ໄພແຫ້ງແລ້ງຈາກເອລນີໂຢ ກະທົບປະຊາຊົນ 68 ລ້ານຄົນຢູ່ອາຟຣິກາຕອນໃຕ້
ອົງກອນພັດທະນາລະດັບພາກພື້ນທາງຕ້ຂອງທະວີບອາຟຣິກາ ກ່າວວ່າ: ປະຊາຊົນປະມານ 68 ລ້ານຄົນໃນທ້ອງຖິ່ນ ກໍາລັງຕ້ອງການການຊ່ວຍເຫລືອຈາກວິກິດໄພແຫ້ງແລ້ງຮຸນແຮງ.
ວັນທີ 18 ສິງຫາ, ສໍານັກຂ່າວຕ່າງປະເທດລາຍງານວ່າ: ປະຊາຄົມເພື່ອການພັດທະນາອາຟຣິກາຕອນໃຕ້ (SADC) ເຜີຍແຜ່ລາຍງານກ່ຽວກັບຜົນກະທົບຂອງປາກົດການເອລນີໂຢທີ່ມີຕໍ່ພາກພື້ນແຫ່ງນີ້ ເຊິ່ງມີສະມາຊິກ 16 ປະເທດວ່າ: ປະຊາກອນປະມານ 68 ລ້ານຄົນ ຫລື 17% ຂອງປະຊາກອນທັງໝົດໃນທ້ອງຖິ່ນ ຕ້ອງການການຊ່ວຍເຫລືອດ້ານມະນຸດສະທໍາ.
ທັງນີ້, ຊິມບໍາເວ, ມາລາວີ ແລະ ແຊັມເບຍ ປະກາດວິກິດຄວາມອຶດຫິວ ແລະ ສະຖານະການສຸກເສີນຈາກໄພແຫ້ງແລ້ງ. ຂະນະທີ່ເລໂຊໂທ ແລະ ມານິເບຍຮຽກຮ້ອງການສະໜັບສະໜູນດ້ານມະນຸດສະທໍາຈາກນາໆຊາດ.
ກອງປະຊຸມໃຫຍ່ SADC ມີມະຕິໃນເດືອນພຶດສະພາຜ່ານມາ ຂໍລະດົມທຶນ 5.5 ລ້ານໂດລາສະຫະລັດ ເພື່ອບໍລິຫານສະຖານະການໄພແຫ້ງແລ້ງພາຍໃນປະເທດທີ່ຍືດເຍື້ອມາແຕ່ຕົ້ນປີນີ້ ສົ່ງຜົນກະທົບຕໍ່ການດໍາລົງຊີວິດຂອງມະນຸດ ແລະ ສັດໃນພາກພື້ນເປັນວົງກວ້າງ.
