ພັກແຮງງານອັງກິດຊະນະການເລືອກຕັ້ງທົ່ວໄປ

ພັກແຮງງານອັງກິດຊະນະການເລືອກຕັ້ງທົ່ວໄປ - 111 2 - ພັກແຮງງານອັງກິດຊະນະການເລືອກຕັ້ງທົ່ວໄປ
ພັກແຮງງານອັງກິດຊະນະການເລືອກຕັ້ງທົ່ວໄປ - kitchen vibe - ພັກແຮງງານອັງກິດຊະນະການເລືອກຕັ້ງທົ່ວໄປ

     ອັງກິດກຽມມີນາຍົກລັດຖະມົນຕີຈາກພັກແຮງງານ ຄົນທໍາອິດນັບແຕ່ປີ 2010. ຂະນະທີ່ພັກອະນຸລັກນິຍົມຍອມຮັບ “ຄວາມປະລາໄຊຄັ້ງປະຫວັດສາດ”.

     ວັນທີ 5 ກໍລະກົດ, ສໍານັກຂ່າວຕ່າງປະເທດລາຍງານວ່າ: ທ່ານ ເຊີເຄຍຍ ສຕາຣເມີ ຜູ້ນໍາຝ່າຍຄ້ານຈາກພັກແຮງງານ ກ່າວວ່າ: ຜົນການເລືອກຕັ້ງທົ່ວໄປທີ່ອອກມາ ເຊິ່ງພັກແຮງງານຢູ່ບົນເສັ້ນທາງໄດ້ຮັບໄຊຊະນະ “ຄືການເປີດສັກກະລາດໃໝ່” ແລະ ໃຫ້ຄຳໝັ້ນ “ຟື້ນຟູ ແລະ ປ່ຽນແປງບ້ານເມືອງໄປໃນທິດທາງໃໝ່” ຫລັງອັງກິດຢູ່ພາຍໃຕ້ການບໍລິຫານໂດຍພັກອະນຸລັກນິຍົມຕໍ່ເນື່ອງເຖິງ 14 ປີ.

ພັກແຮງງານອັງກິດຊະນະການເລືອກຕັ້ງທົ່ວໄປ - Visit Laos Visit SALANA BOUTIQUE HOTEL - ພັກແຮງງານອັງກິດຊະນະການເລືອກຕັ້ງທົ່ວໄປ

      ຂະນະທີ່ນາຍົກລັດຖະມົນຕີ ຣິຊີ ຊູແນັກ ຜູ້ນໍາອັງກິດຈາກພັກອະນຸລັກນິຍົມ ກ່າວວ່າ: ພັກແຮງງານຊະນະການເລືອກຕັ້ງຄັ້ງນີ້ ທີ່ມີການລົງຄະແນນໃນວັນທີ 4 ກໍລະກົດຜ່ານມາ ແລະ ທ່ານໄດ້ໂທລະສັບໄປສະແດງຄວາມຍິນດີນໍາທ່ານ ເຊີສຕຣາເມີ ຮຽບຮ້ອຍແລ້ວ. ພ້ອມທັງຢືນຢັນວ່າ: “ຈະສະແດງຄວາມຮັບຜິດຊອບ” ຕໍ່ຜົນການເລືອກຕັ້ງຄັ້ງນີ້ ເຊິ່ງຮ້າຍແຮງທີ່ສຸດໃນປະຫວັດສາດຂອງພັກອະນຸລັກນິຍົມ ນັບແຕ່ໄດ້ຮັບເລືອກຕັ້ງພຽງ 156 ບ່ອນນັ່ງ ໃນປີ 1907.

     ທັງນີ້, ແນ່ນອນແລ້ວວ່າ: ພັກແຮງງານຈະໄດ້ຮັບການເລືອກຕັ້ງຢ່າງຫລວງຫລາຍ ໂດຍແນ່ນອນວ່າຈະໄດ້ຮັບສຽງສະໜັບສະໜູນຫລາຍກວ່າ 326 ບ່ອນນັ່ງ ເຊິ່ງເປັນເກນຂັ້ນຕໍ່າຂອງການຄອງສຽງສ່ວນຫລາຍໃນສະພາສາມັນຂອງອັງກິດ ເຊິ່ງມີ 650 ບ່ອນນັ່ງ.

      ເຖິງວ່າທ່ານ ຊູແນັກ ຍັງສາມາດຮັກສາບ່ອນນັ່ງຂອງຕົນເອງໄວ້ໄດ້, ແຕ່ມີລາຍງານວ່າ: ແກນນໍາພັກອະນຸລັກນິຍົມຫລາຍຄົນພັດ “ເສັງຕົກ” ຫລື ບໍ່ໄດ້ຮັບການເລືອກຕັ້ງອີກຈາກການເລືອກຕັ້ງຄັ້ງນີ້ ໂດຍເສຍໄຊໃຫ້ຜູ້ສະໝັກຂອງພັກແຮງງານ.

     ສ່ວນນັກວິເຄາະກ່າວວ່າ: ວາລະແຫ່ງຊາດທີ່ພັກແຮງງານຮັບຕໍ່ເນື່ອງຈາກພັກອະນຸລັກນິຍົມ ຄືການແກ້ໄຂບັນຫາເສດຖະກິດ ແລະ ການສ້າງສະຖຽນລະພາບທາງການເມືອງພາຍໃນອັງກິດ ທີ່ປ່ຽນນາຍົກລັດຖະມົນຕີ 5 ຄົນ ຕະຫລອດໄລຍະເວລາ 14 ປີ ໃນຍຸກພັກອະນຸລັກນິຍົມ.

ພັກແຮງງານອັງກິດຊະນະການເລືອກຕັ້ງທົ່ວໄປ - 3 - ພັກແຮງງານອັງກິດຊະນະການເລືອກຕັ້ງທົ່ວໄປ
ພັກແຮງງານອັງກິດຊະນະການເລືອກຕັ້ງທົ່ວໄປ - 5 - ພັກແຮງງານອັງກິດຊະນະການເລືອກຕັ້ງທົ່ວໄປ
ພັກແຮງງານອັງກິດຊະນະການເລືອກຕັ້ງທົ່ວໄປ - 4 - ພັກແຮງງານອັງກິດຊະນະການເລືອກຕັ້ງທົ່ວໄປ