ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2

- 11 e1715312818668 - ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2
- kitchen vibe - ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2

ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ໃນການແຂ່ງຂັນກິລາດອກປີກໄກ່ ງານມະຫາກຳກິລາມະຫາວິທະຍາໄລລາວ ຄັ້ງທີ 2 ທີ່ມະຫາວິທະຍາໄລແຫ່ງຊາດ ເປັນເຈົ້າພາບ ຊຶ່ງ ສະຖາບັນລາວ-ອາເມລິກາ ໄດ້ 2 ຫຼຽນຄໍາ ຈາກລາຍການດ່ຽວຍິງ ນາງ ທິດາຈັນ ສີປະເສີດ ແລະ ລາຍການຄູ່ປະສົມ ທ້າວ ນາມບຸນ ຫຼວງອາມາດ ແລະ ນາງ ທິດາຈັນ ສີປະເສີດ. ສ່ວນສະຖາບັນການທະນາຄານ ໄດ້ 2 ຫຼຽນຄໍາ ຈາກລາຍການດ່ຽວຊາຍ ທ້າວ ພອນສັກ ໂຊກທະວີ ແລະ ລາຍການຄູ່ຊາຍ ທ້າວ ດາວມີໄຊ ວໍລະສິງ ແລະ ທ້າວ ພອນສັກ ໂຊກທະວີ.

ໃນວັນທີ 9 ພຶດສະພາ 2024 ທີ່ເດີ່ນດອກປີກໄກ່ ເອທີ ສະປອດ ບ້ານໜອງວຽງຄຳ ເມືອງໄຊທານີ ນະຄອນຫຼວງວຽງຈັນ ໄດ້ມີພິທີມອບຫຼຽນກິລາດອກປີກໄກ່ ງານມະຫາກຳກິລາມະຫາວິທະຍາໄລລາວ ຄັ້ງທີ 2 ທີ່ມະຫາວິທະຍາໄລແຫ່ງຊາດ ຮັບກຽດເປັນເຈົ້າພາບ ຈັດການລະຫວ່າງວັນທີ 6-9 ພຶດສະພາ 2024 ໃຫ້ກຽດເຂົ້າຮ່ວມຊົມ ແລະ ມອບຫຼຽນໂດຍ ທ່ານ ດຣ ສົມໃຈ ລາດຊະວົງ ຮອງອະທິການບໍດີ ມະຫາວິທະຍາໄລວິທະຍາສາດສຸຂະພາບ, ຮອງປະທານຈັດງານມະຫາກໍາກິລາມະຫາວິທະຍາໄລລາວ ຄັ້ງທີ 2, ທ່ານ ປອ ໄຊບັນດິດ ຣາຊະພົນ ເລຂາທິການສະຫະພັນກິລາດອກປີກໄກ່ແຫ່ງຊາດ, ທ່ານ ຮສ.ປອ ວົງປະສິດ ຈັນທະຄຸນ ຮອງອະທິການບໍດີ ມະຫາວະທະຍາໄລສຸພານຸວົງ, ທ່ານ ອໍາພາ ທຸມມາລາ ຫົວໜ້າພະແນກຄຸ້ມຄອງນັກສຶກສາ ສະຖາບັນການທະນາຄານ ແລະ ທ່ານ ວົງສະທິດ ສຸວໍລະວົງ ຜູ້ອໍານວຍການສະຖາບັນລາວ-ອາເມລິກາ ພ້ອມດ້ວຍຄະນະຈັດການແຂ່ງຂັນ, ຄູຝຶກ ແລະ ນັກກິລາແຕ່ລະພາກສ່ວນ ຕະຫຼອດຮອດກອງເຊຍເຂົ້າຮ່ວມ.

- Visit Laos Visit SALANA BOUTIQUE HOTEL - ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2

ການແຂ່ງຂັນກິລາດອກປີກໄກ່ ໃນງານມະຫາກຳກິລາມະຫາວິທະຍາໄລລາວ ຄັ້ງທີ 2 ທີ່ມະຫາວິທະຍາໄລແຫ່ງຊາດ ຮັບກຽດເປັນເຈົ້າພາບ ມີການຊີງໄຊທັງໝົດ 5 ຫຼຽນຄຳ ປະກອບອມີ ລາຍການດ່ຽວຊາຍ, ຄູ່ຊາຍ, ດ່ຽວຍິງ, ຄູ່ຍິງ ແລະ ທີມປະສົມ ໂດຍມີນັກກິລາຈາກ 9 ພາກສ່ວນເຂົ້າຮ່ວມ ຄື: ມະຫາວິທະຍາໄລແຫ່ງຊາດ ເຈົ້າພາບ, ມະຫາວິທະຍາໄລສຸພານຸວົງ, ມະຫາວິທະຍາໄລວິທະຍາສາດສຸຂະພາບ, ສະຖາບັນເຕັກໂນໂລຊີສຸດສະກະ, ສະຖາບັນການທະນາຄານ, ສະຖາບັນຍຸຕິທຳແຫ່ງຊາດ, ສະຖາບັນຣັຕນະບໍລິຫານທຸລະກິດ ແລະ ສະຖາບັນລາວ-ອາເມລິກາ.

