍາລາດ ຮອງນາຍົກລັດຖະມົນຕີ,ລັດຖະມົນ ຕີກະຊວງ ປ້ອງກັນປະເທດ, ຊຶ່ງການປະດັບຫລຽນໄຊແຮງງານ ຊັ້ນ 1 ໃນຄັ້ງນີ້ເພື່ອຍ້ອງຍໍສັນລະເສີນ ແລະ ຈົດຈໍາບຸນຄຸນ, ຄຸນງາມຄວາມດີຂອງການນຳພະນັກງານແຕ່ລະຮຸ່ນທີ່ໄດ້ປະກອບສ່ວນຈັດຕັ້ງປະຕິບັດໜ້າທີ່ການເມືອງ ທີ່ພັກ-ລັດ ມອບໝາຍຜົນງານ ທີ່ຂະແໜງແຮງງານ ແລະ ສະຫວັດດີການສັງຄົມ ຍາດມາໄດ້ຕະຫລອດໄລຍະ 30 ປີຜ່ານມາ, ທັງເປັນການປະກອບສ່ວນເຂົ້າໃນຜົນງານລວມໃນພາລະກິດປົກປັກຮັກສາ ແລະ ພັດທະນາປະເທດຊາດອີກດ້ວຍ.