ຄົນຮ້າຍຂີ່ລົດກະບະຕຳຝູງຊົນ ຢູ່ແມນຮັດຕັນ ຕາຍ 8 ເຈັບ 11

- advert banner 728 90 728x90 - ຄົນຮ້າຍຂີ່ລົດກະບະຕຳຝູງຊົນ ຢູ່ແມນຮັດຕັນ ຕາຍ 8 ເຈັບ 11

ມີ​ຜູ້​ເສຍ​ຊີວິດ​ຢ່າງ​ໜ້ອຍ 8 ຄົນ ​ແລະ ​ໄດ້​ຮັບ​ບາດ​ເຈັບ 11 ຄົນ ຈາກ​ເຫດ​ຄົນ​ຮ້າຍ​ຂີ່​ລົດ​ກະບະ​ຕຳ​ຝູງ​ຊົນ​ຢູ່​ເຂດ​ແມນ​ຮັດ​ຕັນ ​ໃຈກາງ​ນະຄອນ​ນິວຢອກ.

- new3 - ຄົນຮ້າຍຂີ່ລົດກະບະຕຳຝູງຊົນ ຢູ່ແມນຮັດຕັນ ຕາຍ 8 ເຈັບ 11

- 98563018  98561374 mediaitem98561369 - ຄົນຮ້າຍຂີ່ລົດກະບະຕຳຝູງຊົນ ຢູ່ແມນຮັດຕັນ ຕາຍ 8 ເຈັບ 11

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 31 ຕຸລາວ່າ: ສຳນັກງານ​ຕຳຫລວດ​ນະຄອນ​ນິວຢອກ (NYPD) ອອກ​ຖະ​ແຫລ​ງການ​ກ່ຽວ​ກັບ​ເຫດ​ຄົນ​ຮ້າຍ​ຂີ່​ລົດ​ກະບະ​ສີຂາວ​ຕຳ​ຝູງ​ຊົນ ​ເຂດ​ໂລ​ເວີ ​ແມນ​ຮັດ​ຕັນ ​ໃນ​ຕອນ​ບ່າຍ​ຂອງ​ວັນ​ທີ 31 ຕຸລາ ຕາມ​ເວລາ​ທ້ອງ​ຖິ່ນ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 8 ຄົນ ​ໂດຍ 6 ຄົນ​ເສຍ​ຊີວິດ​ໃນ​ຈຸດ​ເກີດ​ເຫດ ​ແລະ ມີ​ຜູ້​​ໄດ້​ຮັບ​ບາດ​ເຈັບ​ອີກ 11 ຄົນ.

ທັງ​ນີ້, ​ເຈົ້າໜ້າ​ທີ່​ຈັບ​ກຸມ​ຜູ້​ຖືກ​ສົງ​ໄສ​ໄດ້​ທັນທີ ​ໂດຍ​ການ​ຍິງ​ສະກັດ​ເຂົ້າ​ໃສ່​ບໍລິ​ເວນ​ທ້ອງ ​ໂດຍ​ຄົນ​ຮ້າຍ​ລົງ​ຈາກ​ລົດ​ພ້ອມ​ອາວຸດ​ປືນ 2 ກະບອກ ຫລັງ​ຂີ່​ລົດ​ຕຳ​ລົດ​ຮັບ​ສົ່ງ​ນັກຮຽນ​ຄັນ​ໜຶ່ງ​ທີ່​ຈອດ​ຢູ່​ໃກ້​ກັບ​ຈຸດ​ເກີດ​ເຫດ. ​ເບື້ອງຕົ້ນພະນັກງານ​ສືບສວນ​ເປີດ​ເຜີຍ​ຂໍ້​ມູນ​ວ່າ​ເປັນ​ຜູ້​ອົບ​ພະຍົບຊາວ​ອຸ​ຊ​ເບ​ກ ອາຍຸ 29 ປີ ອາ​ໄສ​ຢູ່​ລັດ​ຟໍລິ​ດາ, ສ່ວນ​ສື່​ທ້ອງ​ຖິ່ນ​ຫລາຍ​ແຫ່ງ​ລາຍ​ງານ​ວ່າ​ຊື່​ທ້າວ ​ເຊຍ​ຟຸລ​ໂລ ​ໄຊ​ປອຟ ​ແລະ ອາ​ໄສ​ຢູ່​ລັດ​ຟໍລິ​ດາ.

ຫລັງ​ເກີດ​ເຫດ​ຍັງ​ບໍ່​ມີ​ບຸກຄົນ​ກຸ່ມ​ໃດ​ອອກ​ມາ​ອ້າງ​ສ່ວນ​ກ່ຽວຂ້ອງ, ​ແຕ່​ທ່ານ ​ແອນ​ດຣູ ຄູ​​ໂອ​ໂນ ​ເຈົ້າຄອງ​ລັດ​ນິວຢອກ ​ແລະ ທ່ານ ບິ​ລ ​ເດິ ບລາຊິ​ໂອ ນາຍົກ​ເທດສະ​ມົນຕີ​ນະຄອນ​ນິວຢອກ ປະນາມ​ເຫດການ​ທີ່​ເກີດ​ຂຶ້ນ​ເປັນ “ການ​ກໍ່​ການ​ຮ້າຍ” ​ແລະ ບົ່ງ​ບອກ​ວ່າ​ມະຫາ​ນະຄອນ​ແຫ່ງ​ນີ້​ຍັງ​ເປັນ “​ເປົ້າໝາຍ​ຫລັກ” ​ເນື່ອງ​ຈາກ​ເປັນ​ເມືອງ​ແຫ່ງ​ເສລີພາບ ​ແລະ ປະຊາທິປະ​ໄຕ ​ໂດຍ​ເຫດ​ໂຈມ​ຕີ​ນີ້​ຖື​ເປັນ​ເຫດ​ກໍ່​ການ​ຮ້າຍ​ຄັ້ງທຳ​ອິດ​ທີ່​ມີ​ຜູ້​ເສຍ​ຊີວິດ ນັບ​ແຕ່​ເຫດ​ວິນາດສະກຳ 9/11 ​ໃນ​ປີ 2001. ຂະນະ​ທີ່​ເຫດ​ລະ​ເບີດ​ຢູ່​ເຂດ​ທາມ​ສ​ແຄວ ​ໃນ​ປີ 2010 ບໍ່​ມີ​ຜູ້​ເສຍ​ຊີວິດ ​ແລະ ​ໄດ້​ຮັບ​ບາດ​ເຈັບ, ສ່ວນ​ເຫດ​ລະ​ເບີດ​ຢູ່​ເຂດ​ເຊ​ລຊີ ​ໃນ​ເດືອນ​ກັນຍາ​ປີຜ່ານມາ ມີ​ຜູ້​ໄດ້​ຮັບ​ບາດ​ເຈັບ 31 ຄົນ.

- ecfs8v0j - ຄົນຮ້າຍຂີ່ລົດກະບະຕຳຝູງຊົນ ຢູ່ແມນຮັດຕັນ ຕາຍ 8 ເຈັບ 11

error: Content is protected !!