ສົ່ງທ້າຍປີເກົ່າຕ້ອນຮັບປີໃໝ່ ດ້ວຍຄວາມຮັກຄວາມສາມັກຄີ

- Untitled design - ສົ່ງທ້າຍປີເກົ່າຕ້ອນຮັບປີໃໝ່ ດ້ວຍຄວາມຮັກຄວາມສາມັກຄີ

- Untitled 1 2 - ສົ່ງທ້າຍປີເກົ່າຕ້ອນຮັບປີໃໝ່ ດ້ວຍຄວາມຮັກຄວາມສາມັກຄີໂດຍ: ກ້ອງສ່ອງ ອິດສະຫລະ

ຕາມເຮົາວ່າປີ ພສ 2559 ເປັນປີທີ່ມີຄວາມໝາຍທາງດ້ານປະຫວັດສາດສໍາລັບປະເທດເຮົາ, ເປັນຫຍັງຈຶ່ງວ່າ ແນວນັ້ນ ? ຍ້ອນພວກເຮົາມີຜົນງານ ແລະ ໄຊຊະນະຫລາຍດ້ານ. ອັນໂດດເດັ່ນທີ່ສຸດກໍແມ່ນການເປັນເຈົ້າພາບ ຈັດກອງປະຊຸມສຸດຍອດອາຊຽນຄັ້ງທີ 28 ແລະ 29. ຕໍ່ເຫດການດັ່ງກ່າວມັນໄດ້ສ້າງຊື່ສຽງ, ສ້າງຄວາມເຊື່ອໝັ້ນ ໃຫ້ແກ່ປະຊາຄົມອາຊຽນດ້ວຍກັນ ນັບທັງຄູ່ເຈລະຈາໃນພາກພື້ນ ແລະ ສາກົນ. ອັນພິເສດສຸດແມ່ນພວກເຮົາໄດ້ ຄໍານັບຮັບຕ້ອນບັນດາທ່ານປະມຸກລັດ ແລະ ຜູ້ນໍາຂອງຫລາຍປະເທດທີ່ເດີນທາງມາຮ່ວມກອງປະຊຸມສຸດຍອດດັ່ງ ກ່າວ ໃນນີ້ກໍມີທ່ານ ບາຣັກ ໂອບາມາ ອະດີດປະທານາທິບໍດີແຫ່ງສະຫະລັດອາເມລິກາ ກໍໄດ້ເຂົ້າມາຮ່ວມ ແລະ ຢ້ຽມຢາມລັດຖະກິດຢູ່ປະເທດເຮົາຢ່າງເປັນທາງການ ແລະ ເປັນຄັ້ງປະຫວັດສາດແຫ່ງຍຸກສະໄໝ.

ສ່ວນວ່າສະເພາະພາຍໃນພວກເຮົາກໍມີຫລາຍເຫດການທີ່ເກີດຂຶ້ນເຊັ່ນ: ໄດ້ເລືອກຕັ້ງເອົາຜູ້ແທນສະພາແຫ່ງ ຊາດຊຸດທີ 8, ເລືອກເອົາຜູ້ແທນສະພາຂັ້ນແຂວງ, ປະກາດເລືອກຕັ້ງລັດຖະບານຊຸດທີ 8 ນັບທັງໄດ້ເຫັນໃບໜ້າ ໃບຕາຂອງປະທານປະເທດ ແລະ ນາຍົກລັດຖະມົນຕີຄົນໃໝ່. ມາເບິ່ງໃນດ້ານການເມືອງ, ຂົງເຂດວຽກງານປ້ອງ ກັນຊາດ-ປ້ອງກັນຄວາມສະຫງົບ, ເສດຖະກິດ-ສັງຄົມ ກໍເຫັນວ່າປະສົບຜົນສໍາເລັດຢ່າງໜ້າເພິ່ງພໍໃຈໃຫຍ່ ຫລວງເຊັ່ນ: ດ້ານການເມືອງກໍນັບມື້ມີສະຖຽນລະພາບຢ່າງໜັກແໜ້ນ ແລະ ໝັ້ນຄົງ, ດ້ານວຽກງານປ້ອງກັນ ຊາດ-ປ້ອງກັນຄວາມສະຫງົບກໍເຫັນວ່າບ້ານເມືອງເຮົານັບມື້ມີຄວາມສະຫງົບໂດຍພື້ນຖານ, ສ່ວນດ້ານເສດຖະ ກິດ-ສັງຄົມກໍເຫັນວ່ານັບມື້ກ້າວໜ້າຂະຫຍາຍຕົວໄປເລື້ອຍໆ.

