ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ

- 4335 - ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ
- kitchen vibe - ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ

ໂອກາດໂອ້ລົມຕໍ່ ກອງປະຊຸມຖອດຖອນບົດຮຽນວຽກງານກວດສອບແຫ່ງລັດປະຈຳປີ 2023 ແລະ ທິດທາງແຜນການວຽກງານປີ 2024 ໃນວັນທີ 15 ມີນາ 2024, ທ່ານ ບຸນທອງ ຈິດມະນີ ຮອງປະທານປະເທດ ໄດ້ເນັ້ນໃຫ້ອົງການກວດສອບແຫ່ງລັດເອົາໃຈໃສ່ເພີ່ມທະວີວຽກງານການສຶກສາອົບຮົມການເມືອງ-ແນວຄິດ ໃຫ້ພະນັກງານ-ລັດຖະກອນ ມີຄຸນທາດການເມືອງທີ່ໜັກແໜ້ນ ຢຶດໝັ້ນຕໍ່ອຸດົມການຂອງພັກມີສະຕິເຄົາລົບຕໍ່ການຈັດຕັ້ງປະຕິບັດລະບຽບກົດໝາຍ, ມີແນວຄິດອຸ່ນອ່ຽນ ທຸ່ນທ່ຽງ ແລະ ມີຈັນຍາບັນ ຈັນຍາທຳ ຂອງພະນັກງານ-ນັກກວດສອບ.

ນອກນີ້ກໍໃຫ້ປະຕິບັດໜ້າທີ່ວຽກງານການກວດສອບ ໃຫ້ເປັນເຈົ້າການປະສານສົມທົບຕິດຕາມ ແລະ ຊຸກຍູ້ເປົ້າໝາຍກວດສອບ, ອົງການຄຸ້ມຄອງ ເປົ້າໝາຍຖືກກວດສອບ ແລະ ພາກສ່ວນທີ່ກ່ຽວຂ້ອງໃນ
ການແກ້ໄຂຜົນການກວດສອບ, ໄຈ້ແຍກໃຫ້ເຫັນອັນໃດທີ່ສາມາດແກ້ໄຂໄດ້ ອັນໃດເປັນໜີ້ທວງຍາກ ແລະ ອັນໃດທີ່ບໍ່ສາມາດແກ້ໄຂໄດ້ ແລ້ວນຳສະເໜີລັດຖະບານ ແລະ ຄະນະປະຈຳສະພາແຫ່ງຊາດ ພິຈາ ລະນາ, ເອົາໃຈໃສ່ຢ່າງເຂັ້ມງວດ ໃນການວິເຄາະວິໄຈ ສ້າງແຜນການກວດສອບປະຈຳປີ ແຜນການກວດສອບລວມ ແລະ ແຜນການກວດສອບລະອຽດ ໃຫ້ມີຜົນສຳເລັດຕາມຄາດໝາຍ

- Visit Laos Visit SALANA BOUTIQUE HOTEL - ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ

ເອົາໃຈໃສ່ປະຕິບັດຂັ້ນຕອນ ແລະ ວິທີການເກັບກຳຂໍ້ມູນຫລັກຖານການກວດສອບ ເພື່ອກຳນົດມາດຕະການແນະນຳຜົນການກວດສອບ ໃຫ້ມີຄວາມລະອຽດ ແລະ ຊັດເຈນ, ເອົາໃຈໃສ່ຢ່າງເຂັ້ມງວດ ກ່ຽວກັບການປະຕິບັດກົນໄກການປະສານງານຕິດຕາມຊຸກຍູ້ ແລະ ການແກ້ໄຂຜົນການກວດສອບ ໃຫ້ມີລະບອບແບບແຜນ ແລະ ວິທີການເຮັດວຽກລະຫວ່າງ ອົງການກວດສອບປະຈຳພາກ ກັບ ອົງການປົກຄອງທ້ອງຖິ່ນ (ເປົ້າໝາຍຖືກກວດສອບ) ລະຫວ່າງ ກົມວິຊາສະເພາະ ກັບບັນດາກະຊວງ, ອົງການ, ວິສາຫະກິດລັດ, ທະນາຄານ, ໂຄງການເງິນກູ້ຢືມ-ຊ່ວຍເຫລືອ ລະຫວ່າງ ກົມປະເມີນຄຸນນະພາບການກວດສອບ ກັບ ກົມວິຊາສະເພາະ ອົງການກວດສອບປະຈຳພາກ ໃຫ້ມີຄວາມຊັດເຈນໂລ່ງລ່ຽນ ຮັດກຸມ ແທດເໝາະກັບຕົວຈິງ ແລະ ຕັ້ງໜ້າແກ້ໄຂຜົນການກວດສອບ ຕາມກົດໝາຍ ແລະ ນິຕິກຳໃຕ້ກົດໝາຍ ທີ່ລັດໄດ້ວາງອອກໃຫ້ເຂັ້ມງວດ.

- 4 - ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ
- 5 - ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ
- 3 - ເນັ້ນໃຫ້ອົງການກວດສອບແຫ່ງລັດແກ້ໄຂຜົນການກວດສອບຢ່າງເຂັ້ມງວດ ແລະ ມີຈັນຍາບັນ-ຈັນຍາທຳ