7 ອາຫານທີ່ແມ່ລູກອ່ອນບໍ່ຄວນກິນ

1. ກາເຟອີນ : ສຳລັບແມ່ລູກອ່ອນທີ່ຕິດການດື່ມຊາ ຫລື ກາເຟ ບໍ່ວ່າຈະດື່ມຍ້ອນຕິດລົດຊາດ ຫລື ດື່ມຍ້ອນຕ້ອງເຮັດວຽກເດິກ, ແຕ່ຖ້າລູກມີອາຍຸ 12 ເດືອນ ບໍ່ຄວນທີ່ຈະດື່ມເປັນຢ່າງຍິ່ງ ເນື່ອງຈາກລູກໃນໄວນີ້ຍັງບໍ່ສາມາດກັດຈັດສານກາເຟອີນເອງໄດ້ ແຕ່ຖ້າລູກພົ້ນຈາກໄວ 3 ເດືອນໄປແລ້ວກໍສາມາດດື່ມໄດ້ ແຕ່ບໍ່ຄວນດື່ມເກີນມື້ລະ 2 ຈອກ.
2. ປາທະເລນຳ້ເລິກ : ບໍ່ຕ້ອງເຖິງຂັ້ນງົດກິນປາ ເນື່ອງຈາກປາແຕ່ລະຊະນິດຕ່າງກັນ ມີສານບາຫລອດບໍ່ເທົ່າກັນ ແລະ ປາຍັງມີສານອາຫານທີ່ເປັນປະໂຫຍດຕໍ່ຮ່າງກາຍຫລາຍ ພຽງແຕ່ວ່າປາທະເລນຳ້ເລິກບາງຊະນິດມີສານບາຫລອດອ່າວຫລາຍ ແລະ ບໍ່ສາມາດກວດສອບໃຫ້ຮູ້ໄດ້.
3. ຊັອກໂກແລັດ : ໃນຊັອກໂກແລັດບາງຍ່ີຫໍ້ມີທັງສານກາເຟອີນ ແລະ ມີອານກໍຮໍເປັນສ່ວນປະສົມ ສະນັ້ນໃນໄລຍະເວລາ 1 – 3 ເດືອນຂອງການລ້ຽງລູກດ້ວຍນົມຄວນຫລີກເວັ້ນການກິນຊັອກໂກແລັດກ່ອນຈະດີກ່ວາ.
4. ຜັກກາດດອກ ແລະ ຜັກກະລໍ່າ : ເປັນຜັກທີ່ອາດເຮັດໃຫ້ເກີດແກ໊ສໃນກະເພາະອາຫານຂອງລູກໄດ້ ເຊິ່ງຈະສົ່ງຜົນໃຫ້ລູກມີອາການຍື່ງທ້ອງ ຫລື ເຈັບທ້ອງໄດ້.
5. ຖົ່ວດິນ : ມີຄົນຈຳນວນບໍ່ໜ້ອຍທີ່ແພ້ຖົ່ວ ສະນັ້ນ ໄລຍະລ້ຽງລູກດ້ວຍນົມ 1 – 6 ເດືອນ ແມ່ຄວນຈະງົດການກິນຖົ່ວກ່ອນຊົ່ວຄາວ ເພາະລູກອາດແພ້ຖົ່ວຈາກນົມແມ່ໄດ້.
6. ເຄື່ອງດື່ມທີ່ມີອານກໍຮໍ : ເຄື່ອງດື່ມອານກໍຮໍ ຫລື ຢາບາງຊະນິດທີ່ມີອານກໍຮໍເປັນສ່ວນປະສົມເປັນສິ່ງທີ່ແມ່ຄວນຫລີກເວັ້ນ ເປັນຢ່າງຍິ່ງ ເພາະສິ່ງເຫລົ່ານີ້ຈະເປັນຜົນເສຍຕໍ່ລະບົບພັດທະນາການຂອງລູກ ແລະ ຈະເຂົ້າໄປທຳລາຍແຊນສະໝອງຂອງລູກໂດຍກົງ.
7. ແປ້ງສາລີ : ເດັກນ້ອຍໃນໄວ 1 – 6 ເດືອນ ຈະມີອາການແພ້ອາຫານໄດ້ງ່າຍ ແລະ ແປ້ງ ຫລື ແປ້ງສາລີກໍເປັນສິ່ງທີ່ເຮັດໃຫ້ເດັກນ້ອຍມີອາການແພ້.

ໃນໄລຍະການລ້ຽງລູກດ້ວຍນົມແມ່ນັ້ນ ຖືເປັນໄລຍະສຳຄັນທີ່ແມ່ຈະຕ້ອງມີຄວາມລະມັດລະວັງໃນການກິນອາຫານເປັນຢ່າງຍິ່ງ ເພາະສິ່ງທີ່ແມ່ກິນເຂົ້າໄປ ລູກກໍຈະໄດ້ຮັບນຳເຊັ່ນກັນ ເຊິ່ງອາຫານບາງຢ່າງທີ່ເປັນອັນຕະລາຍສຳລັບລູກ ແມ່ກໍຕ້ອງຫ້າມໃຈຕົນເອງທີ່ຈະບໍ່ກິນສິ່ງນັ້ນ ເພື່ອຄວາມປອດໄພຂອງລູກເປັນສຳຄັນ.