- Wave100S AD to Website 2020 0 - ສົ່ງທ້າຍປີເກົ່າຕ້ອນຮັບປີໃໝ່ ດ້ວຍຄວາມຮັກຄວາມສາມັກຄີ

ຕາມເຮົາວ່າໝາກຜົນດັ່ງກ່າວກໍເນື່ອງມາຈາກການຈັດຕັ້ງຜັນຂະຫຍາຍມະຕິ 9 ແລະ 10 ຂອງພັກໃຫ້ເຂົ້າສູ່ ລວງເລິກ. ອັນໂຕເດັດໆອີກສິ່ງໜຶ່ງແມ່ນພວກເຮົາສາມາດຂຸດຄົ້ນເຈາະເລິກຖອນຮາກຖອນໂຄນແຫລ່ງປາກົດ ການຫຍໍ້ທໍ້ທາງສັງຄົມໄດ້ຢ່າງຫລວງຫລາຍເຊັ່ນ: ປາບພວກຕັດໄມ້ເຖື່ອນ, ປາບພວກໜີພາສີ, ປາບຂະບວນການ ຢາເສບຕິດ, ຂະບວນການສໍ້ລາດບັງຫລວງ ແລະ ສາມາດນໍາເອົາເງິນທີ່ເສຍຫາຍຄືນມາໄດ້ຈໍານວນຫລາຍ. ສິ່ງທີ່ ໂດດເດັ່ນ ແລະ ເປັນແບບຢ່າງໜ້າຍົກຍ້ອງຂອງປວງຊົນລາວທັງຊາດນັ້ນກໍແມ່ນການນໍາພັກ ແລະ ລັດຖະບານ ໄດ້ສະຫລະລົດປະຈໍາຕໍາແໜ່ງທີ່ຫລູຫລາຂອງຕົນມາປະມູນຂາຍເພື່ອເອົາເງິນມາໃຫ້ງົບປະມານລັດໄດ້ຫລາຍກວ່າ 11 ຕື້ກີບ. ຈາກສິ່ງນີ້ລະພວກເຮົາຈຶ່ງເວົ້າໄດ້ວ່າ: ໃນປີ ພສ 2559 ຜ່ານມາ, ເປັນປີທີ່ມີຄວາມໝາຍທາງດ້ານປະ ຫວັດສາດຂອງຊາດ ແລະ ເປັນປີເງິນປີທອງຂອງປວງຊົນລາວທົ່ວທັງປະເທດ.

ສໍາລັບປີ 2560 ທີ່ຈະມາເຖິງນີ້, ຕາມໂຫລາສາດ ແລະ ປະຕິທິນເພິ່ນວ່າເປັນປີນາງສັງຂານກິນເລືອດ ວ່າຊັ້ນ ! ຖືເປັນປີທີ່ດວງເດີນຂອງຄົນເຮົາບໍ່ຄ່ອຍລາບລື່ນປານໃດ. ສະນັ້ນ, ໃຜໄປມາທາງໃດກໍໃຫ້ມີສະຕິຢ່າປະໝາດເລີ້ນ ເລີ້ເດັດຂາດ, ຖ້າບໍ່ດັ່ງນັ້ນໄພອັນຕະລາຍຈະມາເຖິງຕົວເຮົາໄດ້ທຸກເມື່ອ. ຕາມເຮົາຄິດ, ເຖິງວ່ານາງສັງຂານກິນ ເລືອດກໍເປັນເລື່ອງຂອງນາງສັງຂານ, ຂໍໃຫ້ເປັນຍອດຕໍານານແຫ່ງຄວາມເຊື່ອ, ແຕ່ສິ່ງສໍາຄັນຄົນເຮົາຢ່າພາກັນ ກິນກັນ, ຖ້າອົດບໍ່ໄດ້ຢາກກິນເລືອດແທ້ໆກໍຂໍໃຫ້ກິນເລືອດແປງເປັດ, ກິນຊົກເລັກ, ຢ່າພາກັນກິນບ້ານກິນເມືອງ, ຢ່າສໍ້ລາດບັງຫລວງ, ຢ່າໄປມົວເມົານໍາຢາເສບຕິດ, ໃຫ້ພາກັນປະຢັດມັດທະຍັດຕາມທິດຊີ້ນໍາ-ນໍາພາຂອງພັກ ແລະ ລັດຖະບານ ເພາະວ່າໃນຖັນແຖວພະນັກງານ ແລະ ປະຊາຊົນໂດຍສ່ວນໃຫຍ່ແລ້ວຍັງມີຊີວິດການເປັນຢູ່ທຸກ ຍາກລໍາບາກ, ຍັງບໍ່ທັນຮັ່ງມີດັ່ງປະເທດທີ່ເພີ່ນຈະເລີນແລ້ວ. ອັນສໍາຄັນການສະເຫລີມສະຫລອງສົ່ງທ້າຍປີເກົ່າ ພສ 2559 ແລະ ຕ້ອນຮັບປີໃໝ່ ພສ 2560 ຂໍໃຫ້ມີບັນຍາກາດມ່ວນຊື່ນຄຶກຄື້ນເຕັມໄປດ້ວຍຄວາມຮັກຄວາມ ສາມັກຄີບົນຜືນແຜ່ນດິນລ້ານຊ້າງອັນແສນຮັກ ແລະ ຫວງແຫນຂອງພວກເຮົາ.

- WhatsApp Image 2020 05 27 at 5 - ສົ່ງທ້າຍປີເກົ່າຕ້ອນຮັບປີໃໝ່ ດ້ວຍຄວາມຮັກຄວາມສາມັກຄີ
- WhatsApp Image 2020 05 27 at 5 - ສົ່ງທ້າຍປີເກົ່າຕ້ອນຮັບປີໃໝ່ ດ້ວຍຄວາມຮັກຄວາມສາມັກຄີ
error: Alert: ເນື້ອຫາຂ່າວມີລິຂະສິດ !!