ສຕລ ກຽມຈັດການແຂ່ງຂັນບານເຕະຍິງ ຮຸ່ນອາຍຸ 18 ປີ
ສະຫະພັນບານເຕະແຫ່ງຊາດລາວ (ສຕລ) ກຽມຈັດ ການແຂ່ງຂັນເຕະບານຍິງຮຸ່ນອາຍຸ 18 ປີ ກາງເດືອນພະຈິກ ນີ້ ເພື່ອເປັນການພັດທະນານັກ ກິລາຍິງ ພ້ອມທັງຄັດເລືອກ ນັກກິລາທີ່ມີພອນສະຫວັນ, ຄວາມສາມາດ ແລະ ທັກສະ ກະກຽມບັນຈຸເຂົ້າທີມຊາດ ເປັນຕົວແທນໃຫ້ກັບ ສປປ ລາວ ເຂົ້າຮ່ວມການແຂ່ງຂັນ ລາຍານຕ່າງໆໃນລະດັບພາກພື້ນ ແລະ ສາກົນ.
ອີງຕາມການແຈ້ງການຂອງສະຫະພັນບານເຕະແຫ່ງຊາດ (ສຕລ) ໃຫ້ແຕ່ລະສະ ໂມສອນທົ່ວນະຄອນຫລວງ ວຽງຈັນ ເຂົ້າຮ່ວມການແຂ່ງ ຂັນເຕະບານຍິງຮຸ່ນອາຍຸ 18 ປີ ຫລື LFF U18 WOMEN YOUTH LEAGUE 2017 ໃນກາງເດືອນພະຈິກນີ້ ທີ່ສະໜາມກິລາຫຍ້າທຽມ ສຕລ ບ້ານ ຫ້ວຍຫົງ ເມືອງ ຈັນທະບູລີ ນະຄອນຫລວງ ວຽງຈັນ. ສໍາລັບເງື່ອນໄຂ ຂອງນັກກິລາປະທີ່ຈະເຂົ້າ ຮ່ວມການແຂ່ງຂັນຈະຕ້ອງ ເກີດວັນທີ 1 ມັງກອນ ປີ 1999 ຂຶ້ນໄປ ສ່ວນເອກະ ສານປະກອບມີ ປຶ້ມຕິດຕາມ ການຮຽນ, ປຶ້ມສຳມະໂນຄົວ ຫລື ໜັງສືຜ່ານແດນ ( Pas sport ), ຮູບຖ່າຍ 3 x 4 ( ບໍ່ ໃຫ້ ກາຍ 3 ເດືອນ ) ຕິດຄັດ ເອກສານທຸກໆເອກະສານ ຢັ້ງ ຢືນຕ້ອງແມ່ນຂອງແທ້. ສ່ວນ ການລົງທະບຽນທີມໜຶ່ງຕ້ອງມີ 25 ຄົນ ແລະ ຄະນະນຳ 07 ຄົນ ສົ່ງໃຫ້ຄະນະຈັດການ ແຂ່ງຂັນໃນຄັ້ງທໍາອິດ ແລະ ກ່ອນການແຂ່ງຂັນ 7 ວັນ ຈະ ຕ້ອງສົ່ງລາຍຊື່ນັກກິລາຈຳ ນວນ 20 ຄົນ ແລະ ຄະນະ 5 ຄົນຄັ້ງທ້າຍ ສົ່ງໃຫ້ຄະນະຈັດ ການແຂ່ງຂັນເປັນຄັ້ງສຸດ ທ້າຍ. ແຕ່ກໍລະນີທີມໃດຫາກ ມີນັກກິລາ ທີມຊາດຍິງ ຮຸ່ນ ອາຍຸ 16 ປີ ໃນປີ 2017 ສາ ມາດລົງທະບຽນໄດ້ພຽງແຕ່ 4 ຄົນ ແລະ ສາມາດລົງແຂ່ງ ຂັນໄດ້ພຽງແຕ່ 2 ຄົນຕໍ່ຄັ້ງ.
ຂະນະທີ່ລາງວັນຂອງ ການແຂ່ງຂັນ ອັນດັບທີ 1 ຈະ ໄດ້ຮັບຂັນ 1 ຫນ່ວຍ ເງິນສົດ 5.000.000 ກີບ; ອັນດັບທີ 2 ຈະໄດ້ຮັບຂັນ 1 ຫນ່ວຍ ເງິນ ສົດ 4.000.000 ກີບ; ອັນດັບ ທີ 3 ຈະໄດ້ຮັບຂັນ 1 ຫນ່ວຍ ເງິນສົດ 3.000.000 ກີບ; ທີມມາລະຍາດດີເດັ່ນ ຈະໄດ້ ຮັບເງິນສົດ 500.000 ກີບ; ນັກກິລາດີເດັ່ນຈະໄດ້ຮັບເງິນ ສົດ 500.000 ກີບ; ນັກກິລາ ຍິງປະຕູສູງສຸດ ຈະໄດ້ຮັບ ເງິນສົດ 500.000 ກີບ.
