ອາຣັບບີ ຊາອຸດິດ ຈະສະກັດການເຊື່ອມຕໍ່ ກັບເຢເມນທາງບົກ, ທະເລ ແລະ ອາກາດ

- advert banner 728 90 728x90 - ອາຣັບບີ ຊາອຸດິດ ຈະສະກັດການເຊື່ອມຕໍ່ ກັບເຢເມນທາງບົກ, ທະເລ ແລະ ອາກາດ

ກອງ​ກຳລັງ​ພັນທະ​ມິດ​ນຳ​ໂດຍ​ອາຣັບບີ ຊາ​ອຸ​ດິດ ຖະ​ແຫລ​ງວ່າ: ຈະ​ປິດ​ການ​ເຊື່ອມ​ຕໍ່​ທາງ​ອາກາດ, ທາງບົກ ​ແລະ ທ່າ​ກຳ​ປັ່ນ​ທັງ​ໝົດ​ກັບ​ເຢ​ເມນ ​ເພື່ອ​ສະກັດ​ການ​ຂົນ​ສົ່ງ​ອາວຸດ​ຈາກ​ອີຣານ​ໃຫ້​ກຸ່ມ​ກະບົດ​ຊາວ​ຮູ​ທີ​ຢູ່​ເຢ​ເມນ.

- new3 - ອາຣັບບີ ຊາອຸດິດ ຈະສະກັດການເຊື່ອມຕໍ່ ກັບເຢເມນທາງບົກ, ທະເລ ແລະ ອາກາດ

ສຳນັກ​ຂ່າວ​ເອສພີ​ເອຂອງ​ທາງ​ການ​ອາຣັບບີ ຊາ​ອຸ​ດິດ ລາຍ​ງານ​ຖະ​ແຫລ​ງການ​ຄວາມ​ຄືບ​ໜ້າ​ຫລ້າ​ສຸດ ພາຍຫລັງ​ກອງ​ກຳລັງ​ປ້ອງ​ກັນ​ທາງ​ອາກາດ​ພົບ​ວ່າ​ມີ​ການ​ຍິງ​ລູກ​ສອນ​ໄຟ​ຂ້າມ​ນ່ານຟ້າ​ນະຄອນຫລວງຣິຍາດ​​ໃນ​ວັນ​ທີ 4 ພະຈິກ ​ແລະ ​ໄດ້​ຍິງ​ສະກັດ​ຕົກ​ໃກ້​ສະໜາມ​ບິນຣິຍາດ ​ໂດຍ​ບໍ່​ມີ​ຜູ້​ບາດ​ເຈັບ. ກອງ​ກຳລັງ​ພັນທະ​ມິດ​ອາຣັບບີ ຊາ​ອຸ​ດິດ ລະບຸ​ວ່າ: ​ເປັນ​ການ​ກະທຳ​ທີ່​ອັນຕະລາຍ​ຫລາຍ​ຈາກ​ກຸ່ມ​ຕິດ​ອາວຸດ​ຊາວ​ຮູ​ທີ ​ເຊິ່ງອີຣານສະໜັບສະໜູນ ​ແລະ ຍຶດຄອງ​ພື້ນທີ່​ສ່ວນ​ຫລາຍ​ຢູ່​ເຢ​ເມນ. ກອງ​ກຳລັງ​ອາຣັບບີ ຊາ​ອຸ​ດິດ ​ແລະ ອາ​ເມ​ລິ​ກາ ຕ່າງ​ໂທດ​ອີຣານວ່າ​ຢູ່​ເບື້ອງຫລັງ​ເຫດ​ໂຈມ​ຕີ, ​ແຕ່​ກອງ​ກຳລັງ​ຮັກສາ​ການ​ປະຕິວັດ​ອີຣານຖະ​ແຫລ​ງປະຕິ​ເສດ​ຂໍ້​ກ່າ​ວຫາ ​ໂດຍ​ບອກ​ວ່າ​ຄຳ​ກ່າວ​ຂອງ​ປະທານາທິບໍດີ ​ໂດ​ນັນ ທຣຳ ​ເປັນ​ການ​ກ່າວ​ໃຫ້​ຮ້າຍ​ອີຣານ.

error: Content is protected !!