ຊົມເຊີຍກະຊວງສາທາເຫັນໄດ້ຄວາມສຳຄັນຂອງການ ປັບປຸງຄຸນນະພາບການບໍລິການຂອງແພດໝໍ

- eatdrinklaos interplast laos 2017 waiting room - ຊົມເຊີຍກະຊວງສາທາເຫັນໄດ້ຄວາມສຳຄັນຂອງການ ປັບປຸງຄຸນນະພາບການບໍລິການຂອງແພດໝໍ
- Untitled design - ຊົມເຊີຍກະຊວງສາທາເຫັນໄດ້ຄວາມສຳຄັນຂອງການ ປັບປຸງຄຸນນະພາບການບໍລິການຂອງແພດໝໍ

ໂດຍ: ທ່ຽງ​ທຳ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ​ທັງຫລາຍ, ​ເປັນ​ເວລາ​ດົນ​ນານ​ມາ​ແລ້ວ ​ໄປ​ໃສ​ມາ​ໃສ​ກໍ​ໄດ້​ຍິນ​ແຕ່​ຄົນ​ຈົ່ມ​ຄົນ​ເວົ້າ​ເຖິງ​ການ​ບໍລິການ​ປິ່ນປົວ​ຂອງ​ສາທາລະນະ​ສຸກ​ເຮົາ​ມີ​ຄຸນ​ນະພາ​ບໜ້ອຍ, ຈັນ​ຍາ​ບັນ, ຈັນຍາທຳ​ຂອງ​ແພດ​ໝໍ​ກໍ​ບໍ່​ຄ່ອຍ​ດີ​ປານ​ໃດ ຈົນ​ມີ​ຄຳ​ກ່າວ​ຂານ​ກັນ​ວ່າ: “ຜູ້​ຮັ່ງ​ບໍ່​ໄດ້​ເຂົ້າຄຸກ – ຜູ້​ທຸກ​ບໍ່​ໄດ້​ເຂົ້າ​ໂຮງໝໍ” ບາງທີ​ກໍ​ອາດ​ຈະ​ຖືກ ​ເພາະ​ມີ​ຫລາຍ​ປາກົດການ​ໄດ້​ສ່ອງ​ແສງ​ໃຫ້​ເຫັນ​ຈາກ​ຊອງ​ນ້ຳ​ໃຈ, ຖ້າ​ຜູ້​ອ່າວ​ມີ​ແດ່​ກໍ​ຈະ​ໄດ້​ຮັບ​ການ​ປິ່ນປົວ​ເບິ່ງ​ແຍງ​ດີກ​ວ່າ ​ໂດຍ​ສະ​ເພາະ​ແມ່ນ​ຂອດ​ການຜ່າຕັດ, ​ໃນ​ລະຫວ່າງ​ຄວາມ​ເປັນຄວາມ​ຕາຍ ຈຳ​ເປັນ​ຝ່າຍ​ຜູ້​ປ່ວຍ​ກໍ​ຈະ​ຕ້ອງ​ໄດ້​ເຂາະຂອດ​ເພື່ອ​ຄວາມ​ຢູ່​ລອດ ຈົນ​ບາງ​ຄົນ​ຜູ້​ມີ​ຖານະ​ແດ່ ​ເພິ່ນ​ກໍ​ເລີຍ​ຂ້າມ​ຂອງ​ໄປ​ໃຊ້​ບໍລິການ​ຂອງ​ແພດ​ໝໍ​ຢູ່​ຕ່າງປະ​ເທດ ​ເພື່ອ​ຄວາມ​ສະບາຍ​ໃຈ… ​ເອົາລະ ! ​ເວົ້າມາ​ກໍ​ຫລາຍ ​ແຕ່​ໃນ​ເທື່ອ​ນີ້​ກໍ​ຂໍ​ຊົມ​ເຊີຍ​ຂະ​ແໜງ​ສາທາລະນະ​ສຸກ​ເຮົາ​​ໄດ້​ມີ​ຄວາມ​ຕັດສິນ​ໃຈ​ສູງ​ຈະ​ເລັ່ງປັບປຸງ​ຄຸນ​ນະພາ​ບການ​ບໍລິການ​ປິ່ນປົວ​ສຸຂະພາບ​ຂອງ​ຕົນ​ໃຫ້​ດີ​ຂຶ້ນ ​ແລະ ​ໄດ້​ຮັບ​ຄວາມ​ໄວ້​ເນື້ອ​ເຊື່ອ​ໃຈ​ຈາກ​ສັງຄົມ. ດັ່ງ​ຄຳ​ຊີ້​ແຈງ​ຂອງ​ທ່ານ​ລັດຖະມົນຕີ​ກະຊວງ​ດັ່ງກ່າວ ທີ່​ມີ​ຕໍ່​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ IV ຂອງ​ສະພາ​ແຫ່ງ​ຊາດ​ຊຸດ​ທີ VIII ທີ່​ພວມ​ດຳ​ເນີນ​ຢູ່​ໃນ​ປັດຈຸບັນ​ນີ້​ວ່າ: ​ໂດຍ​ຈະ​ຖື​ເອົາ​ນະ​ໂຍບາຍ 5 ດີ ​ແລະ 1 ພ​ໍ​ໃຈ ​ເປັນ​ຂໍ້​ແຂ່ງຂັນ​ຮັກ​ຊາດ ​ແລະ ພັດທະນາ ​ເພື່ອ​ກ້າວ​ສູ່​ຄຸນ​ນະພາ​ບການ​ບໍລິການ-ປິ່ນປົວ​ສຸຂະພາບ​ຂອງ​ປະຊາຊົນ​ໃຫ້​ດີ​ຂຶ້ນກວ່າ​ເກົ່າ​ຄື: 1. ການ​ຕ້ອນຮັບ​ດີ, 2. ຄວາມ​ສະອາດ​ດີ, 3. ຄວາມ​ສະດວກ​ດີ, 4. ການ​ບົ່ງມະຕິ​ພະຍາດ​ຊັດ​ເຈນ​ດີ ​ແລະ 5. ການ​ປິ່ນປົວ​ດີ​ໄວ, ສ່ວນ​ 1 ພໍ​ໃຈ ​ແມ່ນ​ເຮັດ​ໃຫ້​ຄົນ​ເຈັບ​ມີ​ຄວາມ​ເພິ່ງ​ພໍ​ໃຈ ​ແລະ ພ້ອມ​ນັ້ນ ກໍ​ຈະ​ໄດ້​ເລັ່ງ​ເຝິກອົບຮົມ​ດ້ານ​ວິຊາ​ການ​ໃຫ້​ພະນັກງານ​ແພດ​ໝໍ​ລະດັບ​ຕ່າງໆ​ມີ​ຄວາມ​ຊຳນານ​ງານ, ມີ​ຈັນ​ຍາ​ບັນ, ຈັນຍາທຳ​ການ​ແພດ ​ແລະ ຮູ້​ຮັບ​ເອົາ​ການ​ຕຳ​ໜິສົ່ງ​ຂ່າວ​ຂອງ​ສັງຄົມ​ມາ​ປັບປຸງ​ໜ້າ​ທີ່​ວຽກ​ງານ​ຂອງ​ຕົນ​ໃຫ້​ດີ​ຂຶ້ນ ​ແລະ ມັນ​ກໍ​ເຖິງ​ເວລາ​ແລ້ວ​ທີ່​ຂະ​ແໜງ​ການ​ດັ່ງກ່າວ​ຈະ​ຕ້ອງ​ໄດ້​ປັບປຸງ​ຕົນ​ເອງ ​ເພື່ອ​ສາມາດ​ເຊື່ອມ​ໂຍງ​ເຂົ້າກັບ​ຂົງ​ເຂດ ​ແລະ ພາກພື້ນ​ເທື່ອ​ລະ​ກ້າວ ກໍ​ເໝືອນ​ດັ່ງ​ຂະ​ແໜງ​ການ​ອື່ນໆ.

- Wave100S AD to Website 2020 0 - ຊົມເຊີຍກະຊວງສາທາເຫັນໄດ້ຄວາມສຳຄັນຂອງການ ປັບປຸງຄຸນນະພາບການບໍລິການຂອງແພດໝໍ
- WhatsApp Image 2020 05 27 at 5 - ຊົມເຊີຍກະຊວງສາທາເຫັນໄດ້ຄວາມສຳຄັນຂອງການ ປັບປຸງຄຸນນະພາບການບໍລິການຂອງແພດໝໍ
- WhatsApp Image 2020 05 27 at 5 - ຊົມເຊີຍກະຊວງສາທາເຫັນໄດ້ຄວາມສຳຄັນຂອງການ ປັບປຸງຄຸນນະພາບການບໍລິການຂອງແພດໝໍ
error: Alert: ເນື້ອຫາຂ່າວມີລິຂະສິດ !!