ມວຍສາກົລາວ ສົ່ງ 2 ນັກຊົກສາວຮ່ວມຊີງແຊ໊ມອາຊີທີ່ຫວຽດນາມ
ສະຫະພັນມວຍສາກົນ ແຫ່ງຊາດລາວ ສົ່ງ 2 ນັກຊົກ ສາວທັງ ນາງ ມີມີ່ ຍອຍສາຍ ຄຳ ແລະ ນາງ ດາວມະຍຸລີ ຈັນຕິລາດ ເຂົ້າຮ່ວມແຂ່ງຂັນ ມວຍສາກົນຍິງຊີງແຊ໊ມອາຊີ 2017 ຫຼື ASBC ASIAN CONFEDERATION WOMENS BOXING CHAMPIONSHIPS 2017 IN HOCHI MINH CITY ທີ່ນະຄອນຫຼວງໂຮ່ຈິ ມິງ ສສ ຫວຽດນາມ ເປັນເຈົ້າ ພາບ.
ໂດຍທັບນັກກິລາມວຍ ສາກົນຍິງທີມຊາດລາວ ໄດ້ ອອກເດີນທາງຈາກສະໜາມບິສາກົນວັດໄຕ ນະຄອນຫຼວງ ວຽງຈັນ ສປປ ລາວ ໄປຍັງ ສສ ຫວຽດນາມ ໃນວັນທີ 31 ຕຸລາຜ່ານມາ ເພື່ອເຂົ້າຮ່ວມ ການແຂ່ງຂັນມວຍສາກົນຍິງຊີງແຊ໊ມອາຊີ 2017 ທີ່ນະ ຄອນຫຼວງໂຮ່ຈິມິງ ສສ ຫວຽດນາມ ເປັນເຈົ້າພາບລະ ຫວ່າງວັນທີ 2-8 ພະຈິກນີ້ ເຊິ່ງນຳພາໂດຍ ທ່ານ ສີສຸພັນ ແສງສະຫວັນ ປະທານສະຫະ ພັນກິລາມວຍສາກົນແຫ່ງ ຊາດລາວ, ທ່ານ ອຸດອນ ຂັນ ໄຊ ຄູເຝິກມວຍສາກົນຍິງທີມ ຊາດລາວ ພ້ອມດ້ວຍນັກກິລາ 2 ຄົນ ປະກອບມີ ນາງ ມີມີ່ ຍອຍສາຍຄຳ ຮຸ່ນນ້ຳໜັກ 45- 48 ກິໂລກຣາມ ແລະ ນາງ ດາວມະຍຸລີ ຈັນຕິລາດ ຮຸ່ນນ້ຳ ໜັກ 48-51 ກິໂລກຣາມ.
ສຳລັບການແຂ່ງຂັນດັ່ງກ່າວ ແມ່ນມີນັກກິລາເຂົ້າຮ່ວມ ທັງໝົດ 107 ຄົນ ທີ່ມາຈາກ 20 ປະເທດ ແລະ ມີທັງໝົດ 10 ຮຸ່ນ ປະກອບມີ ຮຸ່ນນ້ຳໜັກ 45-48 ກິໂລກຣາມ, 48-51 ກິໂລກຣາມ, 54 ກິໂລ ກຣາມ, 57 ກິໂລກຣາມ 60 ກິໂລກຣາມ, 64 ກິໂລກຣາມ, 69 ກິໂລກຣາມ, 75 ກິໂລ ກຣາມ, 81 ກິໂລກຣາມ ແລະ ຮຸ່ນນ້ຳໜັກ 81 ກິໂລກຣາມ ຂຶ້ນໄປ.
