8 ພຶດຕິກຳບົ່ງບອກວ່າເຂົາຍັງບໍ່ພ້ອມທີ່ຈະແຕ່ງດອງ
ເມື່ອໄດ້ຍິນໃຜຖາມວ່າ ປານໃດຈະແຕ່ງດອງ ? ເຊື່ອວ່າເປັນຄຳຖາມແທງໃຈບັນດາແມ່ຍິງຫລາຍຄົນ ທີ່ສຳຄັນແຟນຍັງບໍ່ມີທ່າທາງວ່າຈະມາສູ່ຂໍຈັກເທື່ອ ກ່ອນຈະໄປເລັ່ງ ຫລື ກົດດັນເຂົາ ມາກວດເບິ່ງຄວາມຮັກຂອງທ່ານກ່ອນວ່າເຂົາຍັງບໍ່ພ້ອມທີ່ຈະແຕ່ງດອງກັບທ່ານຍ້ອນສາເຫດໃດ ?
- ເຂົາບໍ່ສື່ສານ : ການສື່ສານເປັນສິ່ງສຳຄັນ ບໍ່ວ່າເຂົາຈະໄປເຮັດຫຍັງ, ຢູ່ໃສ ກໍຄວນບອກໃຫ້ທ່ານຮັບຮູ້ແດ່ ມັນບໍ່ແມ່ນເລື່ອງແປກຂອງຄົນຮັກກັນ ຢ່າງໜ້ອຍທີ່ສຸດຫາກເຂົາກັບເຮືອນບໍ່ກົງເວລາກໍໜ້າຈະບອກທ່ານຈັກໜ້ອຍ ເພື່ອບໍ່ໃຫ້ທ່ານກັງວົນ ຫລື ລໍຖ້າກິນເຂົ້າແລງພ້ອມກັນ.
- ບໍ່ມີແຜນສຳລັບອະນາຄົດ : ເປັນເລື່ອງແປກຫາກເຂົາບໍ່ເຄີຍເວົ້າເຖິງແຜນການໃນອະນາຄົດເລີຍ ເຊັ່ນ : ວາງແຜນແຕ່ງດອງ, ມີລູກ ຫລື ການທ້ອນເງິນຮ່ວມກັນ ຫລື ແຜນການອື່ນໆໃນໄລຍະຍາວ ນັ້ນໝາຍເຖິງວ່າຕອນນີ້ທ່ານເອງຍັງບໍ່ຢູ່ໃນແຜນຂອງເຂົາເລີຍ ເຊິ່ງເຂົາອາດຕ້ອງການຄວາມໝັ້ນຄົງໃນໜ້າທີ່ວຽກງານກ່ອນ ແລ້ວຈຶ່ງຄ່ອຍຄິດເລື່ອງແຕ່ງດອງກໍເປັນໄປ ໄດ້.
- ເຂົາຍັງສັບສົນໃນເລື່ອງໜ້າທີ່ວຽກງານຂອງຕົນເອງ : ຫາກເຂົາຍັງຍົກຍ້າຍວຽກຢູ່ເລື້ອຍໆ ຫລື ຍັງບໍ່ຮູ້ວ່າໂຕເອງມັກຫຍັງແທ້ ຍິ່ງເປັນສິ່ງທີ່ສະແດງໃຫ້ເຫັນວ່າເຂົາຍັງບໍ່ພ້ອມຈະແຕ່ງດອງແມ່ນແຕ່ໜ້ອຍດຽວ ເພາະແມ່ນແຕ່ໂຕເຂົາເອງຍັງເອົາໂຕບໍ່ລອດເລີຍ ແລ້ວຈະມາເບິ່ງແຍງດູແລທ່ານໄດ້ແນວໃດ ແມ່ຍິງທັງຫລາຍກໍຢ່າຟ້າວນ້ອຍໃຈ ໃຫ້ເວລາເຂົາອີກຈັກໜ້ອຍເພື່ອອະນາຄົດທີ່ໝັ້ນຄົງຂອງທ່ານທັງສອງ.
4. ບໍ່ຄ່ອຍໃຊ້ເວລາຮ່ວມກັນ : ດົນໆທີ່ເຂົາຈະວ່າງໄປໃສມາໃສກັບທ່ານຈັກເທື່ອ ນັ້ນກໍອາດເປັນຍ້ອນວ່າໜ້າທີ່ວຽກງານທີ່ຮັດໂຕ ຫລື ເຂົາມີພາລະດ້ານອື່ນໆທີ່ຕ້ອງເບິ່ງແຍງດູແລແບບນີ້ເຂົາກໍຕ້ອງຈັດການໂຕເອງໃຫ້ຮຽບຮ້ອຍສາກ່ອນ ເພາະຢ່າວ່າແຕ່ຈະຄິດເລື່ອງແຕ່ງດອງເລີຍ ພຽງແຕ່ມີເວລາໃຫ້ທ່ານຍັງຍາກແລ້ວ.
