ທ່ານ ນາງ ແພທອງທານ ຊິນນະວັດ ໄດ້ຮັບເລືອກເປັນນາຍົກລັດຖະມົນຕີ ຄົນໃໝ່ ຂອງໄທ

ວັນທີ 16 ສິງຫາ 2024 ນີ້, ສະພາໄທ ລົງຄະແນນສຽງສ່ວນຫລາຍ ເຫັນດີ ໃຫ້ທ່ານ ນາງ ແພທອງທານ ຊິນນະວັດ ເປັນນາຍົກລັດຖະມົນຕີ ຄົນໃໝ່, ເປັນນາຍົກຄົນທີ 31 ຂອງປະເທດໄທ ດ້ວຍຄະແນນສຽງ ເຫັນດີ 319 ສຽງ, ບໍ່ເຫັນດີ 145 ສຽງ ແລະ ບໍ່ລົງຄະແນນສຽງ 27 ສຽງ.

ທ່ານ ນາງ ແພທອງທານ ຊິນນະວັດ ເປັນນາຍົກລັດຖະມົນຕີ ທີ່ອາຍຸນ້ອຍທີ່ສຸດໃນປະຫວັດສາດຂອງໄທ. ປັດຈຸບັນ ອາຍຸ 37 ປີ ແລະ ຈະຄົບ 38 ປີ ໃນວັນທີ 21 ສິງຫາ 2024 ແລະ ເປັນນາຍົກ ຍິງ ຄົນທີ 2 ຂອງປະເທດໄທ.