Google ເປີດຕົວ Pixel 2 ແລະ Pixel 2 XL ໂທລະສັບມືຖືຊົງພະລັງກ້ອງໂຫດສຸດໃນສາມໂລກ
ເປີດຕົວກັນເປັນທີ່ຮຽບຮ້ອຍແລ້ວກັບ Pixel 2 ແລະ Pixel 2 XL ມືຖືຍີ່ຫໍ້ຍັກໃຫຍ່ຂອງໂລກ Google, ສະເປັກຂອງເຄື່ອງທີ່ຢັດຮາດແວຕົວທັອປແຫ່ງຍຸກທັງຫຼາຍມາໃຫ້ຟີເຈີຕົວເຄື່ອງຕ່າງໆ ທີ່ເນັ້ນໃຫ້ AI ສາມາດເຮັດວຽກສອດຄ່ອງກັບຊັອບແວທັງຫຼາຍ ປິດທ້າຍດ້ວຍປະສິດທິພາບຂອງກ້ອງທີ່ຊະນະທຸກຍີ່ຫໍ້ໃນປັດຈຸບັນ.
ເລີ່ມກັນທີ່ໜຶ່ງຕົວເລືອກຍອດນິຍົມທີ່ຜູ້ໃຊ້ຕັດສິນໃຈເລືອກຊື້ໂທລະສັບກັນນັ້ນຄືເລື່ອງຂອງກ້ອງນັ້ນເອງ, ກ້ອງຂອງ Pixel 2 ໄດ້ອັບເດດມາຈາກຮຸ່ນກ່ອນພໍສົມຄວນ ແລະ ເຖິງຈະບໍ່ໄດ້ຕາມກະແສໂລກດ້ວຍການມີ 2 ເລນຄືໃຜ ແຕ່ເລືອກທີ່ຈະພັດທະນາຕົວດຽວໃຫ້ມີປະສິດທິພາບສູງ ແລະ ພວກເຂົາກໍເຮັດໄດ້ຢ່າງທີ່ຕັ້ງໃຈ ເພາະເວັບໄຊ DxOMark ໄດ້ໃຫ້ຄະແນນໂດຍລວມຂອງ Pixel 2 ສູງເຖິງ 98 ຄະແນນ, ເອົາຊະນະ Galaxy Note 8 ແລະ iPhone 8 Plus ທີ່ມີຄະແນນເທົ່າກັນທີ 94 ຄະແນນ.
ໂດຍກ້ອງຫຼັກຂອງ Pixel 2 ມີຮາດແວມາຮອງຮັບຫຼວງຫຼາຍທີ່ໄວ້ໃຊ້ສະໜັບສະໜູນການບັນທຶກພາບ ທັງ Dual-Pixel ທີ່ຈະເຮັດໃຫ້ໄລຍະໃກ້-ໄກຂອງພາບເບິ່ງມີນໍ້າໜັກຫຼາຍຂຶ້ນ ແລະ ໂຫມດຖ່າຍພາບແບບ Portrait ທີ່ສາມາດລະລາຍສາກຫຼັງເພື່ອໃຫ້ວັດຖຸຂ້າງໜ້າເດັ່ນຊັດ ໂດຍບໍ່ມີເບິ່ງລອຍຫຼອກຕາ ໂຫມດຖ່າຍວິດີໂອທີ່ຕົວເຄື່ອງນັ້ນ ມີລະບົບກັນສັ່ນຮອງຮັບໃຫ້ວິດີໂອຂອງເຮົາລື່ນໄຫຼໃນການຮັບຊົມ ທັງລະບົບ OIS ແລະ ລະບົບກັນສັ່ນແບບເອເລັກໂຕຣນິກຮ່ວມສະໄໝ.
Google Lens ທີ່ Pixel 2 ຈະເປັນໂທລະສັບເຄື່ອງທໍາອິດທີ່ໄດ້ໃຊ້ຟີເຈີນີ້ ໂດຍຜູ້ໃຊ້ສາມາດຖ່າຍພາບວັດຖຸ ຫຼື ບຸກຄົນເພື່ອໃຫ້ປັດສະຍາປະດິດຂອງທາງ Google ຫາຂໍ້ມູນ ແລະ ລາຍລະອຽດໃຫ້ Active Edge ການສໍາຜັດໜ້າຈໍຂອງຕົວເຄື່ອງໃນລັກສະນະທີ່ຄ້າຍຄືການບີບເພື່ອເອີ້ນ Google Assistant ມາຊ່ວຍ ແລະ ຄົ້ນຫາຂໍ້ມູນຕ່າງໆ ປິດທ້າຍດ້ວຍການເປັນ Pure Android ສາມາດປັບແຕ່ງທຸກຢ່າງກັບເຄື່ອງໃຫ້ເຂົ້າກັບຜູ້ໃຊ້ໄດ້ຕາມໃຈ
ໂທລະສັບຊີຣີ Pixel ມີກໍານົດວາງຈໍາໜ່າຍຕາມປະເທດທີ່ກໍານົດອົດສະຕຣາລີ, ການາດາ, ເຢຍລະມັນ, ອິນເດຍ, ອັງກິດ ແລະ ສະຫະລັດອາເມລິກາ ໃນວັນທີ 19 ຕຸລານີ້, ໂດຍຮຸ່ນ Pixel 2 ລາຄາຢູ່ທີ 23.000 ບາດ (ສະກຸນເງນໄທ), ສ່ວນ Pixel 2 XL ຈະຢູ່ທີ 30.000 ບາດ (ສະກຸນເງິນໄທ) ແລະ ທັງ 2 ຮຸ່ນສາມາດປ່ຽນພື້ນທີ່ພາຍໃນຕົວເຄື່ອງເປັນ 128GB ໄດ້ພຽງເພີ່ມເງິນເຂົ້າໄປອີກ 3.500 ບາດ ສະກຸນເງິນໄທ.
