ຕວກກີ-ອີຣານຄັດຄ້ານແຍກ ເປັນເອກະລາດຂອງເກີດິສຖານ

- advert banner 728 90 728x90 - ຕວກກີ-ອີຣານຄັດຄ້ານແຍກ ເປັນເອກະລາດຂອງເກີດິສຖານ

ວັນ​ທີ 4 ຕຸ​ລາ​ນີ້, ທ່ານ ​ເອ​ໂດກັນ ປະ​ທາ​ນາ​ທິ​ບໍ​ດີ​ຕວກ​ກີ ກັບ​ທ່ານ ​ຣູ​ຮາ​ນີ ປະ​ທາ​ນາ​ທິ​ບໍ​ດີ​ອີ​ຣານ​ ໄດ້​ເຈ​ລະ​ຈາ​ພົບ​ປະ​ກັນ​ຢູ່​ນະ​ຄອນ​ຫຼວງ​ເຕ​ຮາຣານ ​ຂອງ​ອີ​ຣານ. ສອງ​ຝ່າຍ​ເປັນ​ເອ​ກະ​ພາບ​ກັນ​​ວ່າ: ຈະ​ລົງ​ເລິກ​ການ​ຮ່ວມມື​ໃນ​ດ້ານເສດ​ຖະ​ກິດ​ການ​ຄ້າ​ລະ​ຫວ່າງ​ຕວກ​ກີ​ກັບ​ອີ​ຣານ. ພ້ອມ​ກັນ​ນັ້ນ ກໍເດັດ​ດ່ຽວ​ຄັດ​ຄ້ານ​ການລົງ​ປະ​ຊາ​ມະ​ຕິ​ເພື່ອ​​ແຍກ​ເປັນເອກະ ​ລາດຂອງເຂດ​ປົກ​ຄອງ​ຕົນ​ເອງເກີ​ດິສຖານ​ຂອງ​ອີ​ຣັກ​.

- new3 - ຕວກກີ-ອີຣານຄັດຄ້ານແຍກ ເປັນເອກະລາດຂອງເກີດິສຖານ

ສອງ​ຝ່າຍ​ເປັນ​ເອ​ກະ​ພາບ​ກັນ​ເຫັນ​ວ່າ: ​ເຂດ​ປົກ​ຄອງ​ຕົນ​ເອງ​ເກີ​ດິສ​ຖານຂອງ​ອີ​ຣັກ​ຈັດ​ການ​ລົງ​ປະ​ຊາ​ມະ​ຕິ​ເພື່ອ​ແຍກ​ເປັນ​ເອກະ​ລາດແມ່ນ​ເລື່ອງ​ທີ່ “ຮັບ​ເອົາ​ບໍ່​ໄດ້”. ທ່ານ​ ຣູ​ຮາ​ນີ​ ກ່າວ​ວ່າ: “ບໍ່​ວ່າ​​ຜືນ​ແຜ່ນ​ດິນ​ຂອງປະ​ເທດ​ໃດ​ໃນ​ພາກ​ພື້ນ​ນີ້​ຖືກ​ແບ່ງ​ແຍກ, ພວກ​​ຂ້າ​ພະ​ເຈົ້າ​ລ້ວນ​ແຕ່​ຮັບ​ເອົາ​ບໍ່​ໄດ້ ແລະ ເຫັນ​ວ່າ: ອີ​ຣັ​ກ​ເປັນປະ​ເທດ​​ເອ​ກະ​ພາບ ແລະ ​ເອ​ກະ​ລາດ”, ຜູ້​ນຳເຂດ​ເກີ​ດິສ​ຖານ​ຕ້ອງ “ແກ້​ໄຂຄວາມ​ຜິດ​ຂອງ​ພວກ​ເຂົາ”. ທ່ານ​ ເອ​ໂດ​ກັນ ​ຢືນ​ຢັນວ່າ: “ອີ​ຣານ ​ແລະ​ ຕວກ​ກີ​ໄດ້​ປະ​ກາດ​ແລ້​ວ​ວ່າ: ຈະ​ບໍ່​ຮັບ​ຮອງ​ຜົນ​ການ​ລົງ​ປະ​ຊາ​ມະ​ຕິ​ເພື່ອ​ແຍກ​ເກີ​ດິສຖານ​ອອກຈາກ​ອີ​ຣັກ”.

- lattana 1 - ຕວກກີ-ອີຣານຄັດຄ້ານແຍກ ເປັນເອກະລາດຂອງເກີດິສຖານ
error: Content is protected !!