ສະໜາມບິນສິງກະໂປເປີດໃຫ້ບໍລິການ “ເທີມີນໍອັດສະລິຍະ”
ສະໜາມບິນສາກົນຊາງຢີຂອງສິງກະໂປເປີດໃຫ້ບໍລິການອາຄານຜູ້ໂດຍສານໝາຍເລກ 4 ທີ່ບໍລິການທັງໝົດເປັນ “ອັດຕະໂນມັດ” ດ້ວຍລະບົບຄອມພິວເຕີ ນັບແຕ່ການເຊັກອິນໄປຈົນເຖິງການກວດປີ້ໂດຍສານກ່ອນຂຶ້ນເຮືອບິນ.
Here's a glimpse of what fans will experience at our all-new #ChangiT4! Stay updated here: https://t.co/ZdPYz10MU0 https://t.co/j7qLEMxWo8
— Changi Airport (@ChangiAirport) July 12, 2017
RT to welcome @cathaypacific CX659 – the first flight to arrive at our new #ChangiT4! pic.twitter.com/arSFcb1fsZ
— Changi Airport (@ChangiAirport) October 30, 2017
ສຳນັກຂ່າວຕ່າງປະເທດລາຍງານຈາກປະເທດສິງກະໂປ ໃນວັນທີ 31 ຕຸລາວ່າ: ສະໜາມບິນສາກົນຊາງຢີເປີດໃຫ້ບໍລິການອາຄານຜູ້ໂດຍສານໝາຍເລກ 4 ຢ່າງເປັນທາງການ ດ້ວຍບໍລິການອັດຕະໂນມັດເຕັມຮູບແບບ ບໍ່ວ່າຈະເປັນການເຊັກອິນທີ່ໃຊ້ເຕັກໂນໂລຊີການຈົດຈຳໃບໜ້າ, ການຝາກກະເປົາເດີນທາງດ້ວຍລະບົບຄອມພິວເຕີ ແລະ ການກວດໜັງສືເດີນທາງອັດຕະໂນມັດ ຕະຫລອດຮອດການກວດປີ້ໂດຍສານກ່ອນຂຶ້ນເຮືອບິນ ໂດຍລັດຖະບານສິງກະໂປທຸ້ມງົບປະມານ 985 ລ້ານໂດລາສິງກະໂປ ໃນການກໍ່ສ້າງອາຄານຜູ້ໂດຍສານແຫ່ງນີ້ ທີ່ມີການຄາດຄະເນວ່າຈະຮອງຮັບຜູ້ໂດຍສານໄດ້ 16 ລ້ານຄົນຕໍ່ປີ. ຂະນະທີ່ຖ້ຽວບິນປະຖົມມະເລີກທີ່ເຂົ້າຈອດຢູ່ອາຄານຜູ້ໂດຍສານໝາຍເລກ 4 ຄືຖ້ຽວບິນຈາກຮົງກົງຂອງສາຍການບິນຄາຣເທ ປາຊີຟິກ.
ສຳນັກຂ່າວເອເອຟພີລະບຸວ່າ: ສະໜາມບິນສາກົນຊາງຢີຕ້ອງນຳເອົາເຕັກໂນໂລຊີໃໝ່ໆມາໃຊ້ ເນື່ອງຈາກຕະຫລາດຖ້ຽວບິນໄລຍະໄກມີການແຂ່ງຂັນຢ່າງຮຸນແຮງ ໂດຍຕ້ອງແຂ່ງຂັນກັບສະໜາມບິນທີ່ເປັນສູນກາງການເດີນທາງ ຄືດູໄບ, ຮົງກົງ. ຂະນະດຽວກັນ ຕ້ອງແຂ່ງຂັນກັບສະໜາມບິນໃນພາກພື້ນດຽວກັນ ຄືບາງກອກ, ກົວລາລຳເປີ ໃນການດຶງດູດຜູ້ໂດຍສານຊາວຈີນທີ່ເດີນທາງເຂົ້າມາເພີ່ມຂຶ້ນ.
