ເຊີນຮ່ວມງານຕະຫລາດນັດ ວີກບາຊາ ໃນວັນທີ 11 ພະຈິກນີ້ຢູ່ ຄວສ

- 22471848 886406931518117 766985498 o - ເຊີນຮ່ວມງານຕະຫລາດນັດ ວີກບາຊາ ໃນວັນທີ 11 ພະຈິກນີ້ຢູ່ ຄວສ
- Untitled design - ເຊີນຮ່ວມງານຕະຫລາດນັດ ວີກບາຊາ ໃນວັນທີ 11 ພະຈິກນີ້ຢູ່ ຄວສ

ວັນ​ທີ 12 ຕຸລາ​ນີ້, ທ່າ​ນນາງ ຊາຣ່າ ຮາວ​ລີ (Sarah Howley) ປະທານ​ກຸ່ມ​ແມ່ຍິງ​ສາກົນ ​ແລະ ທ່ານ ສົມ​ສະ​ໜຸກ ມີ​ໄຊ ຮອງ​ປະທານ​ສະມາຄົມ​ນັກ​ຂ່າວ​ແຫ່ງ ສປປ ລາວ ​ໄດ້​ຖະ​ແຫລ​ງກ່ຽວ​ກັບ​ການ​ກະກຽມ​ເປີດ​ຕະຫລາດນັດ ວີກ​ບາ​ຊາ ( WIG Bazaar) ຕໍ່​ສື່​ມວນ​ຊົນວ່າ: ງານ​ດັ່ງກ່າວ ຈະ​​ໄຂ​ຂຶ້ນ​ໃນ​ວັນ​ທີ 11 ພະຈິກ​ນີ້ ທີ່ຄະນະ​ວິສະວະກຳ​ສາດ (ຄວສ) ບ້ານ​​ໂສກ​ປ່າ​ຫລວງ ນະຄອນຫລວງ​ວຽງ​ຈັນ ແຕ່​ເວລາ 10​:00-17:00 ​ໂມງ ​ໂດຍ​ເລີ່​ມ​ເປີດ​ໃຫ້​ຈັບຈອງ​ຫ້ອງ​ຂາຍ​ນັບ​ແຕ່​ວັນ​ທີ 16 ຕຸລາ​ນີ້​ເປັນ​ຕົ້ນ​ໄປ​ໃນລາຄາ​ ​800.000-1.600.000 ກີບ/ຫ້ອງ ​ເຊິ່ງ​ຮອງ​ຮັບ​ໄດ້​ຫລາຍ​ກວ່າ 200 ຫ້ອງ ​ແລະ ຄາດ​ວ່າ​ຈະ​ມີ​ຜູ້​ເຂົ້າ​ຮ່ວມ​ເປັນ​ຈຳນວນ​ຫລາຍ​.

ງານ​ດັ່ງກ່າວ​ຈັດ​ຂຶ້ນເພື່ອ​ຊ່ວຍ​ເຫລືອ​ສັງຄົມ ​ໂດຍ​ການນຳ​ເອົາ​ລາຍ​ຮັບ​ຈາກ​ການຈັດງານໄປ​ຮ່ວມ​ບໍລິຈາກ ​ແລະ ຊ່ວຍ​ເຫລືອ​ຜູ້​ທຸກ​ຍາກ​ຂາດ​ເຂີນ​ທີ່ຢູ່​​ເຂດຫ່າງ​ໄກ​ສອກຫລີກ ​ໂດຍ​ສະ​ເພາະປະກອບສ່ວນ​ເຂົ້າ​ໃນ​ວຽກ​ງານ​ການ​ສຶກສາ, ສາທາລະນະ​ສຸກ ​ແລະ ອື່ນໆ ​ເພື່ອ​ຊຸກຍູ້​ເຂົາ​ເຈົ້າ​ມີ​ຊີວິດ​ການ​ເປັນ​ຢູ່​ດີ​ຂຶ້ນ​ໃນ​ອະນາຄົດ. ນອກ​ນີ້ ຍັງ​ມີ​ກິດຈະກຳຈັບ​ສະຫລາກ​ເພື່ອ​ຮັບ​ລາງວັນ, ການສະ​ແດງ​ຈາກ​ກຸ່ມ​​ເດັກນ້ອຍ​ອາສາ​ສະ​ໝັກ, ການ​ຫລິ້ນ​ເກ​ມສຳລັບ​ໄວ​ໜຸ່ມ ​ແລະ ກິດຈະກຳ​ມ່ວນ​ຊື່ນ​ອື່ນໆ.

- Wave100S AD to Website 2020 0 - ເຊີນຮ່ວມງານຕະຫລາດນັດ ວີກບາຊາ ໃນວັນທີ 11 ພະຈິກນີ້ຢູ່ ຄວສ
- WhatsApp Image 2020 05 27 at 5 - ເຊີນຮ່ວມງານຕະຫລາດນັດ ວີກບາຊາ ໃນວັນທີ 11 ພະຈິກນີ້ຢູ່ ຄວສ
- WhatsApp Image 2020 05 27 at 5 - ເຊີນຮ່ວມງານຕະຫລາດນັດ ວີກບາຊາ ໃນວັນທີ 11 ພະຈິກນີ້ຢູ່ ຄວສ
error: Alert: ເນື້ອຫາຂ່າວມີລິຂະສິດ !!