ຜ່ານການແຂ່ງຂັນເປັນເວລາ 4 ວັນດັ່ງກ່າວ ຜົນປະກົດວ່າ: ລາຍການດ່ຽວຍິງ ຫຼຽນຄໍາ ໄດ້ແກ່ ນາງ ທິດາຈັນ ສີປະເສີດ ຈາກສະຖາບັນລາວ-ອາເມລິກາ, ຫຼຽນເງິນ ນາງ ວິລະກອນ ກົມມະນີວັນ ຈາກມະຫາວິທະຍາໄລວິທະຍາສາດສຸຂະພາບ ແລະ ຫຼຽນທອງຮ່ວມ ນາງ ສົມສະໜິດ ຈັນສະຫວັນ ຈາກມະຫາວິທະຍາໄລວິທະຍາສາດສຸຂະພາບ ແລະ ນາງ ທິບພາວັນ ມູນໂພໄຊ ຈາກມະຫາວິທະຍາໄລແຫ່ງຊາດ.

ລາຍການດ່ຽວຊາຍ ຫຼຽນຄໍາ ໄດ້ແກ່ ທ້າວ ພອນສັກ ໂຊກທະວີ ຈາກສະຖາບັນການທະນາຄານ, ຫຼຽນເງິນ ແມ່ນທ້າວ ໄຊຍະລາດ ສຸກສະຫວັນ ຈາກວິທະຍາໄລວິທະຍາສາດສຸຂະພາບ ແລະ ຫຼຽນທອງຮ່ວມ ແມ່ນທ້າວ ທາວັນ ຈິດຖາວອນ ຈາກສະຖາບັນລາວ-ອາເມລິກາ ແລະ ທ້າວ ຄໍາຫຼ້າ ເຊີນ ຈາກມະຫາວິທະຍາໄລສຸພານຸວົງ.

ລາຍການຄູ່ຍິງ ຫຼຽນຄໍາ ໄດ້ແກ່ ນາງ ພຸດທິດາ ມະນີວັນ ແລະ ນາງ ແສງມະນີ ພົມມະຈັນ ຈາກມະຫາວິທະຍາໄລສຸພານຸວົງ, ຫຼຽນເງິນ ແມ່ນນາງ ໝິວນິຕາ ພົມພອນສີ ແລະ ນາງ ທິດສະກີ ສອນດາວົງ ຈາກສະຖາບັນຣັຕນະບໍລິຫານທຸລະກິດ ແລະ ຫຼຽນທອງຮ່ວມ ແມ່ນນາງ ຕາດໍາ ບຸດດາຄໍາ ແລະ ນາງ ວິໄລພອນ ສິລິປັນໂຍ ຈາກມະຫາວິທະຍາໄລແຫ່ງຊາດ ແລະ ນາງ ປາລິສາ ທຸມມະວົງສາ ແລະ ນາງ ສົມສະໜິດ ຈັນສະຫວັນ ຈາກມະຫາວິທະຍາໄລວິທະຍາສາດສຸຂະພາບ.

ລາຍການຄູ່ຊາຍ ຫຼຽນຄໍາ ໄດ້ແກ່ ທ້າວ ດາວມີໄຊ ວໍລະສິງ ແລະ ທ້າວ ພອນສັກ ໂຊກທະວີ ສະຖາບັນການທະນາຄານ, ຫຼຽນເງິນ ແມ່ນທ້າວ ສົມສຸກ ພັນທະວົງ ແລະ ທ້າວ ວິທະຍາ ມະວົງສາ ຈາກສະຖາບັນລາວ-ອາເມລິກາ ແລະ ຫຼຽນທອງຮ່ວມ ແມ່ນທ້າວ ມານັດ ເພຍສຸລິນ ແລະ ທ້າວ ໄຊຍະລາດ ສຸກສະຫວັດ ຈາກມະຫາວິທະຍາໄລວິທະຍາສາດສຸຂະພາບ ແລະ ທ້າວ ປາສິດ ສະຫວີວັນ ແລະ ທ້າວ ສາຍຟ້າ ສິຣິວົງ ຈາກມະຫາວິທະຍາໄລສຸພານຸວົງ.

ລາຍການຄູ່ປະສົມ ຫຼຽນຄໍາ ໄດ້ແກ່ ທ້າວ ນາມບຸນ ຫຼວງອາມາດ ແລະ ນາງ ທິດາຈັນ ສີປະເສີດ ຈາກສະຖາບັນລາວ-ອາເມລິກາ, ຫຼຽນເງິນ ແມ່ນທ້າວ ມານັດ ເພຍສຸລິນ ແລະ ນາງ ວິລະກອນ ກົມມະນີວັນ ຈາກມະຫາວິທະຍາໄລວິທະຍາສາດສຸຂະພາບ ແລະ ຫຼຽນທອງ ຮ່ວມ ແມ່ນ ທ້າວ ປາສິດ ສະຫວີວັນ ແລະ ນາງ ແສງມະນີ ພົມມະຈັນ ຈາກມະຫາວິທະຍາໄລສຸພານຸວົງ ແລະ ທ້າວ ແສງປະເສີດ ສົມບູນ ແລະ ນາງ ທິບພາວັນ ມູນໂພໄຊ ຈາກມະຫາວິທະຍາໄລແຫ່ງຊາດ.

ຂ່າວ: ກມລ2

- 3 - ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2
- 5 - ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2
- 4 - ສະຖາບັນລາວ-ອາເມລິກາ ແລະ ສະຖາບັນການທະນາຄານ ຄອງເຈົ້າຫຼຽນຄໍາຮ່ວມ ກິລາດອກປີກໄກ່ ງານມະຫາວິທະຍາໄລລາວ ເກມ ຄັ້ງທີ 2