ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ

- 920x920 - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ
- Untitled design - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ

- 104768458 GettyImages 842576600 - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ

ທ່ານ ​ເຊ​ບາສຕຽນ ຄູຣ ຫົວໜ້າ​ພັກ​ຂອງ​ປະຊາຊົນ (People’s Party) ຈະ​ໄດ້​ເຂົ້າຮັບ​ຕຳ​ແໜ່​ງນາຍົກລັດຖະມົນຕີຄົນ​ໃໝ່​ຂອງ​ໂອ​ຕຣິດຢ່າງ​ແນ່ນອນ​ແລ້ວ ​ເມື່ອ​ຜົນ​ການ​ນັບ​ຄະ​ແນນ​ສຽງ​ຫລ້າ​ສຸດ​ໃນ​ການ​ເລືອກ​ຕັ້ງທົ່ວ​ໄປ​ຊີ້​ວ່າ: ພັກ​ຂອງ​ທ່ານ​ມີ​ຄະ​ແນນ​ນຳ​ກວ່າ 31% ​ເຊິ່ງຈະ​ເຮັດ​ໃຫ້​ສາມາດ​ຈັດຕັ້ງລັດຖະບານ​ປະສົມ​ຮ່ວມ​ກັບ​ພັກ​ທີ່​ມີ​ຄະ​ແນນ​ຮອງ​ລົງ​ມາ​ໄດ້.

ທ່ານ ຄູຣ ມີ​ອາຍຸ​ພຽງ 31 ປີ ​ເຮັດ​ໃຫ້​ທ່ານ​ກາຍ​ເປັນ​ວ່າ​ທີ່​ຜູ້ນຳ​ປະ​ເທດ​ທີ່​ມີ​ອາຍຸ​ນ້ອຍ​ທີ່​ສຸດ​ໃນ​ໂລກ. ​ແຕ່​ຢ່າງ​ໃດ​ກໍ​ຕາມ, ການ​ນັບ​ຄະ​ແນນ​ທີ່​ຍັງ​ບໍ່​ສຳ​ເລັດ​ສົມບູນ​ຢ່າງ​ເປັນ​ທາງການ ​ເຮັດ​ໃຫ້​ຍັງ​ບໍ່​ຮູ້​ແນ່ນອນ​ວ່າ: ພັກ​ທີ່​ມີ​ຄະ​ແນນ​ສຽງ​ມາ​ເປັນອັນ​ດັບ​ສອງ​ຈະ​ໄດ້​ແກ່ ພັກ​ປະຊາທິປະ​ໄຕ​ສັງຄົມ (Social Democrats) ຫລື ພັກ​ອິສະຫລະ​ພາບ (Freedom Party), ​ແຕ່​ຫລາຍ​ຝ່າຍ​ຄາດ​ຄະ​ເນ​ວ່າ: ທ່ານ ຄູຣ ຈະ​ຈັດຕັ້ງລັດຖະບານ​ຮ່ວມ​ກັບ​ພັກ​ອິດສະຫລະພາບ ​ເຊິ່ງ​ເປັນ​ພັກ​ຂວາ​ຈັດ​ທີ່​ມີ​ນະ​ໂຍບາຍ​ຕໍ່ຕ້ານ​ຜູ້​ອົບ​ພະຍົບ​ເຊັ່ນ​ດຽວ​ກັນ.

 

- 98320769 3711b07c cbe4 4ef7 9bb0 ded627006a0e - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ

ກ່ອນ​ໜ້າ​ນີ້, ທ່ານ ຄູຣ ​ເປັນ​ນັກ​ການ​ເມືອງ​ໜຸ່ມ​ທີ່​ກ້າວ​ຂຶ້ນສູ່​ຕຳ​ແໜ່​ງຫົວໜ້າ​ພັກ​ຂອງ​ປະຊາຊົນ ​ໂດຍ​ການ​ປະຕິ​ຮູບ​ພາບ​ພົດ​ຂອງ​ພັກ​ແນວ​ອະນຸລັກ​ນິຍົມ​ໃໝ່, ທ່ານ​ເລີ່​ມ​ເຂົ້າຮ່ວມ​ງານ​ກັບ​ລັດຖະບານ​ໃນ​ປີ 2011 ​ແລະ ດຳລົງ​ຕຳ​ແໜ່​ງລັດຖະມົນຕີ​ຕ່າງປະ​ເທດ​ມາ​ແຕ່​ປີ 2013 ຕອນ​ອາຍຸ​ພຽງ 27 ປີ. ການ​ທີ່​ທ່ານ​ເປັນ​ຄົນ​ຮຸ່ນ​ໃໝ່​ທີ່​ມີ​ຄວາມ​ສາມາດ ​ເຮັດ​ໃຫ້​ໄດ້​ຮັບ​ຄະ​ແນນ​ນິຍົມ​ເພີ່ມ​ຂຶ້ນ​ເລື້ອຍໆ ຈົນ​ໄດ້​ຮັບ​ສາຍາ​ວ່າ: “ໜຸ່ມ​ນ້ອຍ​ມະຫັດສະຈັນ” (ມາ​ຈາກ​ຄຳ​ວ່າ: Wonderwuzzi ​ເຊິ່ງ​ແປ​ຕາມ​ຕົວ​ວ່າ: ຄົນ​ທີ່​ສາມາດ​ຍ່າງ​ເທິງ​ນ້ຳ​ໄດ້). ຫລາຍ​ຄົນ​​ເອົາ​ທ່ານ​ໄປ​ປຽບທຽບ​ກັບ​ທ່ານ ​ເອັມມາ​ນູ​ເອລ ມາກຣົງ ປະທານາທິບໍດີ​ຝຣັ່ງ ​ແລະ ທ່ານ ຈັສຕິນ ທຣູ​ໂດ ນາຍົກລັດຖະມົນຕີການາດາ ​ເຊິ່ງລ້ວນ​ແລ້ວ​ແຕ່​ເປັນ​ຄົນ​ໜຸ່ມ​.

- Wave100S AD to Website 2020 0 - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ

- TELEMMGLPICT000143717599 trans NvBQzQNjv4BqpVlberWd9EgFPZtcLiMQfyf2A9a6I9YchsjMeADBa08 - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ

ທ່ານ ຄູຣ ​ໃຫ້​ຄຳ​ໝັ້ນລະຫວ່າງ​ການ​ຫາ​ສຽງ​ເລືອກ​ຕັ້ງວ່າ: ຈະ​ປິດ​ເສັ້ນທາງ​ການ​ອົບ​ພະຍົບ​ເຂົ້າ​ເອີຣົບ, ຈຳກັດ​ເງິນ​ຊ່ວຍ​ເຫລືອ​ທີ່​ລັດຖະບານ​ມອບ​ແກ່​ຜູ້​ລີ້​ໄພ ລວມທັງ​ຈະ​ບໍ່​ໃຫ້​ຜູ້​ອົບ​ພະຍົບຮັບ​ສະຫວັດດີ​ການ​ຂອງ​ລັດ​ຈົນ​ກວ່າ​ຈະ​ອາ​ໄສ​ຢູ່​ໂອ​ຕຣິດຄົບ 5 ປີ.

- WhatsApp Image 2020 05 27 at 5 - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ
- WhatsApp Image 2020 05 27 at 5 - ວ່າທີ່ຜູ້ນຳໂອຕຣິດຄົນໃໝ່ ເປັນຜູ້ນຳອາຍຸນ້ອຍທີ່ສຸດໃນໂລກ
error: Alert: ເນື້ອຫາຂ່າວມີລິຂະສິດ !!