- ເຂົາຢ້ານການຜູກມັດ : ຜູ້ຊາຍບາງຄົນທີ່ບໍ່ຍອມສະຫລະໂສດຈັກເທື່ອ ກໍເປັນຍ້ອນເຂົາຍ້ານການຜູກມັດ, ຢ້ານຄວາມເປັນ ສ່ວນໂຕຫາຍໄປ, ຢ້ານໄປສາລະພັດວ່າເຂົາຈະບໍ່ສາມາດໃຊ້ຊີວິດແບບເກົ່າໆໄດ້ ຍ້ອນສິ່ງນັ້ນອາດກະທົບຕໍ່ຄວາມຮູ້ສຶກຂອງທ່ານ ໂດຍສະເພາະຫາກທ່ານມັກຈະເຮັດໂຕຕິດເຂົາຕະຫລອດເວລາ ຄົງເປັນເລື່ອງຍາກຫລາຍທີ່ເຂົາຈະຖິ້ມສັງຄົມເກົ່າໆຂອງໂຕເອງ ເພື່ອມາໃຊ້ຊີວິດຢູ່ກັບທ່ານ.
- ເຂົາບໍ່ມັກວາງແຜນ : ຫາກວ່າເຂົາມັກຈະເຮັດຫຍັງ ຫລື ຕັດສິນໃຈຫຍັງແບບບໍ່ມີການວາງແຜນໃດໆ ກໍເປັນອີກພຶດຕິກຳທີ່ບົ່ງບອກວ່າເຂົາຍັງບໍ່ພ້ອມຈະແຕ່ງດອງກັບທ່ານແບບສຸດໆ ເພາະຂະໜາດຊີວິດເຂົາເອງຍັງບໍ່ຮູ້ຈັກຈັດການໃຫ້ເປັນລະບົບລະບຽບ ຫາກມີທ່ານເຂົ້າໄປຢູ່ໃນຊີວິດອີກຄົນກໍເປັນເລື່ອງຫຍຸ້ງແນ່ນອນ ແລະ ເປັນໄປໄດ້ວ່າເຂົາຮັກອິດສະຫລະທີ່ຈະເຮັດຫຍັງ ຫລື ໄປໃສມາໃສແບບຕາມໃຈຕົນເອງ ໂດຍບໍ່ຕ້ອງກັງວົນວ່າໃຜຈະເປັນຫ່ວງ ຫລື ຄິດແນວໃດກໍເປັນໄດ້.
- ເຂົາຍັງໃຫ້ຄວາມສົນໃຈກັບເລື່ອງອື່ນຫລາຍກ່ວາທ່ານ : ຫລາຍເທື່ອທີ່ເຂົາຕ້ອງຜິດນັດກັບທ່ານ ຫລື ບໍ່ຄ່ອຍມີເວລາວ່າງໃຫ້ທ່ານ ເພາະເຂົາມັກສົນໃຈໃນສິິ່ງທີ່ຕົນເອງມັກ ເຊັ່ນ : ການອອກໄປທ່ຽວປ່າກັບໝູ່, ການແຕ່ງລົດ ຫລື ຫາກວ່າເຂົາເປັນຄົນຮັກສັດ ແຕ່ທ່ານກໍແພ້ຂົນສັດ ແບບຢູ່ຮ່ວມຫລັງຄາດຽວກັນບໍ່ໄດ້ ກໍຈະເປັນເລື່ອງຍາກທີ່ເຂົາຈະຍອມສະຫລະຫ່າງຈາກສັດລ້ຽງຂອງເຂົາເພື່ອມາຢູ່ກັບທ່ານ.
8. ເຂົາຕິດສານເສບຕິດ, ອານກໍຮໍ ຫລື ການພະນັນ : ຂະໜາດໂຕເອງຍັງບໍ່ຮັກ ແລ້ວຈະມາຮັກທ່ານໄດ້ແນວໃດ ຫາກເຂົາມີພຶດຕິກຳແບບນີ້ສະແດງວ່າເຂົາຍັງຮັກຄວາມຫລິ້ນຄວາມມ່ວນໄປວັນໆ ແລະ ບໍ່ໃຫ້ຄວາມສຳຄັນກັບການວາງແຜນເລື່ອງການຈັດການເງິນຄຳ ຫລາຍໄປກ່ວານັ້ນ ຫາກເຂົາມາຂໍຢືມເງິນທ່ານເພື່ອໄປໃຊ້ໜີ້ ຫລື ເຫດຜົນໃດໆກໍຕາມທີ່ອ້າງເພື່ອໃຫ້ທ່ານສົງສານແລ້ວ ນອກຈາກເຂົາຍັງບໍ່ຄິດຈະແຕ່ງດອງກັບທ່ານແລ້ວ ເຂົາອາດເຫັນທ່ານເປັນບໍ່ເງິນບໍ່ຄຳຂອງເຂົາກໍເປັນໄດ້ ຈື່ໄວ້ວ່າຖ້າເຂົາຮັກທ່ານແທ້ຈິງ ເຂົາຈະບໍ່ເຮັດໃຫ້ທ່ານຜິດຫວັງ ຫລື ເສຍໃຈກັບເລື່ອງແບບນີ້ເລີຍ.
