ສຳ​ເລັດ​ການ​ຝຶກ​ອົບຮົມ​ວຽກ​ງານພັດທະນາ​ຊັບພະຍາກອນ​ແຮ່​ທາດ

- mining training - ສຳ​ເລັດ​ການ​ຝຶກ​ອົບຮົມ​ວຽກ​ງານພັດທະນາ​ຊັບພະຍາກອນ​ແຮ່​ທາດ
- AGL banner - ສຳ​ເລັດ​ການ​ຝຶກ​ອົບຮົມ​ວຽກ​ງານພັດທະນາ​ຊັບພະຍາກອນ​ແຮ່​ທາດ

​ຊຸດ​ຝຶກ​ອົບຮົມການ​ຮຽນ​ຮູ້​ເຕັກນິກ​ພື້ນຖານ​ດ້ານ​ການ​ບຸກ​ເບີ​ນພັດທະ​ນາ​ຊັບພະຍາກອນ​ແຮ່​ທາດ ປະຈຳ​ປີ 2017 ​ໄດ້​ປິດ​ລົງ​ໃນ​ເຊົ້າ​ວັນ​ທີ 2 ພະຈິກ​ນີ້, ທີ່​ສູນ​ຝຶກ​ອົບຮົມ​ແນວ​ລາວ​ສ້າງ​ຊາດ, ນະຄອນຫລວງ​ວຽງ​ຈັນ, ພາຍຫລັງ​ດຳ​ເນີນ​ມາ​ເປັນ​ເວລາ 30 ວັນ (9 ຕຸລາ-2 ພະຈິກ), ​ໂດຍ​ການ​ເຂົ້າ​ຮ່ວມ​ຂອງ​ທ່ານ ​ແຄນ​ທອງ ສີ​ສຸ​ວົງ ຮອງ​ປະທານ​ຄະນະ​ກຳມາ​ທິການ​ຮ່ວມ​ມື​ລາວ-ຈີນ, ມີ​ທ່ານ Wang Jianguang ຮອງ​ຫົວໜ້າ​ສູນ​ຝຶກ​ອົບຮົມ​ພະນັກງານ​ເສດຖະກິດ-ການ​ຄ້າ​ສາ​ກົນ, ​ແຂວງ​ຝູຈ້ຽນ ສປ ຈີນ ​ແລະ ມີ​ນັກ​ສຳ​ມະ​ນາກອນ​ໃນ​ຂະ​ແໜງ​ການ​ກ່ຽວຂ້ອງ​ເຂົ້າ​ຮ່ວມ​ເປັນ​ຈຳນວນ​ຫລາຍ.

ຊຸດ​ຝຶກ​ອົບຮົມ​ດັ່ງກ່າວ ​ໄດ້​ຮຽນ​ຮູ້​​ເຕັກ​ນິກການ​ສຳ​ຫລວດ​ແຮ່​ທາດ, ການ​ຄິດ​ໄລ່​ປະລິມານ​ສະ​ສົມ ​ແລະ ການ​ຂຽນ​ບົດ​ລາຍ​ງານ, ການ​ສຳ​ຫລວດ​ໄພ​ທໍລະ ນີ​ສາດ, ວິທີ ​ແລະ ​ເຕັກນິກ​ການ​ສຳ​ຫ​ລວດ​ບໍ່​ແຮ່, ທໍລະນີ​ວິສະວະກຳ ​ແລະ ທໍລະນີ​ອຸ​ທົກ​ກະສາ​ດ, ​ໄພ​ທໍລະນີ​ສາດ-ທໍລະນີ​ຂຸດ​ຄົ້ນ​ບໍ່​ແຮ່, ການ​ຄຸ້ມ​ຄອງ​ດ້ານ​ການວາງ​ແຜນ​ພັດທະນາ​ຊັບພະຍາກອນ​ບໍ່​ແຮ່, ສິ່ງ​ຄວນ​ປະຕິບັດ​ໃນ​ການ​ຄຸ້ມ​ຄອງ​ການ​ຂຸດ​ຄົ້ນ​ບໍ່​ແຮ່ ​ແລະ ຕົວຢ່າງ. ນອກ​ນີ້ ຍັງ​ໄດ້​ຮຽນ​ຮູ້​ຈຸດ​ສຳຄັນ​​ໃນ​ການ​ສ້າງ​ແຜນ​ພັດທະນາ​ຊັບພະ​ຍາກ​ອນບໍ່​ແຮ່ ​ແລະ ການ​ອະທິບາຍ​ຕົວ​ເລກ​ຊີ້​ວັດອື່ນໆ.

ຂະ​ນະ​ດຽວ​ກັນ, ນັກ​ສຳ​ມະ​ນາກ​ອນ ຍັງ​ໄດ້​ລົງ​ຢ້ຽມຢາມ​ໂຮງງານ​ຊີມັງ, ​ໂຮງງານ​ເກືອ​ກາລີ ​ແຂວງ​ຄຳ​ມ່ວນ ​ໃນ​ລະຫວ່າງ​ວັນ​ທີ 30 ຕຸລາ – 1 ພະຈິກ​ທີ່​ຜ່ານ​ມາ, ​ເພື່ອ​​ເປັນ​ການ​ພັດທະນາ​ຄວາມ​ຮູ້, ຄວາມ​ສາມາດ​ໃຫ້​ແກ່​ພະນັກ ງານ​ທີ່​ເຮັດ​ວຽກ​ຢູ່​ຂົງ​ເຂດ​ຂຸດ​ຄົ້ນ​ແຮ່​ທາດ ​ແລະ ​ເຮັດ​ໃຫ້ນັກ​ສຳ​ມະ​ນາກ​ອນ​ເຫລົ່າ​ນັ້ນ ​ເຂົ້າ​ໃຈ​ເລິກ​ເຊິ່ງ​ຕໍ່​ກັບ​ການ​ສົ່ງ​ເສີມ, ຄຸ້ມ​ຄອງ ​ແລະ ພັດທະນາ​ທາງ​ດ້ານ​ການ​ຂຸດ​ຄົ້ນ​ແຮ່​ທາດ​ປະ​ເພດ​ຕ່າງໆ.

- lattana banner - ສຳ​ເລັດ​ການ​ຝຶກ​ອົບຮົມ​ວຽກ​ງານພັດທະນາ​ຊັບພະຍາກອນ​ແຮ່​ທາດ
- lattana banner 1 - ສຳ​ເລັດ​ການ​ຝຶກ​ອົບຮົມ​ວຽກ​ງານພັດທະນາ​ຊັບພະຍາກອນ​ແຮ່​ທາດ
-    AD conten website - ສຳ​ເລັດ​ການ​ຝຶກ​ອົບຮົມ​ວຽກ​ງານພັດທະນາ​ຊັບພະຍາກອນ​ແຮ່​ທາດ
error: Alert: ເນື້ອຫາຂ່າວມີລິຂະສິດ !!