ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ

ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ - 333 1 - ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ
ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ - kitchen vibe - ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ

      ດານມາກຈະເກັບພາສີກາກບອນຈາກການລ້ຽງສັດເປັນຄັ້ງທໍາອິດຂອງໂລກ. ຖືເປັນມາດຕະການພິເສດທີ່ອອກແບບມາເພື່ອຊ່ວຍໃຫ້ປະເທດເຂົ້າໃກ້ເປົ້າໝາຍຄວາມເປັນກາງທາງກາກບອນ ພາຍໃນປີ 2045 ເພີ່ມຂຶ້ນ.

     ວັນທີ 11 ກໍລະກົດ, ສໍານັກຂ່າວຕ່າງປະເທດລາຍງານວ່າ: ນັບແຕ່ປີ 2030 ເປັນຕົ້ນໄປ ການປ່ອຍແກັສມີເທນທີ່ເກີດຈາກງົວ ແລະ ໝູຢູ່ດານມາກ ຈະຖືກເກັບພາສີໃນອັດຕາ 300 ໂຄຣນດານມາກຕໍ່ກາກບອນໄດອອກໄຊທຽບເທົ່າ 1 ໂຕນ.

ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ - Visit Laos Visit SALANA BOUTIQUE HOTEL - ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ

      ນອກຈາກນີ້, ຕົວເລກເບື້ອງຕົ້ນຈະເພີ່ມເປັນ 750 ໂຄຣນດານມາກ ໃນປີ 2035 ພາຍໃຕ້ເງື່ອນໄຂຂອງຂໍ້ຕົກລົງລະຫວ່າງລັດຖະບານ, ຝ່າຍຄ້ານສ່ວນໜຶ່ງ ລວມທັງຕົວແທນຂອງກະສິກອນຜູ້ລ້ຽງສັດ, ອຸດສາຫະກໍາ ແລະ ສະຫະພາບແຮງງານ.

      ສໍາລັບທ່ານ ຄຣິສຕຽນ ຟຣອມເບິກ ຫົວໜ້າຝ່າຍປຸກລະດົມຂອງກຣີນພືດ ນໍດິກ ມາດຕະການຂອງລັດຖະບານດານມາກ ຖືເປັນການໃຫ້ຄວາມຫວັງໃນສະຖານະການທີ່ຫລາຍປະເທດກໍາລັງປະສົບກັບຄວາມຫລຸດຖອຍໃນການດໍາເນີນງານດ້ານສະພາບອາກາດ.

      ເຖິງຢ່າງໃດກໍຕາມ, ສະມາຄົມເພື່ອຊາວກະສິກອນທີ່ຍືນຍົງແຫ່ງດານມາກ ລະບຸໃນການຖະແຫລງຂ່າວວ່າ: ຂໍ້ຕົກລົງດັ່ງກ່າວ “ໄຮ້ປະໂຫຍດ” ແລະ ເປັນວັນທີ່ໜ້າເສົ້າສໍາລັບຂະແໜງກະສິກໍາ.

      ລັດຖະບານດານມາກ ສະເໜີໃຫ້ແຜນມີການຫລຸດພາສີ 60% ເພື່ອບັນເທົາຄ່າໃຊ້ຈ່າຍຂອງກະສິກອນໃນປະເທດ. ອີກທັງຄາດວ່າຕົ້ນທຶນທີ່ແທ້ຈິງສໍາລັບກະສິກອນຈະຢູ່ປະມານ 120 ໂຄຣນດານມາກຕໍ່ວັນ ນັບແຕ່ປີ 2030 ແລະ ຈະເພີ່ມຂຶ້ນເປັນ 300 ໂຄຣນດານມາກ ໃນອີກ 5 ປີຕໍ່ໜ້າ. ແຕ່ເຖິງຢ່າງໃດກໍຕາມ, ກະຊວງເສດຖະກິດດານມາກ ຄາດຄະເນວ່າ: ອາດມີການສູນເສຍຕໍາແໜ່ງວຽກໃນພາກສ່ວນນີ້ສູງເຖິງ 2,000 ຕໍາແໜ່ງ ພາຍໃນປີ 2035 ເປັນຜົນມາຈາກຂໍ້ຕົກລົງດັ່ງກ່າວ.

ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ - 5 - ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ
ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ - 4 - ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ
ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ - 3 - ຄັ້ງທໍາອິດຂອງໂລກ ! ດານມາກກຽມເກັບພາສີກາກບອນຈາກການລ້ຽງສັດ